السلام عليكم ورحمه الله وبركاته
انا عموما شخص سلبي جدا او واقعي بعمل نفسي مكبره دماغي من كل حاجه بس حقيقي انا بكون مدايقه يعني كان نفسي في حاجه ومتحققتش ومن ساعتها وانا بجد حاسه اني منطفيه روحا وشكلنا كل يوم بحاول ابقي شخص متفائل بس بجد لسه مش متخيله أن اللي كنت بتمناه متحققش بفضل اعيط بقالي سنتين بجد كل يوم زي اول يوم
دلوقت انا قررت بجد اني عاوزه استغل كل وقت في السنه
اقرب اكتر من ربنا
احقق حاجات احس اني ناجحه فيها وبيها
اقرأ حاجات احاول تاني مفضلش واقعه مكاني
سوالي بجد أبدا ازاي منين ؟
اولا ابدائي بعلاقتك مع ربنا بالاتي صلاه قيام الليل الرضا التام بالقدر والمكان اللى ربنا اختره تتقربي باقصى حد من ربنا ثانيا ابدائي بتطوير ذاتك عن طريق قرائه الكتب نصا او استماعا تكوين علاقات جديده العمل على ما يناسب مهنتك لتتطوري عززي ثقتك بنفسك احيطي نفسك بالاشخاص الايجابيين ثلاثا بر الوالدين ارشح لكي كتاب قوه العادات السبع الاكثر فعالية + كيف تؤثر في الناس وتكسب الاخرين
تم النشر السبت، ٦ يناير ٢٠٢٤
ازعل شوية... الزعل شىء طبيعى . مش طول الوقت هنبقي فى حالة إيجابية.. ده لوحده هيفرغ من الشحنه اللى . متقلاك وهتلاقى نفسك قادر تقوم تنجز حاجات جديدة
تم النشر الجمعة، ٥ يناير ٢٠٢٤
بصى احنا بنحط الهدف علشان نحاول وصلنا يبقى دا خير لينا و دا الطريق اللى ربنا كاتبهولنا موصلناش يبقى دا مش طريقنا و مينفعش اننا نحس ان الرحلة وقفت هنا ، و فكلا الحالتين لازم نحط احتمال اننا ممكن نوصل و ممكن لا خلال السعى و نستمتع بيه ، و طبيعى بردوا فى حالة عدم الوصول اننا نكون متضايقين لان اكيد دا كان حلم و بنينا عليه احلام تانية بس بما انه ماتحققش فاكيد الخير مش هنا ف نحاول نغير اتجاهنا و نشوف حلم تانى بداله مرة و اتنين وتلاتة عادى المهم اننا منوقفش .. ( لو أدار الله سفينك جهة اليمين فتأذيت فاعلم بان فى اليسار كان موتك المحتم ) .. خدى قرارك مع نفس و اختارى حلم جديد و عافرى فيه .. ابدأى اقرى كتب و لو مش بتحبى اسمعى تسجيلات كتب و بلاش تبدأى بكتب تقيلة علشان متحسيش انك بتعملى نشاط تقيل عليكى .. ابدأى اهتمى بدينك و خدى فيه دورات .. و طبعا ك بنت اهتمى بنفسك اكتر دا هيحسن نفسيتك و هيفرق معاكى .. ابدأى العبى رياضة .. حطى هدف و عافرى فيه مع صحباتك كنوع من انواع التحفيز و المشاركة .. بس فوسط دا كله متجيش على نفسك جامد ( ابدأى واحدة واحدة مش كله مع بعض )بمعنى انك تسعى و ف نفس الوقت مش مضغوطة او جاية على راحتك لا استمتعى برحلتك لانك فالاخر لما توصلى مش هيكون فبالك فرحة الوصول زى ما هيكون محفور تفاصيل الرحلة و السعى و بالتوفيق ...
