انا حصلتلي فجعه موت من سنتين تقريبا ومن وقتها وانا تعبانه جدا رحت لدكاتره كتير وكل لما اروح لدكتور يقولي معندكيش حاجه ومن ساعتها وانا تعبانه اي خبر وفاه ييجي او اي مشكله تحصل نبضات قلبي تبقا سريعه جدا ادوخ احس اني هموت واحس بسقعة داخل صدري وبعد ما اهدا خالص احس ان دماغي تقيله جدا وعايزه انام بس ف نفس الوقت بكون خايفه انام بفكر كتير جدا ف حاجات تخليني اتوتر وللاسف مبقدرش اسيطر ع تفكيري اطلاقا ومبقتش عارفه اتصرف .
اللي بتحسي بيه طبيعي وانتي كدا قلبك ما ممتش لانك لو سمعتي خبر وفاة ومخفتيش او محستيش كدا، يبقي قلبك مات، ودي علامة من علامات حب الله لكي، وانتي فعلا معندكيش حاجه، خلي علاجك القران الكريم وستغفري، الا بذكر الله تطمئن القلوب، ممكن اكون صغيره علي اني اقول كدا لان عمري 14 سنه، بس اعملي كدا، مش هتخسري حاجه
تم النشر السبت، ١٥ فبراير ٢٠٢٥
من الوارد أن تكون هذه اعراض اضطراب ما بعد الكرب (الصدمة النفسية) نصيحتي زيارة طبيب نفسي فهو أقدر على تحديد هذا من عدمه ومساعدتك على التحسن باذن الله
تم النشر الأربعاء، ١٢ فبراير ٢٠٢٥
عزيزتي، أقدر مشاعرك وأتفهم ما تمرين به من معاناة. الفجعة التي تعرضت لها بفقدان شخص قريب منك هي تجربة مؤلمة للغاية، ويمكن أن تترك آثارًا عاطفية وجسدية طويلة الأمد. الأعراض التي تصفينها، مثل تسارع نبضات القلب، الدوخة، الشعور بالبرودة في الصدر، والتعب العقلي عندما تتعرضين لمواقف مفاجئة أو أخبار مؤلمة، يمكن أن تكون نتيجة لمشاعر القلق والتوتر النفسي. هذه الأعراض شائعة بعد تعرض الشخص لتجربة صادمة، ويمكن أن تكون علامة على وجود قلق أو حتى اضطراب ما بعد الصدمة. أود أن أنصحك بالبحث عن الدعم النفسي، سواء من خلال الاستشارة مع معالج نفسي محترف أو الانضمام إلى مجموعة دعم. قد يساعدك ذلك في التعبير عن مشاعرك وتعلم كيفية التعامل مع القلق والأفكار المقلقة. أيضًا، من الجيد أن تحاولي إدخال بعض الأنشطة اليومية التي قد تساعدك في تحسين حالتك النفسية، مثل القراءة، أو الكتابة، أو ممارسة الهوايات التي تفضلينها، فهي قد توفر لك متنفسًا جيدًا. تذكري أن طلب المساعدة ليس علامة على الضعف، بل هو خطوة قوية نحو التعافي. تمنياتي لك بالشفاء العاجل والسلام النفسي.
