سلام عليكم،
اتجوزت شخص اكتشفت بعد جوازي منه أنه مدمن وسرق حاجتي وباعها وكان بيعرف ستات وطلقني تلت مرات بس وقت عصبية المرة الأخيرة كان قاصدها ورفعت عليه دعاوي نفقة ليا والبنت
وقايمة وقالي ارجع بس أتنازل اهلي قالولي لو اتنازلت ضيعت حقي قولتله امضي قائمة وهنقطع القديمة
مرضاش ومصمم علي رأيه هل أطاوعه ومخربش بيتي ول ااخليني مع اهلي لانه بيشتغلني ومش في نيته رجوع وبيلعب بيا
أنا آسفة بس حضرتك بتقولي طلقك ثلاث مرات! ترجعي له إزاي؟ مش فاهمة... طلقك كذا مرة ورجعتِ له وكده خلاص يُحرم رجوعكِ له؟ ولا قال إنتي طالق بالثلاثة؟ ولا الثلاثة متحسبوش عشان بتقولي عصبية؟! وضحي عشان الخبراء يقدروا يردوا عليكِ. بعيدًا بقى عن الطلاق وحكمك في الشرع دلوقتي اللي فقط علماء الدين هم اللي يقدروا يفتوكِ بعد سماع تفاصيل الوضع كله. بعيدًا بقى عن كل ده... انتي شايفة ده شخص يستحق ترجعي له؟ يعني مدمن وسرق حاجتك وبيعرف ستات؟ وكل المشاكل اللي حصلت دي... فين الأمان والبيت اللي عاوزة بنتك تتربى فيه وتطلع بعد كده بنفسية سوية؟ بنتك أيوه هتفضل بنته ولها حقوق عنده كأب ومينفعش تحرميها منه، لكن شايفة إن لو رجعتِ هتبقي مبسوطة وهي هتتربى كويس؟ وسط الخناقات والمشاكل اللي بينكم اللي أكيد هتأثر عليها سلبًا. خايفة تخربي البيت؟ إيه مفهومكِ عن البيت والزواج أصلًا؟
تم النشر الأحد، ٤ أغسطس ٢٠٢٤
عليكم السلام هل تزوجتِ من بعده؟ لا يجوز الرجوع طالما طلقكِ ثلاث، ولا يوجد شيء اسمه لم يكن يقصد. النبي قال "ثلاث جدهن جد وهزلهن جد: النكاح والطلاق والرجعة" فحتى لو قيلت تهديدًا أو عندًا فالطلاق وقع.
تم النشر الأحد، ٤ أغسطس ٢٠٢٤
وعليكم السلام ورحمه الله وبركاته مشكله صعبه الحقيقه ربنا يعينك ولكن تفاصيلها كتيره محتاجه تتواصلي مع دار الإفتاء تعرفي منهم اكتر عن دينك ومتخصص يساعدك تراجعي مفهومك عن الزواج والاسره وانتي يكون في تنازل وامتي نحط حدود
تم النشر الثلاثاء، ٦ أغسطس ٢٠٢٤
بيتك خربان اصلا طالما اللي مسئوول عنه طلع مدمن و بنتك تتربى مع اي حد احسن من أنها تتربى مع مدمن ارجعي عند اهلك و اطلقي و انزلي اشتغلي و اصرفي عليكي و على بنتك و ربنا يرزقك و يكرمك يارب و يوفقك و يهديه و يبعده عنك
تم النشر الثلاثاء، ٦ أغسطس ٢٠٢٤
وعليكم السلام ورحمه الله وبركاته بعيدا عن إنك خلاص كده مطلقه منه ثلاثا انك ترجعي له وبلاش بقى فكره ان احنا نتحايل وان احنا نقول اصل دي كانت وقت عصبيه او الكلام ده يعني عشان خاطر نسقط الطلقه يعني الكلام ده بيتعمل من خلال. مفتي من دار الإفتاء علشان فعلا هو بيسال كل الاسئله اللي يتأكد منها الطلقه دي وقعت ام لا. انا افترض معاكي ان انت ممكن ترجعي له يعني ممكن يردك. انت عايزه ترجعيه ليه يعني هو ايه الحاجه اللي انت عايزه ترجعي لها... التفاصيل اللي انت قلتيها، تفاصيل مؤذيه. فانت عاوزه ترجعي لايه اييي بيت ايه انت بتتكلمي منك كده هتخربيه البيت مش ان احنا قاعدين جوه الاربع حيطان راجل وست واولاد. خالص مش هو ده البيت البيت ده تفاصيل كثير جدا موده ورحمه وسكينه وهدف اتجاه ربنا الخطوات اللي بناخدها علشان خاطر نحقق اللي ربنا طلبه مننا ان البيت ده يكون بيت مسلم سنتين الكلام ده. اذا كان البيت اصلا مش موجود. فانا مش عارفه انت بتحافظي على ايه حافظي على نفسك انك تفضلي سويه حافظي على بنتك ان هي تشوف يعني اضعف الايمان النموذج كويس في الحياه ما تبقاش شايفه نموذج مش كويس دكتور عامه بيها وبنفسك. ابتعدت عن الشخص ده الا اذا يعني ربنا هداه. ربنا هداه يعني فعلا ظهرت عليه مظاهر الهدايه يعني؟ مش كلام وخلاص مش نكتب قايمه قايمه مش ما بتقولش الشخص هيتصرف كويس. المؤذي هيعمل ده ثاني رابع لان مفيش حاجه اتغيرت منه هو فعلا. ربنا يصلح لك حالك وييسر لك امورك ان شاء الله اللي فيه الخير لك والبنتك.
تم النشر الاثنين، ٥ أغسطس ٢٠٢٤
وعليكم السلام. أولًا، أنا آسفة جدًا على كل اللي مرّيتي بيه. الوضع اللي انتي فيه صعب جدًا، لكن لازم تفكري في مصلحتك ومصلحة بنتك. خلينا نكون واضحين، إذا كان الشخص ده مش قادر يتغير أو مش نادم على أفعاله، وما بيظهرش أي احترام لك كأم وكزوجة، فالأفضل إنك تحافظي على نفسك وعلى بنتك. يرجع ليك ويطلب العودة بس علشان يضغط على مشاعرك ويخليك تسامحيه، ده مش حب ولا احترام. أنا معايا فكر إنك ترفضي الرجوع وتستفيدي من النفقة اللي حققتيها. ركزي على بناء حياتك من جديد، وأحسن حاجة تعمليها هي انك تحاولي تتحدثي مع أهلك أو مع ناس مقربين ليكي عشان يساندوك. لازم تنضمي لدعم نفسي، سواء من أصدقاء أو مجموعات لتبادل الخبرات. خليكي قوية، واهتمي بنفسك وبنتك، واعملي كلو عشان مستقبلكم يكون آمن.
تم النشر الأحد، ٤ أغسطس ٢٠٢٤
لعرض السؤال في فدني اضغط هنا