من وقت طويل جدا وانا حاسه بالفراغ وكاني مش عايشه عملت حاجات كتير بس نفس الاحساس موجود حتي المشاعر مفيش خالص لا حزن ولا فرح ولا حتي توتر وفكرت في الانتحار كتير لكن كنت ببعد في اخر لحظات زهقت من حياتي ال ملهاش معني دي اعمل اي
وحدي الله ،ازاي حياتك ملهاش معني ! مكنش ربنا خلقك ،هوني علي نفسك وعلي قلبك ي جميله الحياه صعبه اوى بس طول ما علاقتك قويه بربنا هتعدي كل شي ،متنسيش أن النبي صلى الله عليه وسلم قال ،،، ان اكتر الناس بلاء هم الانبياء ثم الأمثل ف الأمثل واخر الحديث قالك اي بقا : حتى يمشي بين الناس ما عليه خطيئه ،،،ده يدل اننا بتتجازي عن كل ألم وتعب نفسي او جسدي احنا بيه نؤجر ورب الكعبة رحمه ربنا كبيره جدا بس انتي قربي ، ،ربنا سبحانه و تعالى قال في سوره الأعراف (وبلوناهم بالحسنات والسيئات لعلهم يرجعون) .،،، أحد السلف رضي الله عنهم قال ،،، إن المؤمن لابد أن يُفتن بالفتن الشاقه حتي يمُتحن ايمانه ،،،فانتي لازم تقربي من ربنا وثقي فيه احفظي قرآن اعمليلك وِرد يومي من الاذكار والتسبيح والاستغفار والحوقله 500 مره مثلا وما زاد فهو خير ليكي ،تصدقي كتير ولو بالقليل ،واظبي ع صلاتك ونوافلك تقربي لربنا بالنوافل ،صلي قيام الليل ولو ركعتين بس ،ازاي بقا لو عملتي ده كلو في يومك هيبقى ملكيش هدف وبتاع انتي هدفك الأسمى يا بنتي ف الحياه هو العباده، ،،"وما خلقت الجن والإنس إلا ليعبدون"، ،،،فانتي ابدائي من جديد بجد اعزمي النيه وقربي من ربنا احنا في شهور الطاعات اغتنمي ده الحسنه تتضاعف وكذلك السيئات استعدي لرمضان ولو بتسبيحه واحده وربنا هيعينك ، ع فكره اي انسان بيمر بأوقات زيك الفتور ف كل شي فلازم نشحن بقا ،افضلي صلي لحد متشحني نفسيا وعيطي واشكي لربنا مل وجعك ،ربنا يصلح حالك يارب يا جميله لحال يُحبه ويرضاه ويعفوا عنك وعنا يارب💚
تم النشر الثلاثاء، ١٤ يناير ٢٠٢٥
اولا الانتحار من عدم الرضا بقضاء الله ويعد من الكفر وبالتالى انتى بتحبطى عملك كله لازم ترجعى لله وان كنتى مبتصليش لازم تصلى عشان ربنا يخفف عليذى محنتك واقرأى القرآن هيريح نفسيتك وعليكى بالدعاء فى كل وقت ولو عايزة تشغلى وقتك ممكن تقرأى القراءة بتنمى الروح والعقل وربنا يريح بالك
تم النشر الأربعاء، ١٥ يناير ٢٠٢٥
وليه تفكري في الانتحار في حاجات كتير تعمليها؟ زي الصلاه والاذكار والورد الحاجات دي كلها بتشغل على فكره وازاي ان انت تدوري على شغلانه تشتغليها اي شغلانه مدام حلال اشتغليها عادي لنفسك وحافظي على علاقتك بربنا وقوي علاقتك مع مع اسرتك وخرجي. وهتلاقي نفسك كويسه اهم حاجه تبعدي بس عن فكره الانتحار عشان ده حرام. مفيش حاجه تستاهل ان احنا نخسر بيها يعني دنيتنا واخرتنا مفيش حاجه تستاهل خالص. تقرب من ربنا بس. وخير ان شاء الله.
تم النشر الأربعاء، ١٥ يناير ٢٠٢٥
عزيزتي، أشعر بمدى عمق المشاعر التي تمرين بها، وأود أن أقول لك إن الإحساس بالفراغ واللاجدوى هو شعور يواجهه العديد من الأشخاص في فترات من حياتهم. من المهم أولاً أن تعتني بنفسك، وأن تتذكري أن حياتك لها قيمة ومعنى. استكشاف المشاعر : من الجيد أن تقومي بكتابة مشاعرك وأفكارك في دفتر يوميات. قد يساعدك ذلك في فهم ما تشعرين به بشكل أفضل. البحث عن التواصل الاجتماعي : حاولي قضاء الوقت مع الأصدقاء أو العائلة. الحديث مع شخص تثقين به يمكن أن يكون له تأثير إيجابي كبير. تحديد الأهداف الصغيرة : حاولي وضع أهداف صغيرة وقابلة للتحقيق. قد تكون هذه الأهداف بسيطة مثل ممارسة هواية جديدة، أو القراءة، أو الدراسة في مجالات تهمك. استشارة مختص : إذا كنت تشعرين بالضياع، فإن التحدث مع مستشار أو معالج نفسي يمكن أن يوفر لك الدعم والإرشاد المناسب. التواصل مع الله : الصلاة والدعاء يمكن أن يكونا مصدر راحة للروح. تذكري أن التواصل مع الله يساعد على تهدئة النفس وملأ الفراغ بالمعنى. إن الحياة مليئة بالتحديات، ولكن في كل تحدٍ ثمة فرصة للنمو والتحول. أنتِ قادرة على تجاوز هذه المحنة، وسأنصحك بالمثابرة والبحث عن الدعم اللازم. أنا هنا لمساعدتك، فلا تترددي في طرح أي استفسارات أخرى.
