فيه حاجتين في كلامك:- اول حاجه ل اما والدتك بتعمل اسقاط عليكي بشكل لا ارادي، يعني انتي قولتي انها مش بتخرج ومش بتعمل اي حاجه وحياتها مقتصرة عليكم وبس وشغل البيت. وفي النفس قالت ليكي جملة الا وهي (انتى مبخرجيش ولا عارفة حاجة وانطوائية وغبية). الجملة ديه والدتك مش بتقولها ليكي، بتقولها لنفسها .. لانها هي اللي في الحياة ديه، ونفسها تطلع منها بشكل ما، وبتقول الكلام ده بشكل لا ارادي عليكي انتي. زي مثلا واحد يبقى كداب جدا، لكنه غير معترف بهذا، ويبقى قدامه صاحبه فيفضل يقوله انت كداب لصاحبه. مع انه هو مش الكداب .. ده بيعمل اسقاط عليه بشكل لا ارادي، بيجيب اللي فيه في غيره. ف والدتك بتعمل نفس الكلام معاكي. وده للاسف سلوك غير سوي، ف حاولي بدل ما تزعلي عليها تشفقي على حالتها. لان اكيد في اللي في حياتها اللي وصلها لكده. تاني حاجه وده استبعده شوية، ولكن هقوله ليكي على اي حال. بعض الاهالي بتتعامل مع ابنائها بنظرية التشجيع السلبي، يعني اقولك شوفي صاحبتك اشطر منك ازاي، علشان اخليكي تغيري منها وتبقى اشطر منها. هما بيبقوا عايزين ابنهم يبقى كويس ولكن بطريقة معاكسة غير الطريقة المعتادة اللي هو افضل ادعمك واقولك كلام حلو. ده اسلوب متبع كتير من الاهالي، وللاسف الاسلوب خطأ تماما، لانه نتيجته بتكون مش كويسة على ناس كتير. علشان كده ركزي في النية بتاعتها بدل الفعل. يعني نتيها خير ولكن فعلها سئ. ف ضعي تركيزك على نيتها وليس فعلها.
صعب اوي ان الاهالي تتغير، اصل مش معقولة هتيجي تغيري حد عنده فوق ال 40 او ال 50 سنة ..! قضى طول عمره مقتنع بالافكار دي. ف انتي متتعبيش نفسك ف محاولة تغييرها هي. اتغيري انتي طالما انتي مقتنعة تمام الاقتناع بانها بتعمل ده خوفا عليكي وانمها عايزيكي كويسة. يبقى نيتها كويسة. ف ركزي ع النية مش الفعل. وكأني ولا سامعة حاجه. متركزيش ف الكلام وتاخديه ع اعصابك. افهمي ما وراء الكلام، مش الكلام نفسه.
تم النشر الثلاثاء، ٣٠ أبريل ٢٠٢٤
انا اتفق معاكى ف حتة انها بتشجعنى وانها عايزانى افضل بس انا كلمتها كتير وقولتلها ان الطريقة دى بتزعلنى وبتاثر فيا وانا بتشجع عادى بكلمتين حلوين بس المشكلة انها مبتتغيرش ولا بتحاول تغير اصلا
تم النشر الاثنين، ٢٩ أبريل ٢٠٢٤
لعرض الإجابة في فدني اضغط هنا