عندي فضول اشوف خطط مختلفة للتحويش من المرتب يعني لو حد عامل ميزانية للمصاريف اللي بتطلع منه و بيحوش كام ياريت يشارك خطته
بحاول اتعلم ازاي ااقدر أوفق حياتي مع مرتبي
طبعاً، يا صديق! في ناس كتير بتستخدم خطط مختلفة لتحويش الفلوس وتحسين أوضاعهم المالية. هشاركك بخطة بسيطة وشائعة ممكن تساعدك: حدد مصروفاتك الأساسية : احسب الفلوس اللي بتصرفها على الايجار، الأكل، المواصلات، الفواتير والمسائل الأساسية اليومية. حدد مبلغ للتحويش : قبل ما تصرف أي حاجة، حدد نسبة معينة من مرتبك عشان تكون للتحويش. مثلاً، لو أنت بتشيل 20% من مرتبك كل شهر، هتكون متاكد إن جزء من المبلغ بيزيد شهرياً في حسابك. قسم باقي المرتب : قسم باقي الفلوس حسب مصروفاتك اللي مش أساسية، زي الخروجات، اللبس أو أي حاجة تانية. تتبع مصروفاتك : استخدم تطبيق معين أو دفتر لتسجيل كل الفلوس اللي بتصرفها. ده هيساعدك تكون فكرة واضحة عن مصروفاتك ويمكنك من تعديلها لو لقيت إنك بتصرف كتير على حاجة معينة. قطع العادات السيئة : مثلاً لو بتحب القهوة كل يوم من كافيه معين، جرب تصنعها في البيت. الفلوس الصغيرة اللي بتتصرف هنا وهناك بتتجمع في الآخر. استثمر في نفسك : حاول تدخل كورسات أو تتعلم حاجات جديدة ممكن تحسن من فرصك للحصول على دخل أعلى. فيه ناس تانية ممكن تستخدم نظام الـ 50/30/20: 50% للمصروفات الأساسية. 30% للمصروفات الشخصية والترفيه. 20% للتحويش والاستثمار. الجدول ده هيكون دليل ابتدائي كويس ولو لقيت نفسك محتاج تغيره مع الوقت تبقى عرفت إزاي تتحكم في فلوسك بشكل أفضل. جرب النظام اللي يناسبك والأهم إنك تلتزم به وتخلي عندك شوية مرونة عشان الظروف الغير متوقعة.
تم النشر السبت، ١ يونيو ٢٠٢٤
احسن حاجة كانت انك تقسم المرتب ع كذا قسم .. وياريت تحطه ف شنطه كده وتقسم الشنطه لكذا قسم حتى لو الفواصل بورق يعنى وهنفرض مثلا مرتبك ٣٠٠٠ عشان تفهم التقسيمه بس مش اكتر ١- مبلغ للفواتير للكهربا والغاز والمية (وليكن ٧٠٠) ٢- طلع صدقة مهما كانت بسيطة اى مبلغ يطلع من ذمتك بالنية دي ويكون ثابت لكل شهر وانت ومقدرتك ومتبخلش وتقول ما انا بطلع الزكاة وده مهم جدا جدا جدا والله بركة مش عادية ومش كلام وخلاص ومن غيرها هتحس ان الفلوس بتطير فى اماكن مش عارف فين والتجربة خير دليل .(وليكن ٥٠ج) ٣-خلى فى مبلغ للتحويش (وليكن ٥٠٠ج) ٤- خلى فيه مبلغ صغير احتياطى لو اتزنقت ف مصاريف البيت العادية تاخد منه عشان متروحش ع المبلغ بتاع التحويش علطول (وليكن ٢٠٠ج) ٥- مصاريف الأكل والشرب(وليكن ١٥٠٠) ودي تتقسم ع ٤ خانات لاربع اسابيع وياريت تجيب ورقه وتتنيها زى المحفظه كده ..وهتكتب ع الورقه الاسبوع الاول ..الاسبوع التاني ..الاسبوع التالت ..الاسبوع الرابع وفى كل واحده هتحط ربع المبلغ المحدد للاكل والشرب (١٥٠٠÷٤= ٣٧٥)...والصرف يتحسب بالاسبوع يعنى وتعمل حسابك فى كذا حاجة ... •الاسبوع تحسبه من يوم ١ ل٧ وتراعي الشهور اللى ٣١ يوم • تعمل حساب فلوس اللحوم وتحسب هتاكل فى الاسبوع كام مرة • تعمل حساب الحاجات زى فواتير النت والتليفون الارضي •تعمل حساب الزيوت والصابون والمناديل بتاعت الشهر •ممنوع خالص تاخد من فلوس اسبوع لسه مجاش للاسبوع الحالى لو اتزنقت تاخد من المبلغ الاحتياطي ولو زنقت اكتر تاخد من التحويش لكن مش من الاسابيع الجاية حاول تراعي كل ده اثناء الصرف والاكل يتجاب اليوم بيومه عادى بلاش حكاية خزين الشهر والكلام ده من وجهي نظري كده احسن ..وطبعا كل واحد وحسب فلوسه ومصاريفه وعاوز يحوش قد ايه وعاوز يصرف ف ايه ممكن تكتر التقسيمات عادي انا قولت الحاجات الاساسية بس ... وادعي بالبركة كل لما تفتح الشنطة وربنا يباركلنا جميعا .
تم النشر الأحد، ٢ يونيو ٢٠٢٤
قسمه لتلاته، تلت في البنك، تلت مصاريف، تلت دلع نفسك
تم النشر السبت، ١ يونيو ٢٠٢٤
من النماذج اللى بشوفها بتخلى فى التزام فى موضوع الادخار هو الجمعيات اللى بيعملها الاشخاص مع بعض . نموذج تانى بيبقى قوى اوى وبيفرق فى الاستثمارات الكبيرة ...نظرية 40% - 60% ...تطلع الاساسيات الاول وبعدين تاخد ال60 فى الميه تحوشهم وال40 تاخدهم نفقاتك
تم النشر السبت، ١ يونيو ٢٠٢٤
ولزمن تعمل حساب لقدام ومتصرفش قوي مش بخل انما علشان متتزلش لغيرك وتستلف وتعرف مين الوحش والحلو الحلو مش هيفرق معاه الوحش هيقعد يطالبك وهوا اصلا معندوش ظروف
تم النشر السبت، ١ يونيو ٢٠٢٤
اولا بتحسب كل الي عليك والي هتصرفو والي مطلوب منك وتشوف قد ايه هيفيض من مرتبك الحوار مش كبير عايز صبر وتركيز وورقة وقلم
تم النشر السبت، ١ يونيو ٢٠٢٤
لعرض السؤال في فدني اضغط هنا