واحده صحبتي كانت في علاقه مع واحد بس كان سنها صغير فضلو سوي سنتين وبعدها هي بدات تفكر وتسأل ناس في اللي بتعمله وفهمت انو اللي بتعمله غلط وحرام وانو هي كدا بتخون ثقت اهلها فعملتلو بلوك من غير متكلمه وبعدها بحوالي ست شهور كانت عايزه تطمن عليه من باب الصداقه مش اكتر فلقيته بيقولها علي الشات اللي كانو بيتكلمو فيه وعلي صورها وهددها بيها وهي خايفه ومش عارفه تعمل ايه مع العلم انو مينفعش تقول لحد عشان هي من عيله شديده
قوليلها ما تخافش ..اللى عاوز يعمل حاجة كان عمل يا بنتى من 6 شهور هو بس قال يخوفها من باب ان كرامته وجعته انها تعمله بلوك بدون سابق انذار بعد سنتين النصائح اللى فوق خليها تعمل بيها وتقفل على القصه دى خااالص
تم النشر الأحد، ٣ مارس ٢٠٢٤
في 4 حلول أول حل إنها تقوله إنها معرفه أهلها كل حاجه ومش هاممها وتعمله بلوك وتختفي تاني.. ليه مهددهاش قبل كدا؟ أو معملش حاجه قبل ما هي تكلمه؟ هي فتحتله باب إنها ترجع وبيعمل كدا عشان ترجع تاني.. تاني حل تعمل بلاغ في مباحث الإنترنت بإبتزاز وهيتم أخذ إجراء فوري معاه تالت حل لو مش هينفع تعملي بلاغ .. توهموه إنها عملت بلاغ في مباحث الإنترنت وتعرفوه ان الظابط معاه الاكونت بتاعها وهو اللي كان بيتكلم معاه مش هي أصلا وإن كلها وقت والقضيه هتتحول للمحكمه وفيها سنين سجن و تعويض مادي وإنها عشان العيش والملح ممكن تتنازل بعد ما يمسح كل الشات والصور وأي حاجه تخصها وطريقه انها تتأكد ان الحاجات دي إتمسحت بإنها تعرف شخص (ذكر ) من العيله أو من الأقارب أو حتى والد او أخ حد من صديقاتك وصديقتك تفهمه الوضع وأكيد مش هيمانع إنه يروح ويتأكد من حذف كل حاجه أمام عينه رابع حل تعرفي والدتك وتكلميها بهدوء تقوليلها انا غلطت غلطه من سنتين و عرفت اني غلط وتوبت وندمت كنت بكلم شاب و لما عرفت انه حرام وغلط عملتله بلوكات من كل حته وحاليا هو بيبتزني إني أرجع أكلمه وإلا هيعرف أهلي.. وانا قلتله إني مش بخبي حاجه عن أهلي ومتأكده إنك هتقفي في ضهري ولقيت الحل إني اعترفلك بغلطي واستشيرك إيه الحل ؟
تم النشر السبت، ٢ مارس ٢٠٢٤
لو راجل خليه يعملها ودي قضية تشهير بس عايزك تطمني خالص هقولك على حل تعمليه بهدوء هتروحي لمحامي شاطر وتعريفه كل ده وهيعرفك تعملي ايه بالظبط لحد ما صاحبها ده هيقع وهيلاقي نفسه قدام النيابة
تم النشر الأحد، ٣ مارس ٢٠٢٤
خليها تعمل محضر شرطة بالابتزاز ومحضر تاني بعدم التعرض
تم النشر الأحد، ٣ مارس ٢٠٢٤
بلغ هكرة
تم النشر الأحد، ٣ مارس ٢٠٢٤
تبلغ الشرطه عنه واهلها مش هيعرفو حاجه زي كده
تم النشر السبت، ٢ مارس ٢٠٢٤
لعرض السؤال في فدني اضغط هنا