انا بحب شخص جدا والراجل دا أكبر مني بكتير بحوالي ٢٠ سنه وهو بيعشقني بجنون وشبه صارحت بنت خالتي وقالتلي ان استحاله اهلك يوافقوا وهو كان فعلا جاي يتقدم وطلب مني كذا مره رقم بابا بس رفضت عشان كنت خايفه المهم صارحت اخويا ومن هنا اخويا بيكرهني جدا اللي هو ازاي تكلمي راجل غريب وحرفيا بيهددني بطريقه غير مباشره ويفكني ويحسسني اني بنت مش كويسه وخاينه انا تعبت بجد من اخويا ويحاول أقرب لكن هو مش عايز وكرهني بس بصراحه انا عايزه ارجع لشخص دا بجد هو وحشنى موت وببقي عايزه اخده في حضني من الاشتياق بجد والله قلبي وجعني عشانه بجد بحبه اوي وبفكر الف مره ارجعله هو هيفرح اوي عشان قالي لو عوزتي اي حاجه انا معاكي طالما وجودي هيسببلك مشاكل بجد هو مكانش بيقعد هو كان يتصل بيا ويطمن عليا وانا كنت بخاف واتعصب عليه اقوله اللي بينا انتهي وكان متمسك بيا بس خلاص راح مني السند والأمان
والله مش عارفه اعمل اي
السلام عليكم ورحمه الله وبركاته. انك بتحبي امم انا مش هناقشك في شعورك وهقول لك تمام انت عندك مشاعر هي مشاعر حب وانجذاب هل في علاقه ممكن تقوم ما بين اثنين فرق السن ما بينهم كبير اه ممكن ده حاجه بتحصل مش بعيد بس نتاكد ان فعلا فعلا اللي انت فيه هو علاقه انجذاب ممكن تكون علاقه زواج دي الحاجه اللي محتاجين نتاكد منها انت ذات نفسك قل والله هو راجل كبير كفايه ممكن يقنع اهلك وممكن موافقتك تخليهم يوافقوا دي واحده من الاحتمالاته ممكن تحصل وشوفي انت حابه تمشي انهي طريق ومشيت لكن ما تضحكيش عن نفسك.ت انك وانت اا بتتواصلي مع الشخص ده. وما بينكم كلام عاطفي وعاطفه شديده انت نفسك كنت بتيجي عند نقطه الجواز وتقولي لا ومش هينفع واهلك عمرهم ما هيوافقوا ولذلك وقفت الموضوع معنى كده ايه معنى كده انه الصوره مش كامله معنى كده ان انت نفسك من جواكي انا عارفه انك ما تقدريش على علاقه زواج الفرق ما بينك وما بين زوجك هيكون الفرق الكبير ده. لكن طبعا بسبب فوره المشاعر والفراشات والقلوب اللي بتطير حواليكي بتبقي مش قادره تعلي صوت افكارك اللي جوه وتخليها هي اللي تحكمك انت بس قلتي علشان بنت خالتي قالت لي ان اهلي عمرهم ما يوافقوا عشان اخويا مش عارفه ايه فانت مديه لنفسك اسباب من بره علشان تقولي لنفسك من جوه معلش يا مشاعري انا مضطره ان انا يعني ما امشيش معاكي لكن انت من جواك عارفه ان العلاقه دي ما تنفعش والا كنت حاولتي وقلتي ايه المشكله لما اتجوز الشخص ده؟ فده يخليني بقى. نسال سؤال انت ايه اللي خلاك تنجزي للشخص ده؟ هل عندك يعني مشكله في علاقتك مع باباكي هو باباك اصلا مش موجود يعني دي بتبقى من من الاسباب الكبيره جدا اللي بتخلي بنت ممكن تنجذب وتحب ويطلع لها مشاعر عاطفيه شديده تجاه حد اكبر منها بسنين كثيره جدا. وبسبب عدم الخبره بتكوني مش عارفه تفرقي ما بين انه دي مشاعر في الاساس منجذبه تجاه علاقه الابوه اكثر من علاقه الحبيب والزوج يعني. ولا تتواصلي مع الشخص. ولا يعني تستمعي لمشاعر الاشتياق اللي انت بتتكلمي عنها لانه مش هيوصلك ده لاي حاجه لانه انت مقدمتيش غير طريقين يا اما تحكمي افكارك وعقلك وتعرفي السبب الحقيقي في انجذابك الشخصي للشخص ده ايه وتعالج الموضوع ده جواكي وبتتعاملي معاه صح يا اما تقولي لنفسك لا انا بحب الشخص ده وانا احب ان هو يكون زوجي وتسيبيه يتقدم لك.
تم النشر السبت، ٢٧ يوليو ٢٠٢٤
لازم يجى يقابل والدك عشان الموضوع يتفتح ولما والدك ياخد رأيك قوليلوا انك عايزاه ولو سألك ليه قوليلوا ان شايفة فيه والوقار والاحترام وومكن والدك ساعتها يقتنع ولكن قبل كل ده صلى استخارة
تم النشر الأحد، ٤ أغسطس ٢٠٢٤
ممكن بيتهيأ لك انه بيحبك بس على فكره مش كل حب هيكون بالطريقة دي للاسف انتي بدأت بطريق الشيطان وربنا قال " ولا تتبعوا خطوات الشيطان " وبدايه الحب الحرام هلاك للنفس زي اللي انت فيه حاليا بتلاقي نفسك من التعلق تتعب نفسيتك طيب لي من الاول ما ربنا امرك بالاحسن فعشان كدا اعذري اخوك لانه معاه حق وغير غيرته وخوفه عليكي يعني انت مشكلتك بين نقيدين الحب الحرام بالمشاعر الفتاكه ونفسك المدمره واهلك اللي ربوك من صغرك ترضي عليهم انهم يتعذبوا ايوا هيتعذبوا بسببك فهل الحب اولى ولا اهلك يدخلوا النار بصي هقولك الموضوع مش مستاهل الدين ما حدد سن هو الراجل لو من نصيبك والله والله هتأخدي نصيبك لو الدنيا كلها اتصعبت هتتيسر ليكم بس... فلازم هو يجي يتقدم ويدخل من باب الحلال وتعاهدوا ربنا على التوبه لان لو من الحرام فهتفشل حتما حياتكم ومش هتثق فيه ولو هوا كمان فالزوج الصالح رحمه واخر الحب الحرام زواج بعد كدا العقل بيشتغل وكل واحد بيفكر تاني فلو اتجوزت على اساس اسلامي فهو اختارك عشان يحفظك وقيمتك غاليه انما على اساس شكل واعجاب وحب حرام فلا يدوم للاسف اللهم بلغت
تم النشر السبت، ٢٧ يوليو ٢٠٢٤
أختي، الوضع اللي أنت فيه صعب فعلاً، وفهمان مشاعرك بشكل كامل. الحب مش سهل، ولما يكون فيه ضغوط من الأهل أو الأخ، الأمور بتبقى أصعب. أول حاجة، بدي أسألك، هل أنت راضية عن العلاقة هذه بالرغم من كل العقبات؟ لازم تفكري إذا كان الجواز معاه هيكون مُرضي ليك ولا لا، خصوصاً إذا كان فيه فارق سن كبير وكل واحد منكم في مرحلة مختلفة من حياته. وبالنسبة لأخوك، واضح إنه خايف عليك ومش متقبل الفكرة، حاولي تكلمي معاه، تقولي له إنك تحبيه ومرتاحه معاه، ويمكن يكون عنده مخاوف مش حابب يعبر عنها. بس أهم حاجة، ركزي على نفسك وعلى مشاعرك. ممكن تكتبي مشاعرك في ورقة، تحاولي تفهمي أكتر عن إيه اللي تحبيه في الشخص ده وإيه الأسباب اللي تخليك تفكر في الرجوع له. وأخيرًا، حاولي تحسين من نفسك وتلاقين شغفك أو حاجة تاني تخليني تلهي نفسك فيها. مهم كمان تكوني قوية وجاهزة لأي تحدي. 👏❤️
تم النشر السبت، ٢٧ يوليو ٢٠٢٤
حبيبتي، ممكن تتواصلي مع حد من خبراء التطبيق... أنا للأسف مش خبيرة نفسية أو مرشدة فمش هقدر أفيدك في خطوات عملية تساعدك في التخلص من التعلق، يا دوب رديت على قد خبرتي... كوتش ياسمين ردت عليكِ وهي عندها خبرة تقدر تساعدك تقدري تتواصلي معها من صفحتها الشخصية، أو أي حد من الخبراء ممكن تتواصلي معهم من القائمة الجانبية للتطبيق، تدخلي صفحة الخبراء وتختاري تتواصلي مع أي حد منهم.... كل اللي أقدر أقوله لك إنك تعطي لنفسك الوقت وتشغلي نفسك بحاجات تانية مهمة في حياتك ومع الوقت هتنسي بإذن الله.
