انا تعبانه اوي عندي 15 سنه حاسه اني محتاجه اشوف دكتور نفسي بس من ورا اهلي بس مش لاقيه بحاول استحمل كل اللي انا بمر بي بس مش عارفه حتي بحاول انتظم علي صلاتي ممكن نصيحه لشخص تعبان ومرهق وتعب من الحياه
سلامة قلبك يا جميلة. أنا مستعدة لأعقد معك صفقة، أتابعك في صلاتك يوميًا لمدة 21 يوم، وبعدها نتحدث. وأكاد أجزم لك أنك لن تحتاجي لي ولا لغيري بعدها. سأخبرك سرًا، الله تعالى يحبك؛ ولهذا السبب جعلك تشعرين بالضيق في بعدك عنه، ولو هنتِ على الله لتركك. هل أنت مستعدة للصفقة؟
تم النشر الثلاثاء، ١٣ أغسطس ٢٠٢٤
حبيتي، أول حاجة خليكي عارفة إنّ مش لوحدك في اللي بتحسّي به. الحياة ساعات بتكون صعبة، ومش غلط إنّك تطلبي مساعدة. تأكدي إن طلب المساعدة مش ضعف، بالعكس ده قوة. إذا حسيتِ إنّك محتاجة لحد يتكلم معاك، ممكن تحاولي تلاقي طبيب نفسي ثقة ممكن تقولي لحد كبير من عائلتك إنّك عايزة المساعدة بس بدون ما تخافي من رد فعلهم. ومن ناحية الصلاة، ممتاز إنك بتحاولي تتقربي من ربنا، ده ممكن يساعدك تشعري بالراحة. حاولي كمان تكتبي يومياتك، ارسمي أو اعملي حاجات تحبيها، ده ممكن يساعدك تعبري عن مشاعرك. وأهم حاجة، خلي عندك أمل إن البكرة حيكون أفضل. لو حبّيتي تتكلمي أكتر، أنا هنا معاك.
تم النشر الاثنين، ١٢ أغسطس ٢٠٢٤
فى البداية كده.من الواضح انك بتمري بظروف صعبه أثرت عليكى نفسيا حاولى انك تكتبي كل اللى جواكى باستمرار واللى بتحسى بيه هيفرق معاكى كتير فكرى فى الحاجات اللى لما بتعمليها بتحسى بإنجاز فيها واشتغلى عليها. حاولى تمارسى رياضه بتحبيها هتساعدك انك تتخلصى من الأفكار السلبية اللى جواكى وهتجدد طاقتك. اكتبى كل الحاجات اللى بتحبها وبتحبي تعمليها وكل ما تحسي بضيق أو تعب اعمليها هتحسن حالتك النفسيه لو فى تجمع اصدقاء أو عائلى حاولى تنضمى ليهم وشاركيهم الحوار. الدعم النفسي مهم جدا علشان كده حاولى تتكلمى مع صديقتك المقربة أو لايف كوتش اتكلمى باستمرار معاهم وشاركيهم افكارك لأن ده هيفرق معاكى جدا وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷
تم النشر الأربعاء، ١٤ أغسطس ٢٠٢٤
بصي هتنتظمي ف صلاتك هتلاقي حياتك اتعدلت تعديل رباني من غير دكاتره أو غيرهم.. اضغطي علي نفسك ف الصلاه بالذات دي اول حاجه هنتحاسب عليها بعد م نموت وطبعا محدش ضامن عمره ف لازم نبقي جاهزين لمقابلت ربنا.. ف انتي اضغطي علي نفسك وكل فرض تصليه ف وقته من غير تأخير هتلاقي الدنيا ظبطت وشويه شويه لما تتعودي علي الصلاه ف وقتها ابداي صلي قيام ليل عاوزه اقولك ان قيام الليل ده حرفيا معجزه.. وحياتك ان شاء الله هتتعدل احسن واحشن
تم النشر الثلاثاء، ١٣ أغسطس ٢٠٢٤
شكرا لنصحتك الجميله 🌷
تم النشر الثلاثاء، ١٣ أغسطس ٢٠٢٤
لعرض السؤال في فدني اضغط هنا