نفسياً متدمر
انا دايما دماغي مش بتهدي من التفكير ودايما في صراع بين وبين نفسي دايما بفكر في الي راح واللي بيحصل واللي جاي وبحس أن ف اتنين ف دماغي وانا التالت بتاعهم 💔 ودايما عندي تٱنيب ضمير في اللي بعمله إذا كان صح او غلط حتي لو لو الحاجه فكرت فيها ومعملتهاش دايما ضميري يٱنبني ونفسي اعرف ده تحت مسمي اي او اي سببه مش عارف اوصل لحل خالص والموضوع ده فعلا مسبب ليا تعب نفسي شديد جدا جدا اقسم بالله
ارجو الافاده 😔😔😔
ازيك الاول ❤🤝🏻 قبل اي حاجه مافيش حاجه تستاهل انه نفسيتك تتعب عشان نفسك عزيزه ماتخاهلش تتأثر بأي حاجه 🫂 بص التفكير وانه انا اخطط وارتب افكاري عشان انجح او اكون حد ناضج كويس جدا مافيهوش مشكله لكن بشرط انه مايوصلنيش اني احس اني مش عارف انا مين في كل الاصوات دي تعالي نقول شوية خطوات كده يمكن تهون عليك شويه: 1- هون علي نفسك احنا كلنا اقدارنا مكتوبه والحاجه اللي بقعد اخططلها سنين هي نتيجتها اولريدي عند ربنا من قبل مااتولد حتي فهون علي نفسك وخد الامور ببساطه. 2-جرب تتصاحب علي الاصوات دي يعني اسمع كل اللي بيتقال في دماغك وشوف انسب حاجه واعملها بغض النظر عن النتيجة ومن غير اي ندم او تأنيب ضمير اصل الدنيا مش هتقف يعني لو عملت حاجه غلط هون علي نفسك. 3-ممكن تشتري سبّاحه وتذكر ربنا كتير بجد هيهون عليك وهتوقف كل الاصوات دي وحتي لو ماوقفتش ماتبطلش ذكر صدقني مع الوقت كله هيبقي تمام. 4- ادعي ربنا انه يشرح صدرك ويروق بالك والله الدعاء بيغلب القدر. 5-خليك واثق انه انت حد ناضج كفايه بدليل انه انت مدرك انه عندك مشكله وعاوز تحلها"رغم انه هي بجد مش مشكله ان شاءلله " صاحب نفسك واسمعها بجد مافيش حدك هيفهمك غيرك مهما اتكلمنا وحكينا مش بنقدر نعبر عن كل حاجه عشان كده هون علي نفسك وربنا يعملك الخير يارب ويرزقك السكينه. طولت عليك معلش 😊❤
تم النشر الأحد، ٢٤ ديسمبر ٢٠٢٣
لعرض السؤال في فدني اضغط هنا