انا عندي ١٦ سنه قاعده دايما في مشاكل من اخواتي احنا بيت دايما بيطلع صوتنا ومش عارفه اعمل ايه، عندي ٤ اخوات بنات كل واحده ليها مشاكلها وانا بتعب من الموضوع دا ودايما خناقات ودوشه واختي الكبيره متجوزه والتانيه مطلقه ومبهدله البيت كله طول عمرها كدا دي حتي بتشتم امي وابويا طبعا مش بيعرف يعمل حاجه لانه كبر وهي عندها ٢٦ سنه والتالته عملت مشاكل خدت فلوس وفتحت مشروع أونلاين بس فشل وبقي عليها فلوس فماما خدت تليفون قسط وبعناه خدت ٢ عشان تسد وسدت فعلا بس فلوس الأقساط مرحمتش بقى واختي الأصغر مني دي نسخه من اختي المطلقه وهي صغيره قلة أدب عيال وحشه ماشيه معاهم واحنا خايفين.
وامي وابويا كبروا، امي فيها عيوب كتير اكبر عيب انها دايما بتقارن عيالها بالناس حتي لو الناس اللي بتقارنا بيهم مش حلوين وابويا بخيل وكان دايما بيتهمنا بالسرقه خصوصا انا بس انا بحس دايما اني تايهه ومش بعرف اتصرف وبقيت نفسي براي اللي حواليا ومش عارفه انا مين في تفاصيل كتير اوي أصعب بكتير مش عارفه احكيها دايما مش عندي ثقه في نفسي وبحس دايما اني مش شاطره وبقيت ادي لنفسي طاقه سلبيه كبيره ليا وللي حواليا انا بعترف اني غلطانه انا مش قريبه من ربنا بس انا بحاول ونفسي اوي الصراحه اكون قريبه منه جدا ممكن تقولولي اعمل اي واتصرف ازاي مع نفسي
السلام عليكم اختي❤، اسأل الله ان يكشف عنك هذه الغمة، وخطوتك في التغيير واعترافك بتقصيرك تجاه الله هو بداية الحل ان شاء الله🌷 اولا اريدك ان تعرفي هذه الامور: ١. انت غير مسؤولة عن تصرفات خواتك مع اهلك ولا عن والدك البخيل، لذلك لا تلومي نفسك ولا تجعلي الامر يؤثر على ثقتك بنفسك ٢. اذا كانت حياة أخواتك غير موفقة فهذا لا يعني ان حياتك ستكون هكذا فأمامك مستقبل باهر بإذن الله لكنك عليك العمل على هذا وطبعا الاستعانة بالله اولا وآخرا لذلك انصحك بهذه النقاط: ١. تقربي من الله، واظبي على الصوات والفروض واكثري من النوافل: • قيام الليل • صلاة الضحى • اذكار الصباح والمساء • سورة البقرة • الورد اليومي من القرآن. ٢. احسني الظن بخالقك انه سوف يغير حالك ويقدر لك مستقبلا اجمل بإذنه تعالى ٣. اتقي الله في كل خطواتك ففي قوله تعالى: ومن يتق الله يجعل له مخرجا * ويرزقه من حيث لا يحتسب ومن يتوكل على الله فهو حسبه إن الله بالغ أمره قد جعل الله لكل شيء قدرا {الطلاق:2-3}. ٤. نظمي مساحتك الخاصة، واكتبي نقاط واهداف مهما كانت صغيرة، اهداف يومية وحتى اهداف سنوية ٥. اذا اردت كتابة ما يقلقك اتبعي الكتابة بدعاء لتفريج القلق المحدد هذا؛ واحسني الظن ولا تقلقي ربنا سيفرجها بإذنه تعالى❤
تم النشر الجمعة، ١٨ أكتوبر ٢٠٢٤
عزيزتي، أود أن أبدأ بالتعبير عن تعاطفي معك، فإن الحياة الأسرية قد تكون أحيانًا مليئة بالتحديات والصراعات، خاصة عندما يتعلق الأمر بعلاقات الأخوة والأخوات. من المهم أن تدركي أنك لست وحدك في ما تشعرين به، وكثير من الفتيات في سنك يواجهن مشاعر مشابهة. فيما يتعلق بالمشاكل داخل أسرتك، يجب أن تحاولي فهم أن كل شخص يعيش تجاربه الخاصة وصراعاته. يمكن أن تكون الخلافات صعبة، ولكن عليك البحث عن طرق للتواصل بشكل أفضل مع أهلك وأخواتك. إليك بعض النصائح التي قد تساعدك: التعبير عن المشاعر : حاولي أن تعبري عن مشاعرك وأفكارك بطريقة هادئة ولائقة. يمكنك التحدث مع أحد أفراد أسرتك الذي تشعرين بالراحة معه. حدي من التوتر : إذا كانت الخلافات تؤثر على صحتك النفسية، حاولي أن تأخذي بعض الوقت لنفسك بعيدًا عن الضغوط اليومية. استخدمي هذا الوقت لممارسة الأنشطة التي تستمتعين بها. تطوير الثقة بالنفس : حاولي أن تشغلي نفسك بشيء تحبينه، سواء كان هواية جديدة أو دراسة موضوع يثير اهتمامك. هذا سيساعدك على بناء ثقتك بنفسك. القراءة والتعلم : اقرئي الكتب أو استمعي إلى الفيديوهات التي تتحدث عن تحسين الذات والثقة بالنفس. المعرفة تعطيك القوة وتتعلومات جديدة تساعدك في حياتك. الصلاة والعبادة : كما ذكرت، أنه لديكي رغبة في التقرب من الله. حاولي أن تخصصي وقتًا للصلاة والدعاء، فهذا سيكون بمثابة مصدر للراحة النفسية والقوة. البحث عن دعم : إذا كانت الأمور تصبح صعبة، قد يكون من المفيد استشارة مختص نفسي أو مرشد يمكنه مساعدتك في إدارة مشاعرك والصراعات الأسرية. تذكري، أن نضوجك وتجاوزك لهذه التحديات سوف يعزز من شخصيتك ويدعم تطورك في المستقبل. ابذلي جهدًا لتكوني الأقوى، ولا تترددي في طلب المساعدة عندما تحتاجين إليها.
تم النشر الجمعة، ١٨ أكتوبر ٢٠٢٤
أنتي أولاً يا قمر قربي من ربنا نزلي تطبيق مكتبتي وأنا مسلم وصلي فروضك الوقت بوقته وصلي قيام الليل وأشكي لربنا فيه كل حاجة وواظبي علي قراءة أذكار الصباح والمساء وحددي ورد قرآن يومي وأهتمي بدراستك ومن فضلك في مستقبلك أرمي كل مشاكلك وضغوطك النفسية وراء ضهرك ده مستقبلك يعني ولا أبوكي ولا أمك ولا أخواتك هينفعوكي من ناحية الأم شوفي أي أم بتبقي نفسها أولادها يكونوا أفضل من أي حد وأعذريها في ده ما هي هتلاقي بتقعد مع فلانة وفلانة دي بتتكلم عن ده وده وهي بقي تشوف ده وده وتقول مش معني عيالي مش كده هي بتقارن بس مش عشان مش بتحبكوا لأ هي شايفة أن هي بشغل المقارنة أنكم هتكونوا أحسن وهتحاولوا تكونوا أحسن رغم المقارنة مش حلوة نهائي لأن بعدين بتشوف نفسك مش زي فلان وتقعد تندب حظك وبعدين فيه البعض يقول ما أنا كده كده مش فالح وييأس وهو ده إللي الوالدين مش بيدركوا أنه تأثيره سلبي علي الأولاد لكن أمك بتحبك جداً لكن الأب لو هو بعيد عن ربنا روحي أقعدي معه وأذكري أحاديث عشان يقرب من ربنا وبعدين أدعي له بالصلاح وكذلك أخواتك وخليهم يقربوا من ربنا وقول لهم أن الحياة فانية في كل الأحوال وأن الأعمال هي الباقية وأن يحسنوا معاملة الوالدين وﷲ حتي لو الوالدين مش حلوين ربنا أمرنا بطاعة الوالدين مهما يكون فيهم كل العبر الأصغر منك أنتي ممكن تاخديها علي جنب تنصحي فيها وتصلحيها يعني أمرها صعب آه بس أنتي قدها أنها تتغير وخليها صالحة وخليكم أصحاب وخلي أختك تشتغل في مشروع يكون مثلا مش بيتأثر بالأقتصاد بتاع الدولة أو بالأزمات زي الغذاء أو الأدوية وغيره أو شوفي خليها تشتغل في مجال التسويق مربح سمعت عنه كتير المطلقة بقي خلي كبير عائلتكم إللي تخاف منه يجاي يكلمها ولما تتكلم مع أبوها أقفي ليها وصديها قولي أن ربنا أمرنا بطاعة الوالدين ودول إللي تعبوا عشانك ده آخرتها تعامليهم كده وخليها تقرب من ربنا أو لو مش رضيت أدعي بالصلاح ليها في قيام الليل وربنا يفرج همك ويفرح قلبك ويسعدك ويوفقك يا قمرية
تم النشر السبت، ١٩ أكتوبر ٢٠٢٤
ساعات الكلام الى بنواسى بيه ناس عندهم مشاكلك بيبقى قليل جدا بس الكلام هو الحاجه الوحيده الى اقدر اساعدك بيها هى والدعاء ليكى ، عاوزه اقولك ان انا حاسه بيكى الخناقات بتسبب تعب نفسي حتى لو احنا مش طرف ف الخناقه يعنى لو فى خناقه بين اتنين ف البيت حتى لو انا مش من ضمن الخناقه احساس الصداع والخنقه بيجيلى الخناق اساسا من الحجات المزعجه والى بتتعب النفسيه جدا اصبرى وحاولى تسامحى ابوكى وامك على كل حاجه عملوها سامحى والدك على ظنه فيكى السوء انك سارقتى أو حتى مقارنه والدتك ليكى خلاص لازم تسامحيهم حتى لو مش هتقدرى تنسى اى موقف وحش ليهم زى ما بتقولى هما كبروا واكيد وجودك معاهم دلوقتى هيفرق مش يمكن تكونى انتى احلى حاجه ف البيت أو حتى الحاجه الكويسه من اخواتك هونى عليهم انتى بتقولى اخواتك تاعبينهم ومشاكل وهكذا لكن حاولى تكونى الحاجه الكويسه فيهم مش شرط عشان اخواتك سلوكهم ف التعامل غلط تحملى نفسك المسؤوليه بالعكس ده مش ذنبك وإن شاءالله ربنا يكرمك ف المستقبل ويعوضك خير 🤍
تم النشر السبت، ١٩ أكتوبر ٢٠٢٤
زعلتني جدا 🥺
تم النشر الأحد، ٢٠ أكتوبر ٢٠٢٤
لعرض السؤال في فدني اضغط هنا