تم النشر الأربعاء، ١٢ فبراير ٢٠٢٥
بجد مش عارفه اشكر حضرتك ازاي بإذن الله هحاول اعمل كل ده وان شاء الله خير 🤍
تم النشر الأربعاء، ١٢ فبراير ٢٠٢٥
ماشاء الله.. ٢١ اختى الصغيرة اوى يعنى.. طيب احنا ممكن نعمل اى.. اول حاجة ماتخفيش ألمك.. خلي حزنك يطلع للنور، الحزن مش ضعف.. كل دمعة بتنزليها بتريحك.. وكل مرة بتعترفي فيها بألمك بتتخلصي من جزء من الحمل اللي على قلبك.. واحنا الى هنشتغل علية اننا نعرف ازاى ندير الألم او التعب مش نقضى عليه. محتاجة تذكري نفسك بقوتك.. يمكن تحسي إنك منهارة لكن خليكي فاكرة إنك عديتي أيام صعبة كتير.. الفقد مش نهاية القصة ولا هيكون اخر مرة دى سنة الحياة ، انتى الى عليكى انك تكونى اقوى نفسيا مع كل موقف.. ومش هتكونى اقوى غير لما تتحكمى فى توترك وخوفك المبالغ فية.. لما القلق يسيطر عليكى.. خدي لحظة وبصي حواليكي.. واسألى نفسك هو يستاهل ؟ طب انا المفروض هتصرف ازاى ؟ فى الاول هيكون صعب لكن لما تبقى عارفة انتى المفروض تعملى ايه ساعة الموقف دا هيسهل كتير عليكى.. انتى ناقصك تتقلى شوية محتاجة شوية خبرات تراكمية وتعاملات كتير عشان يكون الموضوع عادى.. ولازم تدى نفسك الوقت انك تتغيرى.. الشفاء مش سباق.. خدي وقتك واعرفي إن كل خطوة، حتى لو كانت صغيرة، هي إنجاز يستحق التقدير.. انتى محتاجة تغير جذرى فى حياتك ودا بيكون واحدة واحدة.. لازم تتجرأي وتكسرى روتينك.. غيرى اوضتك ابدئى اقرى كتاب جديد.. ابدئى ادخلى انشطة جديدة وكورسات.. ابدئى شوفى نفسك وحياتك وحسي بذاتك.. عاوزك قدام مرايتك تقعدى وتتكلمى مع نفسك عن نفسك.. بتحلمى با اي نفسك فى اي.. اكتشفى نفسك بجد.. وخليكى عارفة أنتي مش وحدك في ناس كتير مستعدة تكون جنبك وتدعمك.. افتحي قلبك وتقبلي الحب والدعم من صحباتك.. حتى لو كان صعب ف الاول عافرى وكملى لان دا الصح. كوني رحيمة بنفسك، أنتي تستحقي السلام والراحة.. انتى عرفتى مشكلتك اي ودا ناس كتير تتمناة حقيقى.. قومي لأن انتى جواكي قوة كبيرة انك تتغيرى للاحسن.. الموضوع مش موضوغ خوف الموضوع موضوع حياة والخوف دا جزء منها ماتختزليش حياتك كلها فية وتوقفيها عليه.. وبعتذر لو الكومنت طويل
تم النشر الأربعاء، ١٢ فبراير ٢٠٢٥
حاضر العمر ليك .. اللهم آمين يارب🤍
تم النشر الأربعاء، ١٢ فبراير ٢٠٢٥
.. بلاش تعاملينى معاملة كبار السن 🙂 حضرتك.. دا كلها ٨ سنين فرق.. يارب تكونى احسن واللهم خير يارب
تم النشر الأربعاء، ١٢ فبراير ٢٠٢٥
انا 21 اتمنى فعلا اني اقدر اغير اي حاجه شكرا لحضرتك
تم النشر الأربعاء، ١٢ فبراير ٢٠٢٥
انتى اتعودتى على نظام معين ف حياتك والنظام دا بالنسبالك غير قابل للتغيير.. مافيش مرونة فعشان كدا مع اول موقف مش معمول حسابه + طبيعة تربيتك الى خليتك مالكيش - عضلات- تواجهى بيها خلاكى ضعيفة وحساسة جدا تجاه اى مشكلة او موقف مؤلم.. انا معرفش انتى كام سنة بس واضح انك لسا صغيرة ودا شئ كويس انك تقدرى تغيرى نفسك وتتعاملى مع المشكلة..
