ياريت تجاوبوني على سؤالي
ايه حكم نبقى تلاته بنات زمايل واتنين يقعدوا يتكلموا مع بعض ويتجاهلوا التالت وكأنه مش موجود هل هيتحاسبوا
لو يعرفوا ان الشعور دا مؤذي بطريقة عمرهم ما يتجاهلوا الشخص التالت
قصدي في التجاهل يعني يفضلوا يوجهوا لبعض كلام ما يوجهوش للشخص التالت ويفتحوا مواضيع مع بعض ويملوا وقت فراغهم والتالت دا يا عيني عليه بجد
اتمنى يبقى ليهم حساب في الاخره ويتعمل فيهم كدا زي ما بيتجاهلوني
شوفي لو انتو التلاته قاعدين واتنين يتكلمو مع بعض بذات في ودِن بعض اكنكم بتقولو لـ بعض سِر...غالبا الشخص التالت هيفتكركم بتتكلمو عليه ودي حاجة إسمها النجوىٰ ودي حرام.... بس عموما حاولي انتي وصحبتك لما تتكلمو تبصي للبنت التالته اللي معاكم فاهمة ونتي بتتكلمي توزعي نظرك بين دي ودي فاهمة لان غالبا التالته هتحس بإحساس وحش فاهمة من باب جبر الخواطر،وده حتى من الاتيكيت...
تم النشر الأحد، ١٦ فبراير ٢٠٢٥
أختي العزيزة، التجاهل وعدم الاعتناء بمشاعر الآخرين قد يكون له أثر كبير على النفوس، ويُعتبر تصرفًا غير محبب في الإسلام، حيث يحثنا ديننا على اللطف والرحمة والتواصل مع الآخرين. قال رسول الله صلى الله عليه وسلم: "لا يؤمن أحدكم حتى يحب لأخيه ما يحب لنفسه". إذا كان هناك تجاهل من بعض الزميلات تجاه ثالثة، فهذا الفعل قد يسبب ألمًا نفسيًا لهذه الفتاة، وقد يعتبره البعض تصرفًا غير أخلاقي. من الواضح أنهن عندما يعرفن أن هذا السلوك يُسبب الأذى، يجب أن يتحملن المسؤولية ويحاولن تصحيح سلوكهن. بخصوص الحساب في الآخرة، فإن الله عز وجل يعلم ما في النفوس، وسيُحاسب كل إنسان على أفعاله. وفي النهاية، من المهم أن تتواصلي مع زميلاتك بصراحة إذا استطعتي، وعبري عن مشاعرك تجاه هذا التجاهل دون تعصّب. قد يُحدث ذلك تغييرًا إيجابيًا في سلوكهم ويعيد التواصل بينكم. تذكري أن العلاقات الاجتماعية تحتاج إلى جهود متبادلة، وأن التركيز على اللطف والتفاهم يمكن أن يُحدث فرقًا كبيرًا. أسأل الله أن يوفقك ويمنحك القوة للتعامل مع هذه المواقف بحكمة.
تم النشر الأحد، ١٦ فبراير ٢٠٢٥
بصي اهدي وصلي ع النبي، هم زمايلك من زمان ولا ف السكن بس ولا ف الكلية بس، لان ده عادي جدا انك تلاقي شخصيات بطباع مختلفة ماشوفتهاش قبل كده، ويكون غصب عنهم اسلوبهم كده، فانت حاولي تتأقلمي مع الوضع ده اصلا وكأنك مكتفية بذاتك او اتواصلي مع الكل عادي لحد مايبان الزميل المخلص
تم النشر الاثنين، ١٧ فبراير ٢٠٢٥
طب لو هو الموضوع مش مجرد مرة و خلاص و كل مرة بتتجمعوا بيحصل تجاهل ليكي و كأنك مش موجودة طب ليه استمر في علاقة صداقة بالمنظر ده هو الواحد ناقص يعني ده الصحاب اللي بيهونوا على بعض شوية يقدروا بعض و يحكوا لبعض و كدا اهو بننبسط و نستفيد من خبرات بعض او يشاركونا رحلة الحياة لو مش كدا مكملة لييه؟؟ ابعدي و شوفى غيرهم طبعا و ولا تضايقي نفسك خالص
تم النشر الأحد، ١٦ فبراير ٢٠٢٥
هما مش بيتناجوا هما بيقعدوا يكلموا بعض وانا قاعدة وبيوجهوا الكلام لبعض وانا مش عاملينلي اي اهتمام ومفيش اي تواصل بصري معايا فبسأل في الدين عن عقاب ربنا ليهم عشان كسرة نفسي اللي سببهالي دي
تم النشر الأحد، ١٦ فبراير ٢٠٢٥
لعرض السؤال في فدني اضغط هنا