تم النشر الاثنين، ١٣ يناير ٢٠٢٥
اوعي تفكري في الانتحار تاني بكره ربنا يديكي كل اللي بتتمنيه انا فكرت فيه قبلك ونفذتها بس الحمد لله محصليش حاجه وعايشه حياه عاديه
تم النشر الثلاثاء، ١٤ يناير ٢٠٢٥
اهتمي بنفسك و بالصلاه و الذكر و احفظي قران حياتك مهمه انتي بس اللي يمكن حوليكي ناس عملين ليكي ضغط و مش محسسينك بقمتك. اقعدي مع نفسك و اسأليها هي بتحب اي و بتكره اي و اعرفي نفسك اكتر ، في كتاب حلو اسمه "احرق بعد الكتابة" حاولي تشتريه و جاوبي علي الأسئلة اللي فيه صدقيني هينفعك أكتر و اهم حاجة الصحبه الصالحه و بلاش اغاني
تم النشر الثلاثاء، ١٤ يناير ٢٠٢٥
السلام عليكم. ماوضعك مع الصلاه وهل هناك خشوع ام مشتته. هل تحفظين القرآن أو حتى لكي ورد يومي .. طيب انتي كيف بتقضي وقتك هل على الانترنت والتصفح ومواقع التواصل وهكذا .. الافضل وجود هدف تركزين عليه افضل حفظ القرآن و دراسة العلوم الشرعيه واذا عندك هدف اخر ياريت لان دول بس مايخدوا وقت اصلا كبير
تم النشر الثلاثاء، ١٤ يناير ٢٠٢٥
الموضوع من سنين اكتر من خمس سنين واذا بقا عندي شغف لحاجه بتبقا مده صغيره وتنتهي مفيش حاجة في دماغي خالص عايشه كدا وخلاص عدي ازمات كبيره تحزن منها وفاه اختي وجدتي وجدي بس محستش باي مشاعر بس انا بحبهم وحاجات تانيه زي نجاحي بتقديرات حلوه محستش بردو بحاجه كان عادي مفيش مشاعر خالص حتي قبل الامتحانات حتي لو مش مذاكره كويس مفيش توتر ولا خوف وكان مشاعري ماتت
تم النشر الاثنين، ١٣ يناير ٢٠٢٥
لا يمكن ميكنش ليها نتيجة حتى لو تغيير بسيط.. ممكن انتى عاوزة تغير سريع وهوا فعلا بيحتاج وقت.. ممكن انتى عاوزة تتغيرى مرة واحدة وهو لازم خطوة خطوة.. ممكن يكون فى دماغك حاجة لو موصلتهاش يبقى كدا كأنك معملتيش حاجة.. يمكن حاطة توقعات عالية جدا بس الامكانيات مش مساعدة فحاسة انك مابتعمليش حاجة.. ممكن انك انجازاتك اليومية بقت روتين بالنسبالك فمبقتيش تستشعرى معنى الانجاز.. محتاجة تفكرى ف الى بتعملية شويتين وتستشعرى فيه معنى الجمال والغاية منه..مثال مثلا بتصلى ٥ مرات ف اليوم ليه ؟ وبستعدى ازاى ؟ وعارفة روحيا ونفسيا بنحس بايه فى كل صلاة ؟ بتستشعرى معنى انك واقفة امام ربنا وهو شايفك وسامعك والملايكة شيفاكى ؟..واحيانا كتير اوى بيبقى السبب ف الشعور دا هو ذنوبنا
تم النشر الاثنين، ١٣ يناير ٢٠٢٥
محصلش اي فرق عامله زي الروبوت ال بيخلص ال الواجب يعمله وخلاص بحاول اشغل كل وقتي لكن برجع تاني لنفس الفكره بحاول اعمل اكتر وابذل جهد اكتر اجرب حاجات جديده لكن كلها ملهاش نتيجه
تم النشر الاثنين، ١٣ يناير ٢٠٢٥
هو دا سبب الى انتى حاسة بيه.. فكرى مع نفسك كدا لو حطيتى هدف لنفسك واشتغلتى عليه وبتخصصيله وقت معين وتوصليله فعلا هيكون شعورك اى.. الواحد مننا لازم يكون ليه هدف ف حياته احنا مخلوقين لهدف وعايشين حياتنا لهدف وبشتغل على عبادتنا عشان نوصل لهدف - الجنة -.. دا قانون ربانى ان كل شئ ليه هدف
تم النشر الاثنين، ١٣ يناير ٢٠٢٥
انا مش عارفه انا عايزه اي بس مفيش حاجه معينه
تم النشر الاثنين، ١٣ يناير ٢٠٢٥
ليكى اهداف ف حياتك ؟
تم النشر الاثنين، ١٣ يناير ٢٠٢٥
لعرض السؤال في فدني اضغط هنا