امتى اعرف ان الخطوبه مش مناسبه واوقفها مع البنت رغم ان انا اللي اخترت بس كان تعارف صالونات
لازم تركز على اخلاقها وطريقه تفكيرها هل هي شبه تفكيرك ونفس الأولويات ولا لا افتح معاها مواضيع واتناقشه مثلا وشوف رايها اي او طريقه تفكيرها هل هي فعلا قد المسؤليه واخلاقها كويسه. اخبار الصلاه القراءن في حياتها اي مثلا وطبعا استخير قبل أي قرار
تم النشر السبت، ١١ يناير ٢٠٢٥
السلام عليكم ورحمة الله وبركاته لازم تبقا عارف إنك دلوقتي في أهم إختيار في حياتك إنتا هتختار إنسانه تعيش معاها عمرك وتربي اولادك وتأمنها علي نفسك فلازم تبقي عارف إزاي تختارها الاول شوف بيت أهله مشهودلهم بالصلاح وبعدين دور علي بنت متدينه وعارفه الحلال من الحرام هيا دي اللي هتسعدك إظفر بذات الدين واهم حاجه الاستخاره وإدعي ربنا دايما إنه يرزقك بخير متاع الدنيا أخر حاجه أسمه جواز مصونات مش صالونات علشان هيا ولا كلمت حد من ورا أهلها ولا عصت ربنا مع شاب صانت نفسها لحد إما ربنا يبعتلها زوج صالح ربنا يوفقك ويرزقك بخير متاع الدنيا.
تم النشر الاثنين، ١٣ يناير ٢٠٢٥
من رايي مش مهم الموضوع صالونات او حب بس اهم 3 حاجات ف اي relationship 1/ التفاهم 2/ الاهتمام المتبادل 3/ الثقة لو لقيت حاجه مش مفهومه ف دول او مش طبيعيه اتاكد انه الاختيار غلطط واي حاجة تانيه يمكن الاعتياد عليها Good luck 🤍
تم النشر السبت، ١١ يناير ٢٠٢٥
من المهم أن تشعر بالراحة والارتياح في العلاقة التي تدخلها، بغض النظر عن طريقة التعارف. إذا كنت تشعر أن الخطوبة غير مناسبة، هناك بعض العلامات التي قد تشير إلى ذلك: عدم التوافق في القيم والمبادئ : إذا كانت هناك اختلافات كبيرة في القيم التي تؤمن بها، مثل الدين، أو الحياة الأسرية، أو الروتين اليومي، فهذا قد يشير إلى أنّ هناك صعوبة في بناء حياة مشتركة. غموض المشاعر : إذا كنت تشعر بعدم الجذب العاطفي أو إذا كان الشغف غير موجود، فقد يكون من الأفضل إعادة النظر في العلاقة. الضغط من الطرف الآخر : إذا شعرت بأنك مضغوط للقيام بشيء لا ترغب فيه، أو إذا كان هناك تمسك من طرفها بالعلاقة رغم عدم شعورك بالراحة، فذلك يعتبر إشارة حمراء. عدم التواصل الجيد : إذا كانت هناك صعوبة في التواصل، وفهم مشاعر بعضها البعض، أو إذا كنتما لا تتبادلان الأفكار والتطلعات، فهذا يعتبر عائقًا. الشعور بعدم السعادة : إذا كانت العلاقة تسبب لك مزيداً من التعب النفسي أو العاطفي بدلاً من السعادة، فهذا يستدعي إعادة النظر في الأمر. استشارة الأهل أو الأصدقاء : أحيانًا يمكن أن يقدم الأهل أو الأصدقاء وجهة نظر موضوعية حول العلاقة ويشيرون إلى جوانب قد تكون غائبة عنك. إذا وجدت أن هذه العلامات موجودة، أو أنك تشعر بعدم الارتياح، فمن الأفضل أن تتحدث بصراحة مع خطيبتك وتجري حوارًا مفتوحًا لتحديد ما إذا كانت الأمور بحاجة إلى إعادة تقييم. الاختيار في هذه المرحلة يجب أن يكون مدروسًا ويعكس ما هو أفضل لكل منكما.