تم النشر الأربعاء، ٣ يناير ٢٠٢٤
وعليكم السلام ورحمة الله وبركاته .. ما هو تعريفك اولا للواقعية والسلبية؟ وما هو الشئ الذي لم يتحقق؟
تم النشر الثلاثاء، ٢ يناير ٢٠٢٤
اعملي تجارب جديدة اخرجي سافري اتعرفي على ناس جديدة ممكن تقرائ كتب في مجال شغلك مع روايات مختلفة
تم النشر الخميس، ٤ يناير ٢٠٢٤
ولو على الهوايه شوفى هيه ايه اكتر حاجه بتعمليه بكفائه عاليا وبأقل مجهود أو مجهوده بتحتبى تعمليه أو معندكيش مانع انك تعمليه ولو متعرفيش دورى
تم النشر الأربعاء، ٣ يناير ٢٠٢٤
السلام عليكم ورحمه الله وبركاته 1-شوفى احسن واول حاجه ممكن تبدئى بيه وهيه الرياضه مفيش اجمل من الرياضه بتدى دوبامين صحى وكمان بتحسن من صحتك وجسمك ومش شرط يكون جيم لانو بقى غالى دلوقتى بسبب الاكل فى رياضيات تانيه ياما وانا على المستوى الشخصى بحبه اكتر من الجيم زى البوكسينج أو الكونغ فو ومش شرط قتاليه فى رياضه زى الجرى ليها نوادى وبيبقى ليه اشتراك عشان تبقى فى نادى مع شباب زيك عندك الالعاب زى الكوره الطائره أو السله المهم اى رياضه يعنى 2-تانى حاجه عندك مهارات ياما اوى اوى ممكن تتعلمه بنفسك من اليوتيوب والقرصات المجانيه والكتب واحسن حاجه انصحك تبدئ فيه لانه حرفيا لغه العصر وهو انك تتعلمى انجليزى من استاذ ابراهيم عادل على ذا امريكان انجليش بشكل مجانى هو إعلان 30ثانيه قبل كل قرص وبتبدئ رحلتك التعليميه ومن ضمن المهارات إلى ممكن تتعلميه جنب الانجليزى 1-مهارات التعلم إلى هو تتعلم كيف تتعلم اصلا 2-مهارات إداره الماليات والثقافه الماليه 3- المهارات الناعمه أو المعروفه دلوقتى بsoft skills وعندك مهارات ياما اوى لو اتكلمت فيهم من هنا لبكره مش هخلص وكله موجوده على اليوتيوب وفى منصات ياما اوى ممكن تتعلمى منه بشكل مجانى أو حتى لو مبالغ بتبقى مبالغ بسيطه ومفيش احسن من انك تدفعى فلوسك فى قرصات أو علم احسن من تحويش الفلوس لأن قيمته مش ثابته وبتتغير كل يوم واحسن بردو من انك تصرفيه على اى حاجه ملهاش لازمه 3- لو عايزه تقراى كتب فأنا هقولك اهم الكتب الى قراته بالنسبالي وغيرتنى وممكن بردو تشوفى على اليوتيوب.........العادات الذريه .....فن التفكير الواضح......كيف تكسب الاصدقاء وتؤثر فى الناس.....الذكاء العاطفى 2.0......فن اللامبالاة.....إداره الأولويات الأهم أولا.......فن الكلام......اسرار قوه التفاوض......اغنى رجل فى بابل والاب الغنى والاب الفقير ....العادات السبع للناس الاكثر فعاليه..... بالمختصر العبى رياضه ..اتعلمى لغه مع استاذ ابراهيم عادل ....إقراى كتب ياما اوى .......اتمنى اكون فدتك
تم النشر الأربعاء، ٣ يناير ٢٠٢٤
ازاي اكتشفت هوايه بحبها ؟
تم النشر الأربعاء، ٣ يناير ٢٠٢٤
اقرا كتب كتير عن تطوير الذات أو شوف ڤيديوهات عنها وخد قرار بينك وبين نفسك إنك مفيش حاجه هتوقفك ف إنك تطور من نفسك واستغل وقتك في هوايه بتحبها
تم النشر الأربعاء، ٣ يناير ٢٠٢٤
لعرض السؤال في فدني اضغط هنا