انا بمر بفترة إكتئاب صعبة جدا من غير دخول في تفاصيل ليه مكتئب بس عارف لما تبقي مش كويس ومش عايز حد يعرف إنك مش كويس وفنفس الوقت محتاج حد جنمبك تحكيله إنك مش كويس وعمال تكبت بمشاعرك كإنك بتتظهار بعدم الانهيار قدام كل الناس ومش حابب يحسو أو يعرفو إنك حزين وأنت من جواك محطم و محتاج حد علي الاقل يسندك او تفضفض حد تقلو إنك مش بخير
ازيك ياجميل❤ سلامتك من اي حاجه تزعلك ربنا يشرح صدرك ويهدي نفسيتك اللهم آمين. انا فاهمه انه أحيانا غصب عننا بنكون مش قادرين نعبر عن اللي جوانا ومش لاقيين حد يفهم ده ولا يحتوينا بس صدقني طلب المساعده عمره ماكان ضعف بالعكس ده ترويح عن نفسك حتي لو مالاقتش. حد يفهم ده لو فيه حد بتثق فيه ومتأكد انه بيحبك اتكلم معاه قوله ان حاسس اني مش كويس ومش عارف اعمل اي يمكن هو يقدر يخرجك من اللي انت فيه لانه هيكون عارغ شخصيتك واي اللي بتحبه. طب لو انت مش عاوز تتكلم مع حد ممكن تتكلم مع ربنا اهو ربنا بقي مش هتحتاج تشتكي حتي لانه حاسس بيك من غير ماتقول حاجه ❤ ونصيحه اخيره الدنيا خلصانه بجد والله مافيش حاجه مستاهله انك تزعل او تشيل همها ايوه احنا بشر وبنتأثر بس لازم نتجاوز خد وقتك في الزعل ده حقك بس اهم حاجه انه مايطولش ولا يأثر علي حياتك ربنا يراضيك يارب ويشرح صدرك وافتكر انه لازم تعبر عن مشاعر الحزن دي سواء تتكلم او تخرجها في رياضه او حتي كتابه اشتري نوت واكتب فيها اي حاجه اي حاجه خرج كل الكلام اللي في دماغك عالورق وربنا يعملك الخير يارب ❤🫶🏻
تم النشر الأحد، ٢٤ ديسمبر ٢٠٢٣
شكرا بس انا بمر بمجرد ضغوطات ليست إكتئاب حاد ولكن مع كل تجربة صعبة يتولد داخلي حزن وزعل وكالعادي اي إنسان محتاج حد يسمع له ويشاركه أفكاره وانا مبحبش أكون شكاي وبكاي للقدامي وعايزو معايا فنفس الوقت وده في حد ذاتو المشكلة اتمني تكون فهمتني
تم النشر الأحد، ٢٤ ديسمبر ٢٠٢٣
لعرض السؤال في فدني اضغط هنا