أنا إسمي محمد جمعه وأنا في الصف الأول الإعدادي وأنا لما كنت في سنه أولي وتانيه وتالته ورابعه ابتدائي كنت ببقي الأول وفي سنه خامسه طلعت الخامس وفي سنه سادسه وهي الشهادة طلعت للأسف العاشر بمجموع ٥٥٠/٥١٤.٥ والسنه اللي أنا فيها دلوقتي كان علينا امتحان في المعهد فقه وقفلت أنا لوحدي في المعهد ومكملتش عشر دقائق السؤال هنا
١-انا كده مجتهد
٢-ازاي ازاكر مزاكره صح عشان اطلع الأول علي الجمهورية
احنا مش عارفين نوعية السؤال عشان نحدد مدة ال10 دقايق تبين اجتهادك ولا لا عموما اذا لم تجد صعوبة فى الاجابة واحسست بسهولة السؤال فهذا يوضح اجتهادك عشان تطلع الاول ...ذاكر كل تفصيلة ..اعرف معلومات زياده عن نفس الدرس ...حل اسئلة كتير قبل كل ده التزم بصلواتك اولا وبر ابويك وتأكد ان يعطيك الله ما تتمنى ان كان خيرا لك باذن الله
تم النشر الجمعة، ٢٠ أكتوبر ٢٠٢٣
بما انك في أولي اعدادي ولسه ما دخلتش ثانوي فأنا هقولك حاجه فادتني ،من وانا فالابتدائي كنت شاطره وبطلع من الاوائل بس تحصيلي قليل وبقعد كتير اوي علي ما المعلومه تثبت في دماغي لما جيت تانيه اعدادي بدأت اقسم مذاكرتي وأحط مهام يوميه وخصصت كشكول لكده اكتب اللي ورايا انهارده ايه واللي اخلصه اعمل جنبه صح والوقت اللي خدته عشان اذاكر الماده دي ومكنتش باخد المذاكره كلها علي بعضها كنت بقسميها اقراها وافهم الكلام المكتوب كويس واتخيل أن حد قاعد قدامي وابدا اشرحله واقول الاجابه بطريقتي ،لقيت اني بعد ما كنت يذاكر مثلا العربي في ٣ساعات بقيت بذاكره في ساعه ونص بتركيز اكبر ،وحاول تقرب من ربنا ،انا حياتي اتغيرت ٣٦٠درجه ما قربت من ربنا ،ابدا بالصلاه وأكثر فالدعاء وربنا يوفقك ويوفقنا جميعا
تم النشر السبت، ٢١ أكتوبر ٢٠٢٣
طب ايه هي التجربة
تم النشر السبت، ٢١ أكتوبر ٢٠٢٣
لعرض السؤال في فدني اضغط هنا