السلام عليكم ورحمه الله وبركاته. اولا المرحله العمريه اللي انت فيها مرحله مضطربه شويه انت يادوب خارج من سن المراهقه وفي بدايات مرحله الشباب والرجوله ولكن الاضطراب ده سرعان ما هيهدا ان شاء الله مع بدايه دخولك ل 20 او دخولك الجامعه ونشغلك بالدراسه فمن ناحيه اطمئن يعني الاضطرابات الهرمونيه او الاضطرابات البيولوجيه او تيفر اللي كانت مسببه اللي بتسبب عندك بعض الافكار والقلق والوساوس هتستقر ان شاء الله مع الزمن. انت بتنتمي لجيل للاسف اتولد وفي ايده سمارت فون زي ما انت قلت كده من وانت صغير كان معاك سمارت فون. وده عرضك لحاجات ما كانش المفروض تتعرض لها ربنا وصف الطفل في القران وقال او الطفل الذين لم يظهروا على عورات النساء للاسف بسبب التليفون اللي كان في ايدك من سن الطفوله فانت اتطلعت على العورات بسبب كل الحاجات اللي كانت بتجيلك من خلال التليفون ده اييي سواء انت كنت بتوصل لها بنفسك او بتطلع لك لوحدها. التليفون او الحاجات اللي انت بتتبعها على السوشيال ميديا او الدايره اللي انت دخلت نفسك فيها خليتك تقريبا عايش جوه بالونه بيسموها بابل البالونه دي هي اللي حصلت اهتماماتك في حاجات معينه فرضها عليك الخوارزميات بتاعه الفيسبوك وبتاعه اليوتيوب وبتاعه التيك توك وبتاعه السوشيال ميديا عموما اللي هي بتعرض لك حاجات من نفسها مش انت اللي بتكون بتسعى لها احيانا ودي هي اللي بتعيشك جوه بالونه وهميه من الاهتمامات بتفرضها عليك. ودي اللي بتخلي الافكار عندك تتضخم بحيث توهمك ان انت عندك ميول معينه ولكن ده مش حقيقي فلازم تميز بين الافكار الاصليه اللي عندك والافكار الوهميه اللي بتجيلك بسبب الحاجات اللي انت بتتابعها معظم الحاجات اللي انت بتشكي منها دي. ميول شكوكك نحو ميولك الجنسيه. او الخواطر اللي بتجيلك عن الذات الالهيه قد يكون سببها هو الدايره الوهميه او البالونه الوهميه اللي انت متخيل نفسك فيها لو خرجت نفسك من البالونه دي وحطيت نفسك في دائره ثانيه لها اهتمامات ثانيه او تختلط بناس تانيين وبتتعرض في نماذج ثانيه هتلاقي كثير من الافكار اللي عندك دي اتصلحت لوحدها ان شاء الله املا الفراغ اللي جواك اذا ملقت لهذا الفراغ سوف تتغلب مباشره على كل الافكار اللي عندك شوف ايه شغفك في الحياه ايه طموحك وحاول تحط نفسك في بدايه السلم اللي يوصلك لطموحك ده وحاوط نفسك سواء اونلاين او اوف لاين بالاشخاص اللي انت عايز تبقى زيهم في يوم من الايام وتابعهم واقرا واقرا لهم وهتلاقي نفسك تلقائيا الافكار اللي عندك بقت بدات تتغير نحو الافكار اللي هم بيشاركوها الخواطر اللي عندك عن الذات الالهيه او شكوكك او شكك دي غالبا حتكون برده حاجات بسبب نفس التاثير ده التاثير الوهمي اللي عندك بسبب الفراغ اللي جواك اقرا كل شبهه عندك هتلاقي عندها رد وعلم رصيد كتب فيه كتب كثيره بترد على كل الشبهات الالحاديه دور عليها واقرا لها وخرج نفسك من الدائره اللي انت دخلت نفسك فيها.
ربنا يوفقك ويصلح لك شأنك كله ولا تيأس من رحمة الله أبدا واعلم أن الله يحول بين المرء وقلبه فأخلص في الدعاء أن يحول الله بينك وبين كل هذه الخواطر والأوهام
تم النشر الأربعاء، ١٩ فبراير ٢٠٢٥
إن شاء الله ساسعى لتطبيق كل نصائحك واجاهد نفسي على الصبر في مااظن انني ابتليت به املا من الله ان يكون كلامك صحيح بخصوص انها مجرد فتره معينه بمحنتها الخاصه وإن شاء الله تعدي اسالك ان تدعي لي فربما ان يكون الله غاضبا مني فلم يستجب لي وراضيا عنك فيستجب لك واشكرك على ردك الكريم
تم النشر الأربعاء، ١٩ فبراير ٢٠٢٥
لعرض الإجابة في فدني اضغط هنا