كل يوم بكتشف أني مابقتش قادر إني "أهاتي" !
مش قادر أتناقش ،
مش قادر أعاتب ،
أنا شخص بيواجه
بيواجه بعنف كمان
أي موقف
وأي شخص
بس مع الوقت بقيت بحس أني مش قادر
مش لأي سبب غير إني ماعنديش طاقة
أصرفها عالكلام ده !
ماعنديش طاقة أصرفها على ناس أعاتبهم
أو أحاول أناقشهم في موضوعات عامة أو خاصة حتى !
ماعنديش طاقة أستنى حد
ولا من جديد أرجع شخص لحياتي قرر أنه حان وقت الرجوع ....
أنا فعلا بقيت متصالح جداً مع الحالة دي
استراحة محارب. محتاج استراحة ....انت بتحارب عشان كل حاجة مقتنع بيها وكل حاجة حاببها ...بس الحرب بتاخد هدنه والمحاربين بيحتاجوا يفصلوا عشان يرجعوا تانى بكامل قوتهم يقفوا ويواجهوا تانى... جوه الاستراحة دى اصلا ممكن نقرر نوقف الحرب ...زى التصالح اللى انت بتتكلم عليه ...بس المهم اننا نقرره صح وبشروط وبنسب معينة. يعنى احنا بعد كده هنعاتب ...بس بكلمتين من غير ما نتعب نفسنا . بعد كده هنواجه الغلط بس من غير عنف عشان ده اثره علينا وحش. صح جدا انك تقرر تحافظ على طاقتك وتوظفها صح ومش على اى حد ..على ناس بس يهمك امرهم وبردوا بالقدر اللى ميبقاش بياكل من روحك حته.
تم النشر الأحد، ٥ فبراير ٢٠٢٣
يمكن علشان مثلا بعيد عن ربنا علشان كده طاقتك خلصت انا مريت بفس التجربه دي وكان سببها اني كنت بعيده عن ربنا لو قولتلي انا مش بسيب فرض هقولك ان الصلاه مش كل حاجه الصلاه فرض عليك هي سبب تقربك من الله بس في حاجات كتير جدا برضه بتقربك من ربنا حاول تتعامل طبيعي مع الناس لان دا هيوصلك لاكتئاب احنا في غنا عنه دا رأيي الشخصي ياريت اكون افادتك
تم النشر السبت، ٤ فبراير ٢٠٢٣
لعرض السؤال في فدني اضغط هنا