أنا معرفش ينفع اكتب كده ولا لا بس انا دلوقتي ماما بتمر بضغط نفسي شديد بسبب جدتي دائما جدتي لازم تطلع امي وحشه في كل حاجه وتضايق لو حد قال حاجه حلوه علي ماما .للعلم ماما ملهاش اخوات الاتنين متوفين وكل ما جدتي تحاول تعصب ماما عشان ماما ترد عليها وماما ماترضاش ترد عليها عشان متقولش حاجه تضايق جدتي.. فجدتي تقولها اصل انا معنديش غير ولدين الاتنين ماتو ومليش حد في الدنيا دي ..للعلم امي شايله جدتي بقالها اكتر من 10 سنين وعمر ما جدتي قالتلها شكرا حتي ..هي قاعده معانا وكل شويه تقول عايزة تمشي وتقعد لي وحدها للعلم هي اصلا مش هتقدر تخدم نفسها لانها بتتحرك بي كرسي وهي مش بتقدر تمسك حاجه.. أنا بقى مش عارفة اخفف عن امي ازاي لأنها بتشيل في نفسها كتير..
شكرا ليكي بجد انك حاسة بوالدتك وشاغلك ازاي تقدري تساعديها وتخففي عنها احضني والدتك وطيبي خاطرها بالكلام ، وقوليلها انا شايفة قد ايه بتتعبي مع جدتي ، وفكريها بجزاء بر الوالدين والصبر على خدمتهم. كل فترة كدا حوشي من مصروفك ، واشتريلها هدية بتحبها او محتاجاها ، هاتيلها ورد ، اشتريلها اكله او حلويات هي بتحبها ، حاولي تساعديها في شغل البيت ، لو تقدري تشيلي عنها ولو 1% من العبء او المسؤوليات تجاه جدتك اعملي كدا ، لانك انتي كمان عليكي واجب تجاه جدتك مش ماما بس. ممكن جدتك تكون بتعاني من وقت فقد اولادها ، فنفسيا تأثرت ولكن الضرر بقى واقع اكتر على والدتك من كلامها ، وهي سنها كبير ومبقتش تقدر تميز تقول ايه ومتقولش ايه ، ولكن مامتك بتصبر وبتبر امها ، عشان عارفة ان دا هيرجعلها تاني فيكي انتي واخواتك ، بطاعتها وحبها وخدمتها في وقت ما تكون محتاجة مساعدتكم. ادعي لماما كمان ان ربنا يقويها ويصبرها ، ولو تقدري تشغلي جدتك شوية باي كلام يلهيها عن توجيه اي كلام لماما اعملي كدا ، لو تقدري باسلوب حلو تتكلمي مع تيتا ان قد ايه ماما بتحبها وبتراعيها وبتتعب علشانها ، وان ماما بتزعل من اي كلام بتقوله ليها ، يمكن دا يحنن قلب جدتك شوية. ولو لاقيتي جدتك بتتكلم معاكي انتي كمان بنفس الطريقة ، اعملي زي ما ماما بتعمل ، مترديش باي اسلوب وحش واصبري .. لان تيتا سنها كبر ونفسيتها تعبت وكمان احساسها بالعجز وعدم قدرتها على خدمة نفسها ممكن يطلع على شكل عصبية وشتيمة في اللى حواليها .. لكن تأكدي ان من جواها بتحب مامتك ، بس الصدمات والمرض والظروف الصعبة ممكن تحول الانسان ظاهريا لشخص صعب في التعامل واسلوبه حاد في الكلام (دا مش مبرر لاي شخص انه يسيء للاخرين، ولكن فهمك لدا يخليكي تصبري وتصبري ماما كمان على جدتك وعلى خدمتها) ، واحتسبي الاجر ليكي في ميزان حسناتك ان شاء الله وفي الجنة وفي الدنيا هيكون خير ليكي لما تكبري انتي كمان.