تم النشر الثلاثاء، ٣٠ يوليو ٢٠٢٤
ممكن رد انا محتاجاكي اوي اخد رأيك بالله
تم النشر الثلاثاء، ٣٠ يوليو ٢٠٢٤
بحاول والله انا عدي عل فراقه سنه وشويه ليه بفكر فيه وبيوحشني والسنه دي كانت أصعب سنه في حياتي وكنت بهون عل تفسي لما افتكره بجد انا تعبت من نفسي واني لما اتعلق بحد. صعب جدا انساه عشات انا والله مش بتعلق بحد غءر قليل جدا عشان انا شخص استغنائي
تم النشر الأحد، ٢٨ يوليو ٢٠٢٤
حبيبتي، بصي أنا أكبر منك بشوية حلوين كده فاعتبريها نصيحة من أخت كبيرة... المشاعر بتتغير ومش بعيد بعد فترة تكوني نسيت كل ده وتقابلي حد أفضل وتاخدي قرار تكملي حياتك معه... مش عاوزة أقول إن الشخص ده كان بيشتغلك والرجالة بتقول أي كلام عشان تشاغلي به البنات... بس عامة الحب مش كلام وخلاص والوعود دي عادي بتتنسي واللي بيقولها منهم بيتابع حياته عادي ويتجوز غير اللي كان بيقولها الكلام ده... فانسي خالص كل ده دلوقتي وركزي زي ما قلت لكِ في حياتك ونفسك هي أهم.
تم النشر السبت، ٢٧ يوليو ٢٠٢٤
هل لو اتجوزت ابقي خذلته
تم النشر السبت، ٢٧ يوليو ٢٠٢٤
بس بصراحه انا مش عايزه اتجوز عشان هو كان بيقول ان هو مش هيتجوز وبيدعي ربنا ان هو يدخل الجنه وابقي انا الحوريه بتاعته
تم النشر السبت، ٢٧ يوليو ٢٠٢٤
متفكريش كده... انتي لسه صغيرة وصدقيني المشاعر بتتغير مع الوقت وإن شاء الله هتلاقي اللي يستحقك وتستحقيه... قربي من ربنا أكثر وعيشي حياتك وثقي في نفسك أكتر، إن شاء الله هتلاقي الخير.
تم النشر السبت، ٢٧ يوليو ٢٠٢٤
بصي انا اقدر استغني جدا عن الشخص اللي بحبه بس زعلانه اني خسرته عشان متأكده مش عارفه ليه أن مفيش حد هيحبني غيره هو خاصة انا مش بثق ابدا اني اتحب في يوم من الايام بس عشان اخويا وأهلي كانوا يقولي مين هيسحمل واحده زيك وانك مريضه محدش هيتقبلك
تم النشر السبت، ٢٧ يوليو ٢٠٢٤
خلاص زي ما قلت لكِ، متتكلميش معه في حاجة تاني وركزي في الأهم في حياتك وهو ممكن يتغير مع الوقت أو لما يلاقيك اتغيرت ينسى الموضوع... ركزي في حياتك... واستني كمان ردود باقي الخبراء هم عندهم خبرة أكتر مني وممكن يعطوك حلول أفيد تساعدك مع أخوك.
تم النشر السبت، ٢٧ يوليو ٢٠٢٤
مش مديني فرصه اتكلم حتي ولو عملت اي حاجه غلط بيفضل يفكرني باللي عملته بردو بطريقه غير مباشره وفي مره قالي انتي المفروض تتجوزي واحد انا اللي مختارهولك عشان تتعلمي الادب
تم النشر السبت، ٢٧ يوليو ٢٠٢٤
خلاص خدي جنب انتي كمان لفترة وركزي في دراستك وحياتك واعتبري انك بتفتحي صفحة جديدة... بلاش تركزي مع المشكلة سواء مع أخوك ولا الشخص اللي انتي متعلقة به... اقعدي مع نفسك وفكري في حياتك نفسها وانك تستحقي تكوني في حالة أفضل وتنجحي... إن شاء الله هتقدري تخرجي من الأزمة دي... ربنا يكتب لك الخير دايمًا ويرضيك به.
تم النشر السبت، ٢٧ يوليو ٢٠٢٤
انتي مش متخيله اني من كام اتصلت بيه عشان اطمن عليه واتكلم معايا بكل برود وكل شويه اسأله عامل طمني عليك عامل اي في الكليه ومسألة عليا ولا قالي عامله اي قفلت معاه وكنت هموت من العياط
تم النشر السبت، ٢٧ يوليو ٢٠٢٤
كلميه وصارحيه بكلامك ده وإنك لما حكيتي له كنتِ واثقة فيه وعشان بتحبيه محبتيش تخبي عنه حاجة وكنت فاكراه هيقف جنبك... ربنا يهديه.
تم النشر السبت، ٢٧ يوليو ٢٠٢٤
ليه يفضل يهددني قدام اهلي بطريقه مباشره وبفضل طول الوقت خايفه منه ليه يعمل كدا معايا بجد ليه انا بنا بحب اخويا جدا بس بعد ماحكتله وهو اتغير جدا معايا
تم النشر السبت، ٢٧ يوليو ٢٠٢٤
الموضوع دا بقالو سنه واكتر ليه يعني يعاملني كدا هو اصلا مرتبط بواحده وعادي اشمعنا يعني
تم النشر السبت، ٢٧ يوليو ٢٠٢٤
معلش أخوك هياخد وقت، جايز هو مصدوم ومتوقعش يسمع منك ده... اديه وقت وحاولي تقربي منه وتتفاهمي معه لما يكون هادئ وإن شاء الله خير.
تم النشر السبت، ٢٧ يوليو ٢٠٢٤
عارفه كل الكلام دا وانا واثقه ان اهلي مش هيوافقوا اصلا واخويا بجد انا ندمانه اني صارحتله واتكلم معاه
تم النشر السبت، ٢٧ يوليو ٢٠٢٤
بصي هو إن شاء الله الخبراء يفيدوكِ بردود تفيدك أكتر لكن أنا شايفة إنه ما دام طلب يتقدم فأنتِ تعرفي والدك إن فيه شخص متقدم لك وهو يسأل عليه ويطمن إذا كان مناسب ولا لأ ولما يعرف ظروفه وسنه والدك هيتناقش معك إذا كان رافض أو لا... بس لازم تعرفي إن فرق السن ممكن يسبب مشاكل بعدين ومش الكل بيقدر يتعايش مع فرق السن واختلاف الأجيال والأفكار... وخصوصا إنك نفسك سنك صغير وممكن تكوني متعلقة به عشان أول حب لكن مشاعرك احتمال كبير تتغير بعد كده... فكري كتير في الموضوع واعذري أخوكِ لأنه خايف عليك.
تم النشر السبت، ٢٧ يوليو ٢٠٢٤
هو اتعرف عليا وطلب مني مساعده المهم ساعدته وبعدها طلب يتقدملي وحبني وطلب رقم بابا
تم النشر السبت، ٢٧ يوليو ٢٠٢٤
لسه صغيرة، مذكرتيش في مشكلتك تعرفتِ عليه إزاي؟
تم النشر السبت، ٢٧ يوليو ٢٠٢٤
١٨ سنه
تم النشر السبت، ٢٧ يوليو ٢٠٢٤
كم عمرك أصلا؟
تم النشر السبت، ٢٧ يوليو ٢٠٢٤
لعرض السؤال في فدني اضغط هنا