كيف انسى صديقتي المفضلة

Question

انا كان ليا صاحبة اتعرفت عليها من 8 سنين تقريبا انا بنت وحيدة ومليش اخوات بنات ولما تعرفت عليها مكنش ليا صحاب وقتها هيا كانت اختي وصحبتي وكل حاجة في حياتي وهيا عارفه وكانت اغلي الناس ع قلبي واقرب حد ليا كنت بحبها حب ميتوصفش ولما كانت تحزن كنت ادعي دايما الحزن اللي عندها يجي فيا واشوفها مبسوطه دايماً ابعتلها رسايل حلوه واهتم بيها ولما تبقى متضايقه تيجي تحكيلي كنت بسمعها وبسيب كل اللي ورايا عشان اشوفها مالها ومخرجش من الشات بتاعتنا الا وهيا مخرجة كل اللي جواها وممكن كنت اتصل عليها واسمعها بس وهيا كانت تحبني جدا وتقولي انا بحبك وبرتاحلك اكتر من اي حد وكانت تقولي انها بتحبني جدا وخايفه تخسرني بس المشكلة هنا انها كانت بتعمل افعال عكس اللي بتقوله يعني ترد ع رسايلي متأخر ونا ببقي محتاجة اتكلم معاها مش بلاقيها وكان كل فين وفين لما بتزورني رغم انها بتخرج وبتروح وتيجي وحتي يوم عيد ميلادي مبتهتمش بيا زي ما الصحاب بتعمل وكانت تقرب شويه وتبعد شويه تهتم شويه وتهملني شويه لما حسيت انها بتلعب بمشاعري بس انا بعاتبها كل فتره وكنت بحس انها بتتخنق من العتاب ف بقيت اسكت بس مش بعرف اتعامل معاها زي الاول ف جه مره اتخانقنا وبعدنا لقيتها عملتلي بلوك فضل اكتر من شهر ونا حزنت حزن شديد واتصدمت وتأثرت جدا انا كنت بتأثر بيها جدا اقل حاجه منها تفرحني واقل حاجة بتزعلني وهيا كانت عارفه ده بس بعدها فكت البلوك ورجعت مره تانيه واعتذرت ونا اديتها فرصه تانية رغم اني مكنتش قادرة اسامحها وحصل بعدها مشاكل ع نفس الأسباب برضو اللي هيا الرد المتأخر والإهمال وتبرر دايما بأعذار تافهه بس انا حسيت اني معنتش قابله المعامله دي ف قررت اني امسح رقمها وابعد عنها نهائياً بقالنا سنه بس مش قادره انساها محتاجه حد يقولي انساها ازاي؟ وحابه برضو اعرف هل انا كده بعدت عنها لأسباب تافهه؟ رغم اني كنت بحزن جدا وبتأثر جامد محتاجه حد يساعدني وأسفه لو طولت

Accepted Answer

هناك فرق بين علاقة الصداقة وعلاقة الزواج! الصداقة علاقة قد يعتريها ما يعتريها .. فيوما ما سيتخرج أصدقاء الكلية ويمضي كل منهم لحال سبيله وربما لا يلتقون إلا كل عدة سنوات .. يوما ما سيرحل الجيران من المدينة أو الدولة بأكملها .. يوما ما سيترك العمل أصدقاؤنا المقربون .. كل هذه الأمور لا يجب أن تؤثر على الحالة النفسية للإنسان ولا سلامه الداخلي! --------------------------- الصداقة - بخلاف القرابة - يمكن أن يُعاد تشكيلها كل يوم ومن غير انتظار أو توقع فتكسبين صديقة جديدة أو ترحل أخرى من غير أن يؤثر ذلك على حياة الإنسان وهي علاقة خاضعة للرغبات الإنسانية والميول بينما القرابة علاقة أعمق جذورا ولا اختيار لنا فيها

Answer

مفيش اجابه واضحه تقدر تشفي الوجع.. لكن الموضوع بالنسبالك مهم ومرتبط بمشاعرك، لكن انا هقولك ان المشاكل وارد تحصل.. حتى لو حاجات تافهه.. بس مش دايما بيكون معناه ان الموضوع انتهى.. لكن في نفس الوقت عودي نفسك ع الوحده وانك ماتتعلقيش ب حد زياده عن اللزوم

Answer

كل واحد عنده طاقه طبيعي بعد كل ده وقله الأهتمام منها تخليكي طاقتك تخلص والمفروض تكوني مبسوطه لأنك خدتي القرار ده عشان متدمريش نفسك اكتر من كده مع حد مش بيعمل حاجه اكتر من أنه بيتعبك نفسيا ، انتي واحده واحده ابتدي كوني صداقات تانيه وتكون بحدود برضو ومش بعشم اوي عشان ميتكررش ده تاني واشغلي نفسك سواء ف دراستك أو شغلك هتنسي

كيف انسى صديقتي المفضلة

نفسية

اجتماعية

أصدقاء

سؤال من احد أعضاء فدني

تم النشر السبت، ٢٤ يونيو ٢٠٢٣

3 إجابة

9 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك