انا بنت لسه ف سن المراهقه المهم انا عايزه افهم هو عدم وجود الاب بياثر ع البنت نفسيا ؟ يعني انا والدي بعيد عني بارادته بقاله عشر سنين ومش قابل يكلمني ولا عايزني وحاسه إن ده انعكس عليا .. ع طول بعيط ع غيابه برغم إن الموضوع عدى عليه كتير ثانيا بتعلق بسرعه جدااا بالناس وع طول متوتره وخايفه من اللا شيء .. شخصيتي ضعيفه جدا ع الرغم اني بعرف اخد حقي كويس جدا ومن الناس اللي م اي حاجه تعجبني. دايما بحس اني مش حاسه بامان وع طول حاسه ان في حاجه كبيره ناقصه فشخصيتي ومش عارفه اعوضها ولا بنفسي ولا بحد تاني .. ساعات لما بشوف صحابي مع ابهاتهم ببقى غيرانه غيرانه لدرجة اني ممكن اكرهه البنت اللي واقفه مع باباها قدامي .. طبعا نظرة الشفقه واسلوبهم ع ان بابا م موجود بإرادته ده مآثر عليا جدا بردو هل كل ده طبيعي ولا محتاجه ألجأ لمتخصص؟ عشان فعلا الموضوع تاعبني ف حياتي وهل كده انا مكبره الموضوع وبانيه عليه حياتي زياده عن اللزوم ولا ايه عشان فعلا متلغبطه
السلام عليكم ورحمه الله وبركاته. انا عايزه اقول لك انه انت مش مكبره الموضوع ولا حاجه اييي وجود الاب وجود الام دولت من اهم الحاجات في حياه الطفل من ساعه ما بيتولد. اهميته بتبقى في الاحتياجات اللي هم اكثر حد بيقدر يوفرها للطفل في مرحله تنشئه لحد ما يوصل لمرحله البلوغ او الادراك اللي يقدر فيها يكون معتمد فعلا على نفسه تماما. بيعمل ايه اي شخص بقى ااا بيكون فقد احد والديه او الاثنين لاي سبب من الاسباب سواء ان هم توفوا او ان هم بعاد الاسباب اجتماعيه مشاكل او ظروف بتمنع احد الوالدين. او ظلم من احد الوالدين ان هو ما يكونش موجود وما يلبسش الاحتياجات دي او خليني اديك احتمال كمان انه يكون الاب او الام موجودين وعايشين معاهم في نفس البيت ولكن كانهم مش موجودين فمش بيوفروا برده اي احتياجات في اي حاله من الحالات دي ازاي الطفل او الفرد ده بينشا في المجتمع بيعمل ايه يعني؟ بيتاثر ازاي بالحاله دي؟ هو بيتاثر بسبب ان احتياجاته بتكون مش بيتم اشبعها يعني عامل بالضبط زي مش بياكل او مش بيشرب فطبعا انا لو جبت دلوقتي اي حد صايم او ما اكلش لفتره كبيره كل اما الفتره دي تطول عليه كل ما هيكون في حاله توتر وفي حاله عصبيه وبيوصل لحاله غضب ممكن يبقى بيقول لنفسه هو انا ليه واصل للمرحله دي لكن ببساطه المرحله دي هو وصلها لانه جعان لانه في عنده شيء غير مشبع. طيب يبقى معنى كده اي حد مامته او باباه مش موجودين هيبقى شخص متوتر متعصب وحالته صعبه كده لا الاحتياجات هي احتياجات محتاجه اشباع فحتى لو الاب والام الحقيقيين مش موجودين بس في ناس ثانيه واخده مكانهم وبتقدر تادي الدور ده واا قادره تخلي الولد او البنت دول مشبعين من احتياجاتهم الدنيا بتبدا تتظبط والميزان بيبقى زي الفل وبيبقى شخص تمام والتاثر اللي عليه ده بسبب فقدان الاب او الام بيكون يعني غير ملحوظ وتقريبا مش موجود بس ممكن يكون مشتاق بس للحاله بتاعه انه يكون في اب وام موجودين فاللي انت حساه شيء طبيعي جدا انك تكوني متضايقه انك يكون عندك حاله غضب. طيب السبب عندك هو اكثر حاجه انك مش بس مفتقده وجود ولدك لكن انت زعلانه قوي قوي ان هو اللي مختار كده هو مختار ان هو يكون بعيد عنك ومختار ان هو ما يكونش موجود في حياتك ودي اصعب من ان يكون في ظروف غصب عنه انا حاسه بيكي جدا. اللي انت حاساه كله انت محتاجه تعبري عنه اكتر من كده؟ بدل ما هو بيطلع منك في احساس وحش زي اللي انت بتقولي عليه انك بتشوفي حد من صحابك ممكن تبقي بتضايقي قوي وبتحسديها وبتكرهيها ان هي عندها حاجه مش عندك. انا عارفه ان ده هيكون صعب شويه ولكن انت محتاجه بقى تتصالحي مع القدر ومع الظروف اللي انت مجبره على التعايش معاها لانه دي حاجه مش في ايدك انك تقدري تغيريها مش تقدري تغيري ااا اختيار باباك لكن تقدري تغيري اختيارك انت اختيارك انت انك تعيشي مرتاحه تعيشي مرتاحه ازاي تقدري تشوفي اقرب نموذج حواليك ااا يكون اب تقدري انك تاخديه قدوه تقدري انك تلقي له وقت ما تكوني محتاجه. يشجعك حد يحميك وتقدري تشوفي ده من المحيط اللي حواليكي ممكن خال عم جد ااا يعني من اقرب الاقربين يقدروا يقدوا الدور ده شوفي مين احسن حد فيهم ومين اقرب حد فيهم لك تقدري انك تحطيه في المكان دي. ااا الحياه محتاجه مرونه طبعا انت شفت ده في وقت نقول ان هو بدري ولكن مفيش حد فينا بيختار شكل الحياه بتاعته وربنا مش بيدي لحد شكل حياه الا وهو عارف ان جواه قدره على التعامل مع شكل الحياه دي ان كلنا مش زي بعض قدراتنا مش زي بعض فاا اكيد قدراتك ربنا عارفها عارف انك تقدري تستحملي ظرف اجتماعي زي ده. اتعاملي بمرونه تقبلي الواقع حتى لو كان مؤلم وشوفي ايه الحاجات اللي ممكن تخفف الواقع ده من حواليك زي الاقتراح اللي اقترحته عليك علشان تكوني مش هقول لك بنسبه 100% ولكن بالنسبه للاكبر قادره تكوني مرتاحه فتقدري تتحركي في الحياه من غير ما يكون جواكي مشاعر غضب هي اللي بتحركك في اي وقت من الاوقات.
تم النشر الخميس، ٥ سبتمبر ٢٠٢٤
عزيزتي، أود أن أبدأ بالتأكيد على أن مشاعرك ومشاهدتك للصعوبات التي تعانين منها بسبب غياب والدك هي مشاعر طبيعية وصحيحة. العلاقة مع الأب تعتبر واحدة من العلاقات الأساسية في حياة الفتاة، وعندما تكون هذه العلاقة غائبة، قد تجدين نفسك تواجهين تحديات متعددة. إن الحزن الذي تشعرين به بسبب غياب والدك، والتعلق السريع بالناس، والشعور بعدم الأمان، كلها سلوكيات ومشاعر قد تنجم عن هذا الغياب. من المهم أن تأخذي الوقت لملاحظة وتقييم مشاعرك وعدم الاستهانة بها، لأن الاعتراف بمشاعرك هو الجزء الأول في مسيرة التعافي والنمو الشخصي. حالتك لا تعني أنك ضعيفة، بل تعكس قوتك في إدراك ما يؤثر عليك. فعندما تشعرين بالغيرة من أصدقائك اللاتي يتمتعن بوجود آبائهن، فهذا يدل على أنك تبحثين عن الكمال والحب والاحترام الذي قد تشعرين بأنك تفتقدينه. الحديث مع معالج نفسي يمكن أن يكون خطوة جيدة. المعالج يمكن أن يساعدك في فهم هذه المشاعر بشكل أعمق ويقدم لك الأدوات اللازمة للتعامل معها بطرق صحية. فهم الجذور الحقيقية لمشاعرك يمثل خطوة هامة نحو تحسين حالتك النفسية وتطوير شخصيتك. تذكري أيضًا أن لديك القدرة على بناء علاقات جيدة مع الآخرين، وأن ما تشعرين به اليوم ليس حتميًا. كل شخص لديه ظروفه، والفرص للتغيير والنمو دائمًا موجودة. كوني صادقة مع نفسك ومع مشاعرك، ولا تترددي في طلب المساعدة إذا احتجتِ إليها.
تم النشر الأربعاء، ٤ سبتمبر ٢٠٢٤
انا كمان كد بس بابا مش باردته.. أيًا يكن لازم تروحي عند متخصص فعلا اعتقد ان ده هيساعدك اكتر
تم النشر الجمعة، ٦ سبتمبر ٢٠٢٤
روحي لدكتور نفسي ممكن يقدر يفيدك اكتر
تم النشر السبت، ٧ سبتمبر ٢٠٢٤
انا بردوا كدة غاب عني 16سنة بإرادته بس ربنا عوضني بأب تاني امي اتجوزت تاني و هو بيحبني وبيخاف عليّ بس بيحب عياله اكتر طبعا وبحس دايما اني تقيله عليه ومش عارفة اتخطي موضوع ان ابويا رماني بسهولة ومش مبينه كدة لأمي لانها بتضايق لما تشوفني زعلانة
تم النشر السبت، ٧ سبتمبر ٢٠٢٤
لعرض السؤال في فدني اضغط هنا