أنا عايزة احكى مشكلتى أنا فى ثانوى وانا من قبل ٣ إعدادى أنا اهلى سواء امى مش مهتمين بي، مهتمين بأختي التوأم و كل شوية يبينولي اني أنا فاشلة وهي الشاطرة وانا بقيت بحس انى أنا فاشلة اوووى ومش عارفة اذاكر ومهتمين بها على طول ومحدش بيسمعنى عشان كدة أنا جية احكى هنا.
ممكن الحل؟
كتير من الأهالي بيستخدموا الأسلوب ده اعتقادًا منهم إنهم كده بيشجعوا أولادهم يبذلوا مجهود ويذاكروا أكتر. مش بيبقوا شايفين إن دي مقارنة وممكن تسبب كره بين الإخوات أو ضرر نفسي للطرف اللي هيشوف نفسه أقل. المهم، تأكدي إنهم بيحبوكِ بس أسلوبهم غلط وأكيد عاوزين يشوفوكِ أنتِ وأختكِ في أفضل حال. والأهم إنك أنتِ تثقي في نفسكِ. لا تنتظري كلام أهل أو أصدقاء عشان يعطيكِ الثقة والدفعة اللي محتاجاها للنجاح. عارفة إننا بنحتاج نسمع كلام مشجع من القريبين لنا وبنحب نشوف إننا عاليين في نظرهم، لكن نعمل إيه لو مش بنسمع الكلام ده؟ هل نحزن ونقف مكاننا ونصدق عن نفسنا إننا فشلة فنفشل بجد؟ أكيد لأ. لازم احنا ندعم نفسنا ونوقفها على رجلها حتى لو محدش ساندنا. *** انسي كل الأفكار السلبية دي وبطلي تبصي على النص الفاضي من الكوب والجوانب السلبية بس من حياتك. هاتي ورقة وقلم وكل يوم اكتبي ولو 3 حاجات على الأقل ممتنة لوجودها في حياتك ونعم ربنا اللي الحزن مش مخليكِ واخدة بالكِ منها. اكتبي أي إنجاز أو حاجة حلوة أسعدتِك مهما كانت صغيرة. مارسي ده كل يوم بالإضافة إلى مواظبتكِ على صلاتك وأذكار الصباح والمساء وادعي ربنا يصلح علاقتكِ بأهلكِ وإن شاء الله كل شيء هيبقى بخير. بالتوفيق.
تم النشر السبت، ٢٣ نوفمبر ٢٠٢٤
عزيزتي، أشعر بقسوة الوضع الذي تواجهينه، وأتمنى أن تتحلي بالصبر والقوة في هذه الفترة الصعبة. من المهم أن تدركي أن قيمتك لا تحددها مقارنات الآخرين أو تقييماتهم، بل هي مستمدة من ذاتك وإمكانياتك الفردية. إليك بعض الخطوات العملية التي قد تساعدك في تعزيز ثقتك بنفسك: تحديد الأهداف الشخصية : حاولي تحديد أهداف صغيرة يمكنك تحقيقها، سواء في الدراسة أو في هواياتك. كلما حققتِ هدفًا، ستشعرين بتحسن في ثقتك بنفسك. تقبل الذات : احرصي على تقبل نفسك كما أنت، مع التركيز على نقاط قوتك. اكتبي قائمة بما تحبينه في نفسك وما تعتقدين أنك جيدة فيه. التواصل : إذا كان هناك شخص موثوق به في حياتك (مثل صديقة أو معلمة) يمكنك التحدث إليه عن مشاعرك أو التحديات التي تواجهينها، فكوني صادقة ولا تترددي في مشاركة مشاعرك. التطوير الذاتي : استثمري في نفسك من خلال القراءة، ممارسة هوايات جديدة، أو حتى الانضمام إلى أنشطة تعليمية تساعدك في تنمية مهاراتك وتعزيز ثقتك بنفسك. تغيير التفكير السلبي : كوني واعية للأفكار السلبية التي قد تراودك، وحاولي استبدالها بأفكار إيجابية عن نفسك وإمكانياتك. التذكر دائماً : تذكري أن كل شخص له تفاصيله وظروفه. المقارنة مع الآخرين يمكن أن تكون مضللة وغير مفيدة. لا تنسي أن مشوار الثقة بالنفس يحتاج إلى وقت وجهد، ولكن يمكنك تحقيق ذلك. كوني صبورة مع نفسك واستمتعي بكل نجاح صغير تحققيه. وإذا شعرت بالحاجة، يمكنك اللجوء إلى مستشار نفسي لمساعدتك بشكل أكبر.
تم النشر الثلاثاء، ١٩ نوفمبر ٢٠٢٤
اول و أهم حاجة لازم تعرفي أنهم بيحبوكوا أنتوا الأتنين ممكن مش عارفين يوازنوا بينكم في التعامل بس مفيش حاجة اسمها بيحبوها أكتر منك و أنا رأيي جربي مثلا لو مش بتعملي شغل البيت مثلا و هي بتعمل قومي أنتي اعملي و لو مثلا مش بتحبي المذاكرة ذاكري أكتر شوية و أبقي خشي قوليلهم عاوزين مياه أو عايزين اي حاجة اجبهالكم و قضي وقت أكتر معاهم و مع الوقت كل حاجة هتتحسن و أنتي تفضلي قولي لنفسك أنا أقدر أعمل أي حاجة لأن صدقيني محدش هيساعد حد غير نفسه و نفسك تستحق كل شئ جميل
تم النشر الثلاثاء، ١٩ نوفمبر ٢٠٢٤
وعلي فكره معظم الأهالي كده وانا كده برضو بس عشان حاطين عشمهم فينا بس ابعدي عن ضغطهم دلوقتي خالص وركزي في صلاتك واذكارك واهم حاجه تدعي لربنا وتقفلي علي نفسك الأوضة ويبقا عندك سيطره علي الموبايل مش هو الي مسيطر عليكي
تم النشر الخميس، ٢١ نوفمبر ٢٠٢٤
أثبتي لهم انك شاطره وقدها وعلشان تعملي كده ذاكري وحاولي
تم النشر الأربعاء، ٢٠ نوفمبر ٢٠٢٤
انا بقاا اهلى مش مديناا اي اهتمام خاص ولا تشجيع مع انى فى تالته ثانوي انا بجدد بقيت بغيب من الدروس وهما عادي مش فى دماغهم ولا بيسالونى انا زهقت من كده حتاا كمان والله ممكن اقعد اليوم كله على الفون فقدت الامل فى نفسى معتش بهتم ولا بمذاكرتى ولا صلاتى انا ليه بجد بعمل كده ممكن عشان اهلى مش مهتمين بياا انا بعمل كده
تم النشر الثلاثاء، ١٩ نوفمبر ٢٠٢٤
بصي حاولى تسمعى كلامهم فتره بعد كده في وقت الدنيا تكون حلوه بينكو فضفضى ليهم بهدوء و مش تلوميهم لا قوليلهم انا مقصره في ايه و ازى احسن من نفسى قدامكم و كده و طبعا لازم تكونى عارفه ان دول اكتر ناس بتحبك و محدش هيحبك اكتر منهم بس هو ممكن خوفهم عليكى اترجم غلط بس اتشجعى انتى و حسنى من نفسك بس
تم النشر الثلاثاء، ١٩ نوفمبر ٢٠٢٤
لعرض السؤال في فدني اضغط هنا