أتعلق بالأشياء والأشخاص وأخاف من مرور الوقت وانتهاء اللحظات السعيدة، ما الحل؟

Question

دلوقتي أنا بجد بتعلق ب اي حاجه اوي اوي مثلا لبس تيشيرت مثلا عندي من زمان و بحبه و كدا مش بكون عايزاه يترمي حتى لو اتقطع أو كوتشي حتى لو عندي من كام شهر بس بردو بزعل اوي لو اترمى و بحس ب ضيق شويه أو مثلا أشخاص عاديين مثلا مدرسين ليا مثلا لما كنت في مرحله اعدادي و دخلت مرحله ثانوي كنت متضايقه اوي و مخنوقه اني هسيب مدرسين اعدادي اللي اتعلقت بيهم اوي اوي و اللي خلاني اصلا ابعت الرساله دي اني من أسبوع كان فيه فيلم بيتكون من اكتر من جزء اتفرجت عليه ب كل اجزاءه و عجبني جدا و اتعلقت بيه جدا جدا جدا لابعد الحدود بجد و خصوصا أنه كان ٨ اجزاء و كل جزء ساعتين و نص تقريبا و بقالي اسبوع مش عارفه اتخطى اني خلصته خلاص و عايزه ارجع اتفرج عليه تاني و خايفه ادخل في دوامه اني اعيده كل شويه علشان اتعلقت بيه و لما بشوف صوره للفيلم دا مثلا على الفيس بوك او كدا بحس بضيق اوي و اني عايزه ادخل اشوفه دلوقتي و حاجه كمان اني بقدر الذكريات جدا و بحب كل الذكريات و بحب استمتع بكل لحظه لانها مش هتتكرر بس بعدين ببص على ذكرى مثلا من موقف معين مثلا صوره و بفتكر الموقف دا بتضايق اوي أنه خلاص خلص و عدى و مش هيرجع ولا هيتكرر تاني و دا ساعات بيبقى سبب اني مش بعرف استمتع بالحظات الحلوه لاني زعلانه انها هتخلص بسرعه و مش هتيجي تاني و بخاف الوقت يعدي بسرعه من غير ما اعمل فيه ذكريات أو من غير ما استغله صح و تقريبا دا كان سبب بردو اني تتعلق بالفيلم دا لانه جايب الممثلين من اول جزء من و هما صغيرين خالص خالص و كل جزء بيكبروا بيكبروا ياريت تفيدوني بجد

Accepted Answer

سيخفف من تعلقك بالأشياء طريقتان: الأولى أن تدركي أن الدنيا بمن فيها فانية، وهذا يسري على من فيها، فعيشي اللحظة وعندما تمر قولي لنفسك ستأتي لحظات غيرها بإذن الله. الثانية أن تكون حياتك مشغولة، لا تجلسي للفراغ وتفكري فيما مضى، بل فكري في حاضرك كيف يمكنك التطوير من نفسك من أجل مستقبل مزدهر. ماذا ينقصك من مهارات؟ ما هي هواياتك؟ هل تعرفين آخر تطورات الذكاء الاصطناعي؟ هل سبق وحاولتِ تأليف قصة أو كتاب؟ ما هو هدفك؟ هل تغيرت شخصيتك عن العام الماضي؟ فيم تغيرت؟ ما هي أكبر مميزاتك؟ وما هي عيوبك من وجهة نظرك؟ هذه أسئلة هدفي منها ليس الحصول على إجاباتها، بل أعطيك طرف الخيط لتجدي بنفسك آفاق أوسع فلا تقتصري في تفكيرك على الحنين للذكريات بطريقة توقفك عن التحرك.

Answer

لازم تتقبلي ان كل شئ بيمشي مفيش حاجه ثابتة ودائمة. دي سنة كونية فحاولي ع قد ماتقدري تستمتعي بالحاضر وعادي جداً الانسان يحس انو خايف من حاجه مشاعر طبيعية بس متخليش الموضوع يطول .

Answer

أهلاً و سهلاً! أول حاجة، تحسي بها طبيعية جداً. كلنا عندنا مشاعر التعلق بالذكريات والأشياء، لأن دي بتكون جزء من تجربتنا وفترات حياتنا. أول حاجة عايزة أقولك، إنه الحاجات اللي بنحبها، سواء كانت أفلام أو أشخاص أو حتى ملابس، بتربطنا بمشاعر وذكريات جميلة، وده شعور مهم جداً. لكن، في نفس الوقت، من المهم إنك تحاولي تتعلمي تفصلي بين التعلق والذكريات وبين الحاضر. يعني، لما تخلصي فيلم، حاولت فكري إزاي أنتِ استمتعتِ بالأجزاء اللي فاتت، وعايزة تتخيلي مشاعرك دلوقتي في اللحظة الحالية، بدل ما تعيشي في الماضي. ممكن تعملي حاجة ممتعة زي تدوين لحظات حلوة من حياتك، أو تكوني مع أصدقائك وتخلي عندك تجارب جديدة تعيشينها بدلاً من التعلق بالماضي. وحاولي تستمتعي بكل لحظة حالية، وأفتكري إن الحياة مليانة لحظات جديدة وجميلة ممكن تصير! وأيضاً، مواجهة مخاوفك من مرور الوقت يجي من قبول الفكرة إنه كل شيء له نهاية، لكن كل ما ينتهي، يفتح قدامك أبواب جديدة لفرص مختلفة! تذكري إن كل لحظة جديدة ممكن تكون أفضل، وأهم شيئ إنك تحاولي تعيشي اللحظة وتستمتعي بها. جربي تتسامحي مع نفسك، وخدي الأمور بشكل تدريجي، وهتشوفي إنك هتقدري تستمتعي بلحظات جديدة وتنضمي لتجارب رائعة! 😊❤️

أتعلق بالأشياء والأشخاص وأخاف من مرور الوقت وانتهاء اللحظات السعيدة، ما الحل؟

نفسية

إدمان

خوف

سؤال من Aya EL sherbiny

تم النشر الأربعاء، ٣١ يوليو ٢٠٢٤

4 إجابة

9 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك