خطيبى فى حاجات كويسة
بس برضو فى حاجات مش قادرة اتعامل معاه كانت بالنسبة ليا مقبولة بس لما بدأت اروح لمعالج نفسى وابدأ اتغير شوية بدأت العيوب دى تظهر اكتر هو عاوزنى اكون زى ما انا زمان وانا مش عاوزة اكون زى ما انا مع العلم هو مايعرفش انى بروح لمعالج نفسى العيوب دى اولها
١- هو شايف انى السبب فى اى اذى بيحصله واى تعب هو من النوع لما بيتعصب بيتعب جامد
٢- هو شايف ان حتى تعب الشغل مستحملة علشانى مع ان المفروض الشغل دة مسئوليته ودوره انا اشيل مسئولية تعبه ليه انا اقدر انك بتتعب فى الشغل واهون عليك بس مش تقولى انا شغال الشغل دة علشانك
٣- عصبى اوى وبيتعصب من اقل حاجة الاول كنت بعاتبه على العصبية بس حاليا هو بيتعصب وبيطلع عصبية اى حاجة بتحصل فى حياته فى خناق معايا والسبب اللى بيقولو انتى اللى تستحملينى مش حد غريب
٤- ودى من اهم النقط اللى بتنخانق عليها على طول انى من اول الخطوبة بحط حدود للعلاقة وخصوصا الحدود النفسية انا بتعامل ان هو خطيبى انما هو عاوز نتعامل زى المتجوزين ماقصدش جسديا اقصد نفسيا واننا ماينفعش نخبى على بعض حاجة ولازم كل التفاصيل نعرفها اكننا عايشين مع بعض فى بيت واحد ودة مش صح بالنسبة ليا
٥- بطئ فى كل حاجة يعنى لحد الان بقالنا سنة ونص مخطوبين مافيش شغل اضافى مافيش شقة والسبب انى بتعب فى الشغل بروح تعبان وان دى ظروف البلد
كدة كدة اخويا قالى اخر الشهر دة لو مافيش جديد هقول كل شئ قسمة ونصيب
بس برضو هو فى مميزات مش هعرف الاقيها فى راجل تانى بسهولة
حنين اوى
بيصالحنى على طول حتى لو انا اللى غلطانة
ماينفعش ننام زعلانين لازم يكلمنى وننام واحنا مخلصين كل حاجة بينا
مش عارفة اعمل ايه خايفة اسيبه يكون دة من تأثير الاضطراب اللى عندى ( مشخصة اضطراب هلع واكتئاب ) بدأت العلاج النفسى من شهر
الفترة دى بحاول احط حدود لكل العلاقات لان اكبر مشكلة عندى ان العطاء عندى زيادة لدرجة ان بضغط على نفسى علشان اللى حواليا حاليا بفكر فى نفسى الاول وبعدين اى حد تانى انصحونى اعمل ايه
بناءا على انك لسه فى مرحلة علاجية فمش هيكون صح تاخدى قرار دلوقتى ومن افضل الخطوات انك تعرفيه انك بداتى مثلا تطورى من نفسك وبتتعلمى وبتقرأى حاجات عن النفسية والاجتماعيه وان ده بيغير من تفكيرك ونظرتك لحاجات كتير حواليكى وفى نهاية العلاج او لما تكونى فى حاله مستقره اكتر هتكونى قادرة تاخدى قرار افضل عموما لو لقيتى تغييرك هيخليكى مش شايفاه ينفعك زى الاول فالافضل هيكون انك تفسخى الخطوبة كمان انتى محتاجة تشوفى اولوياتك فى الشخص ايه لان مش هنمسك فى ميزة واحده ونلاقى نفسنا سيبنا حاجات تانيه اهم لحياتنا
تم النشر الثلاثاء، ١٤ مايو ٢٠٢٤
قرار إنك تكملي في خطوبتك محدش هيقدر ياخده غيرك أما بخصوص العيوب اللي في خطيبك الأفضل إنك تتكلمي معاه بهدوء وتقوليله بكل بساطه أنا بلاحظ منك كذا وكذا وكذا وبتحط اللوم عليا في حاجات ماليش يد فيها ودي حاجه بتضغطني نفسيا ولازم تتغير في الحاجات دي علشاني وإنت كمان قولي لو شايف فيا عيوب مش قادر تتعايش معاها .. وكلميه في نقطه الزواج هيكون إمتى والشقه هتيجي إزاي وكل التفاصيل دي وعرفيه إن أخوكي محتاج يقعد معاه ويكلمه فيها ولازم يكون مجهز خطه مستقبليه فعليه عشان تكملوا سوا
تم النشر الثلاثاء، ١٤ مايو ٢٠٢٤
انا شايفة ان الفي طبع مش بيغيره و العصبية مش سهل تتساب او انه يبطل بالعكس بتزيد لدرجة توجع اووي وبعدين بيحط اللوم عليكي كتير ودا واضح ف صفات حلوة اوكي بس في صفات وحشة مغطية عليها واهمهم العصبية وانت بتتعالجي وكدا ف متخديش قرار دلوقتي والعلاج هيخليكي اهدي واعقل كتير و انا شايفة انك محتاجة حد هادي و سوي نفسيا بس كدا خطوبتك وانك تكملي معاه دا شي يرجعلك انت وشوفي و من رأي صلي وادعي وربنا اكيد هيختارلك الخير
تم النشر الأربعاء، ١٥ مايو ٢٠٢٤
بحبه بس ساعات بستحمل عيوبه وساعات لا لو سبيته هخسر حد بيحبنى وبيعمل حاجات كتير تسعدنى حتى لو من وجهه نظره او بمعنى اصح بيعبر بطريقته مش بطريقتى فى يوم قالى نفسى تكونى احسن منى انت شخصيا وبيدعمنى فى كورساتى او اى حاجة عاوزة اتعلمها لو هستنى هتكون المكاسب انى اول واحدة فى حياة شخص مش الاخيرة بيفكر فيا وبيسمعنى وبيحتوينى وقت زعلى مش بيسيبنى ويبعد واحد برتاح معاه وبتكلم من غير خوف مش غير ما اكون عارفة انه هيستخدم دة ضدى بعدين اكيد هندم على الحاجات دى لو سيبته
تم النشر الثلاثاء، ٢٥ يونيو ٢٠٢٤
كمان 5سنين هتندمي انك سيتيه ولا هتندمي لو كملتي معاه ؟؟؟
تم النشر الأحد، ١٩ مايو ٢٠٢٤
اسالي نفسك لو سبته هاخسر ايه وهاكسب ليه لو كملت معاه ايه مكاسب وايه خساير
تم النشر الأحد، ١٩ مايو ٢٠٢٤
انتي بتحبيه وعندك استعداد تتحملي عيوبه دي ولا هتبقي ضغط عليكي
تم النشر الأحد، ١٩ مايو ٢٠٢٤
لعرض السؤال في فدني اضغط هنا