تم النشر السبت، ١١ يناير ٢٠٢٥
ربنا يباركلك يارب
تم النشر الثلاثاء، ١٤ يناير ٢٠٢٥
بص ياصديقى انا مريت بتجربة خطوبة لمدة ٣ شهور ف الاول كانت الدنيا تمام ومتقبلها جدا وهيا كانت حد كويس جدا واهلها ناس كويسين مقدرش اعيبهم ف حاجة.. مع الوقت شعورى ناحيتها اتغير طريقة كلامها مابقتش تشدنى ولا احبها مع انها مافهاش اى تجاوز هزارها كنت بستحمله بالعافية وساعات مابقدرش.. وقت ماتيجى تكلمنى كنت ببص ف الفون الى هو انتى اى الى خلاكى ترنى دلوقتى وارد الكلام بالعافية ماكنش ليا نفس اتكلم ومكنتش بعرف اقول اى من كتر منا ماليش نفس اسمع صوتها.. فكرت ف الحوار كتير وكل ما آخد قرار انى ماكملش امى تقعد تقلى يبنى فكر دول البت والناس شارينك وفرحانين والكلام دا بس انا مقدرتش استحمل حقيقى ومن ساعة ما فشكلت الموضوع مازعلتش ٥ د ع بعض!.. دى تجربتى الشخصية حتى البنت كانت ذات دين واخلاق لكن ماحستش ان فى توافق فكرى... انت حط ف اعتبارك الاعيب الشيطان انك كل ماتقرب من فرحك هيخترعلك مشاكل ويشكك ف نفسك وحرفيا هتبقى عاوز تهد المعبد ع الى فيه لو انت موضوعك كدا ماتطاوعوش واستعذ بالله من وسوساته.
تم النشر السبت، ١١ يناير ٢٠٢٥
فيه لايف كوتش وفيه مختصين في العلاقات موجودين على فدني وحضرتك ممكن تدخل صفحة الخبراء وتختار منهم ومن صفحة الخبير أو الخبيرة ممكن تقرأ ردوده/ا على مشاكل الأعضاء وتشوف إذا كان أفضل حد تتواصل معه، وهتلاقي عندك زر حجز استشارة هيخليك تتواصل مباشرة بالواتساب أو الفيسبوك الخاص بالخبير.... إن شاء الله تلاقي المساعدة اللي محتاجها عشان تقرر... وفي النهاية حضرتك حلك معها في التواصل وفي صلاة الاستخارة إن ربنا هو اللي يختار لك، ولو زواجك منها خير فإن شاء الله كل المشاكل اللي بينكم هتتحل والتواصل هيكون أفضل إن شاء الله إذا كان العكس فكل واحد ربنا إن شاء الله هيوفقه في سبيله... ربنا يكتب لك الخير ويرضيك به.
