توفى زوجى من 27 يوم حاسة انى تعبانه اوى اوى و كأن حجر على قلبى 💔 انا راضيه وبقول راضيه لكن جوايا دائما سؤال ليه بعد عنى ولا سابنى انا محتاجه له انا بحبه اوى اوى انا حاسة أن ربنا اختبرنى فيه لأن الله يغار على قلوب عبادة وفعلا انا وقفت قراءه و حفظ قرءان وبعدت عن ربنا جدا اخر فتره لانه كان تعبان كنت مركزة معاه اوى ازاى احس بالرضا بقضاء الله وقدره وهل فى ادعيه معينه تريح قلبى
البقاء لله وحده صبرك الله أنا عارفه أن ده الم كبير وعظيم علي النفس بس لو فضلتي تفكري أزاي راح وليه ودا كان وكان .. هتتعبي اكتررر لازم نؤمن أن دا قضاء وقدر والموت علينا كلنا حق قربي من ربنا وهو هيربط علي قلبك ويصبرك والزمي الذكر والقرآن والصلاة وكل ما تفتكري افتكري أن دا قضاء ربنا وسلمي امرك لربنا وهو هيعوضك خير عن صبرك زوظا أجله ومكتوب ربنا سبحانه وتعالي بيقول (فإذا جاء أجلهم فلا يستئخرون ساعة ولا يستقدمون) والرسول صلي الله عليه وسلم مات الحياة الحقيقيه مش في الدنيا في الاخره مفيش فراق ولا وجع وربنا يجمعكوا في الجنه صبري نفسك بالذكر والقرب من ربنا والبقاء لله
تم النشر الأحد، ١٤ يناير ٢٠٢٤
السلام عليكم ورحمة الله وبركاته البقاء والدوام لله تعالي وحده اللهم اغفرله وارحمه وتجاوز عنه وارزقه الفردوس الأعلى من الجنة وجميع موتي المسلمين اللهم آمين شكرا لحضرتك علي مشاركتنا فقد عزيز من الأمور العظيمة ع النفس لاتلومي نفسك علي الم الفراق وألم الفقد فهذا ليس ضد الرضا بقضاء الله مشاعر كتيره بتحسي بيها زي حزن وغضب وضغط ومسئوليه ودا بيأثر عليك نفسيا وجسديا فكوني رحيمه بنفسك انك تقبلي انك تمري بهذه المرحلة عشان تقدري تعديها بسلام ممكن تكوني بعدتي من غير قصد منك ولكن قدامك قرار الرجوع وتذكريه في دعائك وصلاتك وقراءتك للقرآن فالروحانيات تعلي همة المسلم وتقوي من عزيمته واحنا كلنا معاكي وان شاء الله تعدي المرحله دي سليمه معافاه من كل شر
تم النشر السبت، ١٣ يناير ٢٠٢٤
اولا البقاء لله ومفيش أشد من ألم الفراق اللى عارفين ان مفيش بعده رجوع و خصوصا لما يكون حد مرتبطين بيه و فارق معانا غيابه ومفيش اى كلام هيعوض الغياب ولا هيواسيكى لكن عشان ربنا لطيف بعباده بيجعل مرور الايام سلوان للنفس لحد ما تتكيف و تتعود على الوضع الجديد و عملهم مكافأة و قال إنما يُوفَّى الصابرون أجرهم بغير حساب ... ومع الصبر ربنا بيعوض و بيبعت حد تانى مكنش موجود قبل كدة عشان يكون داعم و ساند وسط المحنة .. احنا بقالنا مدة بنفقد كتير من حبايبنا كبار و صغار و مبقاش فيه مقياس لا سن و لا مرض فيه اطفال كتير راحوا و شباب و بنات بعد تخرجهم و فى عز فرحتهم و فرحة اهاليهم بيهم و فيه ناس صلت الضهر فى وسط الناس و العصر