سلام عليكم
عندى مشكله انا بنت ف اولي كليه بابا متوفي وانا وامي عايشين سوا واخويا اغلب الوقت مسافر ف السعودية، علاقتي مع امي اسوء من السوء حرفيا
هي انسانه صعبه ودمرتني ويحاول اني أبقى كويسه معاها بس فعلا تعبت وحاولت اني انت**حر قبل كدا كتير بسببها بس دا كان زمان
الوقتي الموضوع زى ما هو بس انا بحاول وبقول هو ابتلاء بس فعلا تعبت المشكله الوقتي إن كان حلم حياتي ادرس بره واقدم ع منحه ولكن وبعد ما نويت اقدم ورغم كل اللي بتعمله فيا ورغم كرهي حرفيا ليها الا اني مش عارفه ازاي اسيبها وتسافر لو جاتلي المنحه دى فأنا بجد مش عارفه
انا نفسي اوي اقدم بس مش عارفه اى الحل او اعمل اى انا اصلا قعدتي مع امي تعب جسديا ونفسيا اقسم بالله بس بردو انا عاوزه حل انا نفسي اسافر نفسي اغير حياتي وحياتها وكل حاجه اتمني حد يقولي حل لان المنحه هتفتح خلاص وشكرا
الوالدين. باب من ابواب الجنه. فان شئت حافظي وان شئت ضيعي. ولكن يعني لو الامر مستحيل. ان انت يعني صعب على نفسك. حاولي تأمني والدتك. تامين حياتها. يعنى اطمئني عليها هى هتعيش كيف هتاكل كيف وهتشرب كيف. وسافرى على بركه الله. وربنا يحفظك ان شاء الله. وجزاكم الله خيرا
تم النشر الثلاثاء، ٧ يناير ٢٠٢٥
محدش هيعرف يقلك اجابة وهو مستريح ١٠٠٪.. انا شخصيا محتار.. لكن هفكر معاكى بصوت عالى.. انتى ليكى حلم حقك تحلمى به بس الحلم دا مينفعش يتحقق هنا ؟ لية لازم يكون برا ؟.. انتى عاوزة تسافرى لمجرد انك تهربى وتبدأى حياة جديدة على نضافة زاى مابيقولو عشان تبنى نجاحك.. لكن.. انتى جواكى حنية الأم.. انتى لما تبقى أم بعد كدا هيكون رأيك إيه لو بنتك الوحيدة عاوزة تسافر؟.. انتى عارفة تحملك لوالدتك وقلبك عليها دا بر وجزاءه كبير عن ربنا.. ربنا هيسألك بريتى والدتك ازاي هتتحاسبي على دا مش هيتقلك أخدتي شهادة ولا نجحتي برا ولا لا... انا ع فكرة وحيد والدتى وعايش معاها وحقيقى شايل فكرة السفر من دماغى بسبب ان انا وهي ملناش غير بعض حتى لو قرايبنا موجودين.. وانتى حرة ف قرارك وربنا يرزقك التوفيق..
تم النشر الاثنين، ٦ يناير ٢٠٢٥
انا آسف ليكى بجد للاسف محدش بيختار أهله. ووالدتك مهما قست عليكى هي امك.. وربنا امرنا ببرهم مهما عملو... لكن انتى لنفسك عليكى حق ومادام انتى بتحاولى وحاولتى انك تغيريها للاحسن ومفيش نتيجة لانك انتى اكيد حاولتى كتير... انتى ادرى واحدة بحياتك.. صلى استخارة وشوفى هترتاحى لموضوع السفر دا ولا لا.. ولازم تكونى عارفة وهتحسبيها اكيد انتى هتخسرى حاجة مقابل حاجة..
تم النشر الاثنين، ٦ يناير ٢٠٢٥
تم النشر الأحد، ١٢ يناير ٢٠٢٥
حضرتك انا قعدت سنين مفكره أن المشكله فيا لدرجه اني كرهت نفسي ورحت لدكتور نفسي واكدلي اني سليمه وان كل الي انا فيه من امي وأنها عندها اضطراب شخصية نرجسية، حضرتك متعرفش انا مريت بإيه ولا شفت ايه والله ربنا واحده اللي عالم كنت اتمني الموت اهون .
تم النشر السبت، ١١ يناير ٢٠٢٥
ممكن تكون المشكله عندك انت حاولي تفكري بطريقه تانيه... كتتتير من المشاكل بين الأم وبنتها بتكون البنت السبب مش الأم..... لإن الأم مفطوره علي حب بنتها.... امالبنت فحبها لأمها إكتساب.... حضرتك بتتكلمي عن حد بيكرهك مش مامتك
تم النشر الأربعاء، ٨ يناير ٢٠٢٥
رضا ربنا من رضاهم حاولي علي قدر الامكان علاقتك بيها تكون كويسة بالبر والتقوي لان دي امك مش حد غريب هترضيها هتشوفي الخير والرضا من ربنا امك مش هتتعوض لو توفاها الله لكن الشغل يتعوض فحاولي بقدر الامكان تراضيها وربنا يصلح حالك يارب
تم النشر الثلاثاء، ٧ يناير ٢٠٢٥
المشكله أنها مدمرلي حياتي اقسم بالله لدرجه التفكير ف الانتح**ار وبالنسبه لموضوع السفر ف دا حلمي من وانا صغيره ف هو ملوش دعوه بيها ولكن زاد الرغبه مش هنكر بسببها والله انا كمان عاوزه اغير حياتها مش حياتي انا بس حاسه ان حياتنا هنا وحشه بصراحه انت كلام معاك حق بس فعلا هتجنن وتعبت منها وتعبت من اني متحمله زهقت م كل حاجه
تم النشر الاثنين، ٦ يناير ٢٠٢٥
اتمني الرد سريعاً
تم النشر الاثنين، ٦ يناير ٢٠٢٥
لعرض السؤال في فدني اضغط هنا