تم النشر الثلاثاء، ١٤ يناير ٢٠٢٥
اولا متبقاش مرتاح وطول الوقت حاسس انك مضغوط وبتدي بس ومش بتاخد وفاقد الشغف ناحيتها وحاسس انك مش بتشتاق ليها او عاوز تكلم معاها او بتفكر في المستقبل وهيا فِيَھ وفي حاجات تجمعكو سوي وبيت واطفال وام عيالك غير كده متكملش حتي لْـۆ الفرح بكرة. الطلاق صعب والاصعب تعيش طول عمرك مش مرتاح ومضغوط وبتضحي علشان اولادك حتى بسعادتك وعايش لوحدك والطرف التاني لوحده لْـۆ انت مش مبسوط مضيعش عمرك استخير ربنا في قرارك الآۆلْ وشوف الاصلح ليك ربنا يهديك للي فِيَھ خير ليك
تم النشر الأحد، ١٢ يناير ٢٠٢٥
هو نصيب ف الاول والاخر
تم النشر السبت، ١١ يناير ٢٠٢٥
لما تكون مش متقبل الشخص او مفيش شغف علي الرغم انه حياتي وبيتي ،بس انت طول الوقت بتضغط علي نفسك واعصابك ،بمعني اصح قفلت منه جامد اعتقد حرام للطرفين التكملة ،،،بس قبل اي شي صلي استخاره
تم النشر السبت، ١١ يناير ٢٠٢٥
لو حسيت انڪ مقفول منها
تم النشر السبت، ١١ يناير ٢٠٢٥
نعم يااخي هذا ما تحدثت فيه اذا كنت لا تجد معاها الراحه ولا التوافق والانسجام واذا قررت تركها فدعوا الله يرزقك بالافضل
تم النشر السبت، ١١ يناير ٢٠٢٥
هو فعليا بقا ٧٠٪ من الوقت بقيت مضطر انك تكلم وبنفس الوقت انا تقريبا جهزت شقتي وعفشي وحجزت القاعه مش عاوز اخسر حياتي بعد كده ومش عاوز اهد حياتي الحاليه ونفسيا بقيت تعبان
تم النشر السبت، ١١ يناير ٢٠٢٥
لما ماتبقاش مبسوط وحاسس انك مضغوط ومضطر فى تعاملك معاها او رد فعلك ناحيتها.. حتى لو هيا حد كويس جدا بس مش ال type الى انت محتاجه..
تم النشر السبت، ١١ يناير ٢٠٢٥
حدد عيوب ومميزات الطرف الآخر، شوف العيوب اللي تقدر تتعايش معاها بعدين والعيوب اللي ممكن بالنسبالك لا تطاق ووازن بين العيوب والمميزات ومقدار التوافق والقبول بينكم وعلى الأساس ده حدد هتكمل ولا
تم النشر السبت، ١١ يناير ٢٠٢٥
https://www.fedni.net/experts
تم النشر الثلاثاء، ١٤ يناير ٢٠٢٥
هل هي مجبره علي الزواج منك مثلا بأي شكل يعني ولا اي لان المشكله جديا تحتاج حل حتي لايكون حلها بعد الزواج هو الطلاق اتمني تاخد خطوه ماديه حتي لو تتحدث مع اهلها لا مانع. او تلاقي نقطه تفاهم بينك وبينها علي الاقل حتي تبني العلاقه عليها
تم النشر الثلاثاء، ١٤ يناير ٢٠٢٥
اقسم بالله اتكلمت وخطبها من ٨ شهور تقريبا واكلمت لو هتكوني زوجه بس عرفيني لان انا مش عاوز كده انا تقريبا زياده عن يوم عيد ميلادي وعيد ميلادها مش فاكر يوم او ذكرى حلوه بالخطوبه حتي يوم عيد ميلادها شديت انا وخوها وهو اللي غلطان ياعتراف كل الحضور
تم النشر الثلاثاء، ١٤ يناير ٢٠٢٥
اهاا لامانع من فتح حوار حول ذالك وتشرح لها كل مافي قلبك بلفعل هذا هو الحل المثالي واتمني من الله ان يرزقك السعاده
تم النشر الثلاثاء، ١٤ يناير ٢٠٢٥
طيب اكلم معاها وفهمها كل ده ما ممكن هي مكسوفه او مش عارفه تتعامل زيك ممكن بعد الجواز تتغير عشان ميبقاش ف ظلم برضوا