كانت فى القبر برة الدنيا خالص و ربنا عشان حكيم جعل عدة المرأة بعد وفاة زوجها اربعة أشهر و عشر ايام وهية فترة النقاهة اللى محتاجاها عشان نفسيتها تتظبط و تهدا و تكمل حياتها و الموت قانون الله فى الخلق و الموت عندنا هو عند ربنا انتقال نفس من عالم المادة الى الحياة فى عالم تانى هو عالم الأرواح بيتأثروا فيه زينا و بيزعلهم اللى بيزعلنا و بيسعدهم اللى بيسعدنا و بتوصلهم هدايانا لهم من الدعاء و الصدقة و بيشوفونا لما بنزورهم لكن احنا مش بنشوفهم و بيعرفوا اخبارنا لو اتكلمنا عندهم او بيسألوا علينا اى حد.يعرفنا لما يموت و يروحلهم هو عالم أحياء فى حياة تانية لكن احنا بنتعامل معاهم غلط على انهم اموات و خلصوا لكن هما بس انتقلوا الى عالم تاني مسيرنا هنروح لهم فيه فاستهدى بالله و انتبهى لحياتك و ارجعى اقرى قرآنك و اهديه ثوابه ولو فيه ولاد احتويهم و عدى بيهم و كملى الرسالة و لو مفيش يبقى لما تروقى لو كان لسة سنك يسمح هتقابلى اللى يعوضك و تكملى معاه حياتك و ربنا يعينك و يخفف عنك
تم النشر الاثنين، ١٥ يناير ٢٠٢٤
الله يرحمه ويصبرك الموت شيء لا يمكن الفرار منه وتقربي من الله اكثر واكثر فهو العشق الحقيقي والله يعينك
تم النشر الاثنين، ١٥ يناير ٢٠٢٤
ربنا يرحمه ويغفر له ويلهمكم الصبر والسلوان.. ادعيله دايما ف كل اوقاتك
تم النشر الاثنين، ١٥ يناير ٢٠٢٤
انا عارفه انك ف فتري صعبه و يمكن كلامي يزعلك بس هقوله.. ليه شايفه ان ربنا مش وراه حد غيرك معلش ف اللفظ بس ربنا مش بيغير زي ما بتقولي المشاعر دي من خوف و حزن و سعاده و حب مشاعر انسانيه ف التجربه الارضيه ربنا معنهوش مشاعر مش بيتاثر بالاحداث حلاظي كلامك و متخليش الشيطان يسيطر عليكي و بخصوص جوزك المتوفي البقاء لله ان الله وان اليه راجعون فكري نفسك دايما ان مفيش بشر باقي الباقي هو الله وحده كلنا لله واليه راجعون بعد يوم بعد سنه بعد ثانيه راجعين راجعين و لاحظيمن كلمه لارجين دي ان احنا مكانه مش هنا اصلن احنا مكانه الحقيقي فوق ف السماء لان احنا ابناء ادم و ادم مكانه الاساسي الجنه ف ربي قال ف القران وما الحياه الدنيا الا لعب و هلو و الدار الاخره لاهي الحيوات يعني احنا ف مجرد لعبه وتنتهي و دا مش كلامي دا كلام رب العالمين وربي يصبرك علي وجعك فتري وهتعدي ربي معاكي ❤
تم النشر الأحد، ١٤ يناير ٢٠٢٤
الله يرحمه ويصبرك ويصبر قلبك..ده قضاء ربنا..حتاخدى فتره وحيعدى وقتها...صلي وادعي له..وحترجع حياتك طبيعيه..وتتحلي بذكراه
تم النشر الأحد، ١٤ يناير ٢٠٢٤
البقاء لله ربنا يرحمه ويصبرك علي فراقه ويربط علي قلبي بس بلاش تفتحي باب للشيطان عشان مخليش ايمانك في ربنا يضغف 🙂💔
تم النشر الأحد، ٢٨ يناير ٢٠٢٤
لعرض السؤال في فدني اضغط هنا