تم النشر الأربعاء، ١٢ فبراير ٢٠٢٥
ايوه انا روتينيه بطريقه بشعه وفعلا اهلي قافلين جدا مش بخرج غير وقت دراستي فقط
تم النشر الأربعاء، ١٢ فبراير ٢٠٢٥
هو انتى بطبيعتك شخص اجتماعى ؟ ولا مالكيش تعاملات كتير مع الناس ووقت ماحاجة تفرحك بيكون رد فعلك ازاى ؟
تم النشر الأربعاء، ١٢ فبراير ٢٠٢٥
غالبا اللي بتمري بيه سببه صدمة نفسية شديدة من الفقدان.. وده بيخلي جسمك يتفاعل بطريقة جسدية واضحة زي سرعة ضربات القلب، ضيق التنفس، والقلق المستمر.. دي كلها أعراض اضطراب ما بعد الصدمة أو قلق مستمر بسبب عدم معالجة الحزن بالطريقة الصح.. مشاعر الحزن غير المعالجة + الفقدان كان شديد، وواضح إنك ممرتيش بمراحل الحزن بطريقة صحية تخليكى تقدرى تتجاوزيها..وللاسف القلق المستمر وتفكيرك في الفقدان طول الوقت وأعراض القلق دا بيدخلك في دايرة مفرغة مالهاش مخرج مخلياكى محبوسة جواها.. والأعراض الجسدية زاي ضربات القلب السريعة والدوخة كلها رد فعل جسدي طبيعي للضغط النفسي الشديد المكتوم جواكى ..مع الوقت وانك مش عارفة تحددى المشكلة فين بالضبط خلى عندك صعوبة السيطرة على الأفكار.. التفكير المستمر في الفقدان بيستهلك طاقتك العقلية والجسدية وبيأثر عليكى بكل الجوانب..
تم النشر الأربعاء، ١٢ فبراير ٢٠٢٥
الموت علينا حق يا أختاه،،،،،، وبعدين الإنسان بعد ما يموت هيقابل رب كريم وجنة عرضها كعرض السماوات والأرض أعدت للمتقين، ما يخاف من الموت غير اللي ما يصلي أو يقرأ القرآن ومقصر من ناحية الله، وأذكرك رسول الله مات وزوجاته وأبنائه وصحابته ماتوا جميعا فلا نقول اللهم احشرنا معهم وادخلنا الجنة معهم ومع النبيين والصديقين 🤲🤍
تم النشر الأربعاء، ١٢ فبراير ٢٠٢٥
دا ممكن يكون سبب.. خوفك من التجربة.. انتى معودة نفسك تكونى فى منطقة الراحة ومعندكيش استعداد لاى حاجة تغير او تتغير فى حياتك.. سؤال انتى شخص روتينى مابيحبش يغير ؟ طبيعة تربيتك ف البيت كان مقفول عليكى جدا واهلك خايفين عليكى لدرجة ان كل حاجة انتى محتاجاها مابتعملهاش وهما الى بيعملوها ؟
تم النشر الأربعاء، ١٢ فبراير ٢٠٢٥
لا ماليش تعاملات مع الناس خالص حتى مليش اصحاب دايما بخاف يسيبوني ف بخاف ادخل حد حيااتي
تم النشر الأربعاء، ١٢ فبراير ٢٠٢٥
الطبيعى اننا بنخاف من المشاكل والمواقف المفجأة بس بنتعلم نتعامل معاها.. انتى يمكن الى ينقصك خبرة التعامل مع المواقف دى..
تم النشر الأربعاء، ١٢ فبراير ٢٠٢٥
حاليا الزعل بيطلع ع هيئه خوف مش بقدر اتحكم ف الخوف ده وبييجي بدوخه بتأثر مثلا لو في صوت عالي او حصلت حاله وفاه عند الجيران او حد غريب معرفهوش حاجات المفروض متاثرش بيها بس بيكون غصب عني
تم النشر الأربعاء، ١٢ فبراير ٢٠٢٥
الاول كان رد فعلك العياط.. حاليا بقى إيه ؟ وازاى بتتأثرى باقل مشكلة ؟
تم النشر الأربعاء، ١٢ فبراير ٢٠٢٥
انا الاول مع اي صدمه كنت بعيط حاليا مبقتش بعرف اعيط العياط بالنسبالي بقا صعب اوي بقيت بتأثر بأقل حاجه حتى لو مشكله بسيطه.. ف مش لاقيه حل
تم النشر الأربعاء، ١٢ فبراير ٢٠٢٥
ونعم بالله العلي العظيم
تم النشر الأربعاء، ١٢ فبراير ٢٠٢٥
لعرض السؤال في فدني اضغط هنا