تم النشر الأربعاء، ٢٨ أغسطس ٢٠٢٤
من الواضح أن والدتك باره بوالدتها ودى صفه رائعه ربنا يجازيها كل الخير وتقدر تكمل. ممكن يكون فى موقف حصل بين مامتك وجدتك مأثر عليها أو غير متفاهمين بالدرجه الكافيه،وفاة اولادها يكون مأثر عليها ،مرضها الشديد يكون ليه تأثير .... حاجات كتير ممكن تكون السبب فى توتر العلاقة بينهم. دورك مع والدتك انك تدعميها وتساعديها في الحاجات اللى بتعملها، فكريها دايما أنها مميزة وأنها بتعمل حاجات كتير جميله وقوليلها ايه الحاجات دى. اتكلمي معاها وكوني صديقتها وخليها تقول كل اللى جواها ده هيخفف عنها كتير. ممكن من وقت لآخر تخرجى معاها أو تعملي ليها حاجه بتحبها ده هيخليها نفسيا افضل المهم خليكي معاها علطول وادعميها وكمان كوني مع جدتك خليكي معاها ولو حصل اي سوء تفاهم بينهم حاولي تحتوي الموقف وتقربي وجهات النظر كوني صبورة وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷
تم النشر الأربعاء، ٢٨ أغسطس ٢٠٢٤
عزيزتي، أنا آسفة جدًا لسماع ما تمر به والدتك من ضغط نفسي بسبب تصرفات جدتك. من المؤسف أن يشعر الإنسان بالضغط والقلق خاصة من أقرب الناس إليه. أولاً، من المهم أن تعرفي أن مشاعر والدتك طبيعية في ظل هذه الظروف، فهي تتحمل مسؤولية كبيرة، خاصة وأنها تعتني بجدتك لسنوات طويلة دون تلقي الشكر أو التقدير. يمكنك مساعدتها من خلال اتباع بعض الخطوات البسيطة: التواصل : حاولِ أن تُشجعي والدتك على التعبير عن مشاعرها. اجلسي معها وتحدثي عن ما تشعر به. قد يكون من المفيد لها أن تجد شخصًا يستمع إليها ويدعمها. الدعم العاطفي : اجعلي لها مجالًا للتحدث عن مشاعرها، واجعليها تشعر بأنها ليست وحدها. يمكن أن تكون كلمات الدعم والتشجيع لها مفيدة جدًا. تنظيم الأنشطة : ابحثي عن أنشطة صغيرة يمكنكم القيام بها سويًا، مثل تناول الطعام معًا أو مشاهدة فيلم. مثل هذه الأنشطة يمكن أن تكون وسيلة جيدة لتخفيف التوتر. الاهتمام بالنفس : ذكري والدتك بضرورة الاهتمام بنفسها وصحتها. يمكن أن يساعد تخصيص وقت لنفسها أو القيام بأمور تحبها في تحسين حالتها النفسية. الاستشارة : إذا سمحت الظروف، يمكنك التقترح على والدتك استشارة مختص نفسي لمساعدتها في التعامل مع هذه الضغوطات. تذكري دائمًا، العناية بالنفس وتوفير الدعم للعائلة هو أمر مهم. أسألك الله أن يمنحكما القوة والهدوء في هذه الأوقات الصعبة.
تم النشر الأربعاء، ٢٨ أغسطس ٢٠٢٤
فهم مامتك تستحمل علي قد ما تقدر .. كبار السن فضيين و الفاضي وحش . بيتسلوا عشان يحسوا انهم عايشين و خالي مامتك تحاول تعمل اللي عليها متدهاش اي رد فعل علي تصرفها فهتلاقي مفيش امل من اللي بتعمله و تبطل
تم النشر الأربعاء، ٢٨ أغسطس ٢٠٢٤
بر الشخص بامه وأبوه واجب عليه حتي لو لم يحسنوا معاملته ده واجب امك تجاه جدتك ممكن تكون الجده محتاجة الصبر في المعاملة والكلمة الطيبة والحنية والاحتواء
تم النشر الأربعاء، ٢٨ أغسطس ٢٠٢٤
اتكلمي معا جدتك وفهميها انو مامتك بتزعل من الكلام ده امكن جدتك متكونش واخده بالها انو كلامها بيزعل ودعيلها وربنا يصبر مامتك
تم النشر الأربعاء، ٢٨ أغسطس ٢٠٢٤
لعرض السؤال في فدني اضغط هنا