لقد كرهت نفسي بكل حاجه حرفيا مش منظر طالب امتحان الثانوية العامة بعد بكره مش قادر ابص في الكتاب بعد الفعل الشنيع الي اتعرضتله من عاده سريه واباحيه ده بسبب الاباحية غير مشاكل نفسية كتير بتقابلني الأيام دي وبقيت بعاني من الوحده كل صحابي بقي ميعرفونيش غير مصلحه واخفف عنهم مشاكلهم وانا بقيت مبعرفش اعبر عن الي جويا فبسكت لاني عارف لو حكيت محدش هيفهمني
صلى وقرب من ربنا الشيطان قدر انو يضحك عليك وقعت فحفرة اطلع منها وكمل ركز فى مستقبلك انت فأهم مرحلة خلاص فاضل تكه شوف فرحتك وفرحة اهلك وقتها بالدنيا متخليش الشيطان يخليك تندم قدام وتقول يرتنى شيل الحاجة من دماغك وفوق لمذكرتك وامتحناتك اصحابك متقعدش تفكر فيهم دلوقتى واديك عرفتهم عرفت مين الصادق ومين بتاع مصلحتو اهم حاجة دلوقتى هى فترة الامتحنات ربنا يوافقوا
تم النشر الخميس، ٢٧ يونيو ٢٠٢٤
كل انسان له نصيبه من الذنوب والمعاصي احنا بشر مش ملايكه وفكرة انك حاسس بالذنب ومش مبسوط دي حاجه كويسه جدا علي الاقل عندك نيه تبطل غيرك مبيحسش بغلطه وربنا قال خير الخطائين التوابون ، توب لربنا توبه نصوحه ابعد فيها عن الحاجات دي ومتقعدش لوحدك عشان الشيطان ميضحكش عليك خليك دايما قاعد مع ناس ولما تيجي تذاكر متقفلش باب الاوضه علي نفسك وادعي ربنا في صلاتك انه يهديك ويقربك ليك وبإذن الله ربنا هياخد بإيدك ومش هيخذلك واتأكد انك احسن من غيرك علي الاقل حاسس بغلطك
تم النشر الجمعة، ٢٨ يونيو ٢٠٢٤
أول حاجة، هدي نفسك شوية وخد نفس عميق. مش عيب إنك تشعر بالضيق أو القلق خصوصًا في فترة زي دي. الامتحانات الثانوية بتكون فترة صعبة ومليانة ضغوطات. تاني حاجة، بخصوص موضوع العادة السرية والإباحية، لازم تفهم إن دي مشكلة بتواجه ناس كتير، مش بس إنت. وحاجة كويسة إنك واعي بإن ده بيؤثر عليك بشكل سلبي. أنت مش لوحدك في الموضوع ده. وفيما يخص مشاعر الوحدة والإحباط من ناحية الأصدقاء، حاول تدور على ناس بتشاركك نفس الاهتمامات والهوايات، حتى لو ده ممكن يكون من خلال الانترنت أو مجموعات مهتمة بشيء معين. بالنسبة للامتحانات، حاول ترجع تركز شويه في مذاكرتك. قسم وقتك بطريقة تضمنلك وقت راحة كمان. مهم إنك تعطي نفسك وقت تستريح فيه وتفصل عن الضغط. أما الحاجة الأخيرة، لو تحس إنك مش قادر تواجه كل ده لوحدك، ممكن تفكر إنك تتكلم مع مستشار نفسي أو مختص يساعدك تفهم مشاعرك أكتر، ويعطيك استراتيجيات للتعامل مع الضغط النفسي. مشوارك طويل ولسه الحياة قدامك، وشوية الصعوبات دي هي جزء منها بس مش نهاية العالم. خليك قوي وإن شاء الله الأمور هتتحسن.
تم النشر الخميس، ٢٧ يونيو ٢٠٢٤
أخي هي دي حياتك وانت اللي بتتحكم في احداثها بكامل ارادتك بس للاسف مش بكامل وعي!! والنقطه دي محتاج افهمك.... كل اللي انت بتشكي منه هو اللي معكر حياتك هو الذنب وانت اتكلمت عن ذنب الاباحيه طيب ما تحمد ربنا اكبر دليل على البوست ده انك ليسا بخير وعايش ضميرك ما مات ولا قلبك الحمد لله وربنا بيحاول معاك مع كل آلم انت بتحس بيه والله صدقني هي دي الحقيقه لو دقت طعم التوبه والحياه الطبيعية مش هتحب ترجع لايام المر دي كلنا بنغلط بس الاستسلام للخطأ معناه دمارك و(فوز اكبر عدو ليك عليك وهو الشيطان).... فأنت اسأل نفسك سؤال طيب لحد امتى هبني حياتي على مجرد سعاده مؤقته بعديها تعاسه؟ لحد امتى هتعيش نفسك بناءا على احداث اللي حواليك لحد امتى هنفضل نأخد حجج اني مفيش صحاب لحد امتى هتأخد حجج انك ضعيف ومش بتقدر... لا انت تقدر والله ادمان دا مش بيجي من قرار انك هتبطل لا اطلاقا هما تلات كلمات (علم +عمل +صبر) لازم تفهم انك بتساهم في كون ان بنت جديده تنضم لعالم البورن بسبب مشاهدتك انت فأنت مشارك معاهم بنجاحهم مشارك معاهم انهم يصنعوا مليارات على حساب صحتك وعلى حساب تدمير عقلك هتشوف الستات بعد كدا مجرد ادوات وبس وهي دي القيمه اللي اتصدرت ليك وعشت عليها مركز المكافأه والتحفيز في العقل هيدمر عندك كل ده هيحصل معاك لازم تفكر انت هتخرج ازاي وتعرف الوقت اللي بتزيد في شهوتك امتى وتتجنبه يكون معاك نت وقتها.... اعمل هدف اسبوعي انك تبعد الاول وقول انك هتجرب تنجح في حياتك ولو اسبوع ولاحظ الفرق.... خلي بالك مع كل وقت بتحس فيه بالانجاز ساعات الشيطان يجي ويقولك ما ترجع 10 دقايق... لو رجعتهم دمرت حياتك بالشهور وخليك صابر ومتأكد ان كتير تتعافى من الموضوع ومسيرك تتعافى لو غلط توب لربنا تاني وزود استغفار غلط تاني توب وزود استغفار وقرآن غلط تالت توب وزود استغفار وقرآن وصلاه قيام صدقني الشيطان هيمل وهيعرف ان الذنب اللي يوديك لربنا هسيبك منه وافتكر دايما انك مش معنى انك عشت سنه من غير اباحيه يبقى خلاص افتكر انك مُعرض انك تقع تاني كأنك معرض تتضرب بالنار تاني افتكر آلمها وخسارتها اتمنى اكون قدرت افيدك.... بالتوفيق
تم النشر الجمعة، ٢٨ يونيو ٢٠٢٤
لعرض السؤال في فدني اضغط هنا