تم النشر الثلاثاء، ١٤ يناير ٢٠٢٥
يا اخي بالاسلام اعرف انه لامانع ولكن اتمنا القا شئ يجعلني اعدل عن قراري انا كاره فكره الانفصال لان خلاص فرحي كمان كام شهروجهزت حالي وشقتي وكل شئ وانا لا اتكلم من الجانب الديني من جانب الديني احنا الاتنين بثقه فيها انا بكلم ع جوانب دنيوايه (الدنيا ) من تفتاهم من وجود من يؤنسك بالحياه كنت اتمنها شريكه عمر ليس بزوجه وتحدثت بذلك كتيييييييييير بس لااسف انا والله بعمل كل ما يفرحها وبشهدتها بس انا شايف انها مش بتسعي ل ده
تم النشر الثلاثاء، ١٤ يناير ٢٠٢٥
ياأخي اذا بدك تطمن لامانع اطرح السؤال علي شيخ سوف تسمع نفس كلامي لاكن لامانع للطمئنه طمئنك الله ياأخي🤍
تم النشر الثلاثاء، ١٤ يناير ٢٠٢٥
ياأخي في الإسلام لا مانع في الفسخ بل احيانا واجب اذا كان الزواج ينتج عنه ظلم او مفسده فيما بعد وانت ممكن بعد الزواج تطلق لان انت اصلا مو متقبل الامر وانت لا تسئل عن ماينتج عن فسخ الخطوبه لانه حقق نعم ممكن تحبك وتتاثر بذالك لاكن دينيا لاعليك شيئ نفسيا يمكنك تمهيد الأمر لها لامانع.. لاكن لاتجبر نفسك يمكن بعد الزواج تظلمها او تطلق وهذا يمكن تفاديه الأن
تم النشر الثلاثاء، ١٤ يناير ٢٠٢٥
هو فعليا فقدت الشغف بقيت اما شوف رنتها بكون زهقان بقيت كاره اروح عندهم
تم النشر الثلاثاء، ١٤ يناير ٢٠٢٥
بالله عليكم لو في لايف كوتش اقدر اكلم معاه ع رسايل البرنامج هنا ييقي جزاكم الله خيرا انا فعليا مش بنام مش عاوز اظلمها واظلمني وادمر حياه لسه بتبدا
تم النشر الثلاثاء، ١٤ يناير ٢٠٢٥
فعليا بدات احس بكده
تم النشر السبت، ١١ يناير ٢٠٢٥
ممكن نكون احنا الاتنين صالحين ونخشي الله ولكن لا يوجد توافق فكري وقتها مشكله يا اخي الدين معاك اظفر بذات الدين بس انا بكلم من اتجاه تاني خالص
تم النشر السبت، ١١ يناير ٢٠٢٥
السلام عليكم اذا كانت تخشي الله هو هذا المعيار حتي للرجل للكل من كان يخشي الله ويخاف من الله لانتظر منه الا الخير إن شاء الله. اما بالنسبه للشكل و طريقة التعامل او غيرها من الامور هذا حق لك اذا لم تكون تعجبك حقك تتركها ف الاساس انك تخطب وتتزوج من اجل الجمال او حتي العائله او حتي لو كانت غنيه لكن الاصل انها لدينها ياأخي لذالك بدأت معك بالدين .
تم النشر السبت، ١١ يناير ٢٠٢٥
العيوب ومميزات تمام وفيها توازن بس فكره انك مطلوب من الراجل ينجح نسبه الجواز بنسبه ٩٠٪ مثلا وان ست معتقده ان عليها ١٠ ٪ ومش محتاجه تنازلات زي ما لراجل محتاج تنازلات وبيتنازل عشان يكون في توافق الجانب التاني برضو لازم يكون في تنازلات فكره انها مش موجوده من جانب التاني مرهقه جداااااااااااااااااا
تم النشر السبت، ١١ يناير ٢٠٢٥
ايمتا اعرف ان الشخص ده مش مناسب ليا خصوصا ان انا الراجل بس ديما بتنازل وبتغير عشان الشخص ده والشخص ده زي ما هو واقف -- خصوصا ان حددت الفرح وكل حاجه وحجزت بعد ٦ شهور وخطوبه كانت من٨ شهور
تم النشر السبت، ١١ يناير ٢٠٢٥
لعرض السؤال في فدني اضغط هنا