ابني عمره سنتين ونص عصبي شويه وعنده اخته صغيره عندها ١٠ شهور طول الوقت مركز معاها بيبوسها ويرجع في وقت تني يضربها و خربشه وعض وكل حاجه وممكن ينط فوق البنت وبيفضل يجري كتير في البيت عنده نشاط زايد بس ممكن يقعد شويه عادي وساعات يجي جنبي وينام او يلعب المهم هوا راح حضانه فتره وبعد شهر لقيتهم بيشتكوا انه بيضرب اطفال في الحضانه وعض بردو رحت لدكتورة تعديل سلوك وتخاطب، من اول يوم شكيت انه عنده فرط حركه وتشتت انتباه، بعد كده جابت مقياس اسئله كتير سألتها ليا ، وجمعت الدرجات وقالتلي عنده فرط حركه وتشتت انتباه بدرجه متوسطه ومحتاج ادويه ومحتاج جلسات، طيعا باباه رفض يروح تاني وانا حسه ابني بيستجيب في النطق للكلمات بيكرر كلمات كتير بقولها وبيحفظ كلمات من اللي بتتقال قدامي بس نفسيتي تعبانه جدا من يوم ما الدكتوره قالت عنده فرط حركه وخايفه ومش عرفه اعرف ازاي اتأكد من وجود المرض او من عدمه!؟؟؟
اضطراب فرط الحركة وتشتت الانتباه مش مرض مخيف هو بس بيحتاج طريقة تعامل مختلفة وجلسات لتعديل السلوك وتنمية المهارات وبيكون في تحسن كبير ماتقلقيش عن تجربة شخصية .. اهم حاجة تعاملك معاه في البيت مافيش ضرب وعصبية وبلاش عقاب قاسي كفاية يكون العقاب انك تزعلي منه .. نوعية الاطفال دي بتحب الاحضان جداا .. والكلام الايجابي بيجيب نتيجة افضل من اللوم والتأنيب .. ولعلمك في مشاهير كتير وعلماء كان عندهم Adhd اضطراب تشتت انتباه وفرط حركة .. منهم السباح العالمي مايكل فيليبس ولا عب كرة السلة العالمي مايكل جيوردان .. فابنك مميز وعنده طاقة لو استغليتيها صح وصبرتي عليه هتفخري بيه لما يكبر
تم النشر الخميس، ٢٥ يناير ٢٠٢٤
ممكن تروحى مركز تانى وتعملى تقييم ...هو ممكن يكون محتاجك اكتر تتفاعلى معاه .....لان وارد يكون بيزود فى حركاته عشان يلفت الانتباه بس
تم النشر الأربعاء، ٢٤ يناير ٢٠٢٤
• أولًا : اسمه اضطراب فرط الحركة وتشتُت الانتباه ، وهذا اضطراب عصبي بيولوجي ينتج عن وجود اختلال كيميائي في الناقلات العصبية وقد يكون سببه وراثيًا ، وليس مرض عضوي. • ثانيًا : الطفل يحتاج إلى جلسات فردية لتنمية المهارات وتعديل السلوك ، وكُلما بدأتي مُبكرًا كان ذلك أفضل ، والأمر ليس مُخيف ، لذا لا تتوتري. • ثالثًا : في حالة إنكارك للأمر من الممكن أن تذهبي لمُختص نفسي أخر وتُطبقي الاختبار مرة أُخرى لتتأكدي من النتيجة ، ولكن استمرارك أنتِ ووالده في الرفض سيُأخر حالة الطفل ، ويُزيد من حجم المشاكل السلوكية. • رابعًا : عليكِ الذهاب إلى طبيبة نفسية حتى توصف لكِ الدواء المُناسب إذا كان الطفل يحتاج إلى دواء ، لأنه ليس كُل الأطفال قد يحتاجوا إلى استخدام أدوية وإنما قد يكفي العلاج السلوكي معهم فقط.
تم النشر الخميس، ٢٥ يناير ٢٠٢٤
خليه يروح نادى ويشارك فى اى هواية
تم النشر الجمعة، ٢٦ يناير ٢٠٢٤
السلام عليكم ورحمه الله وبركاته اختي الكريمه اللي اهم من العلاج نفسه هو الاحتواء وانك تحسسي ابنك دائما أنه شخص طبيعي ولا يقل شيئا عن زملائه واقرانه وحاولي أن تتكلمي مع والده بهدوء وان شاء الله يقتنع بإرساله الي جلسات تخاطب لانها ستغير حقا من مسار حياته واهم شئ أن الطفل لا يشعر بإستنفار من حوله منه ويجب توفير الهدوء له
تم النشر الجمعة، ٢٦ يناير ٢٠٢٤
خلي يروح اي نادي يفرغ طاقته
تم النشر الخميس، ٢٥ يناير ٢٠٢٤
شوفي كذا معالج نفسي و اتأكدي من التشخيص وحاولي تبحثي في الموضوع وازاي تتعاملي معاه وتساهمي في تعديل سلوكه وشوفي معالج يتابع معاه حتى لو اون لاين. ولو المشكلة فرط الحركة ياريت متزعليش منه عشان دي حاجة مش بأيده
تم النشر الأربعاء، ٢٤ يناير ٢٠٢٤
لا..عادى جداا في السن ده..لا داعي للقلق عن تجربه ابني كان نفس الوضع زكان نفس حكايه ابنك ..والموضوع فعلا فرت حركه
تم النشر الأربعاء، ٢٤ يناير ٢٠٢٤
لازم جلسات تخاطب وتعديل سلوك وده ضروري
تم النشر الأربعاء، ٢٤ يناير ٢٠٢٤
لعرض السؤال في فدني اضغط هنا