اعمل ايه لو رغبتى فى الموت بتزيد يوم عن يوم
مبقتش عايزه اعيش اصلا
تعبت وانهكت من كل حاجه
عايشه ليه ...ده سؤال ليه اجابة عامه لينا كلنا زى بعض واجابة خاصة ليكى انتى .. الإجابة العامة انا عارفه انك مش هتعرفى تتعاملى على اساسها دلوقتى. الاجابة الخاصة هى المشكلة ...انها مجهولة مش معروفه خالص ليكى حاليا. سبب تانى للانهاك والتعب و تخيل ان الموت هو الحل ...هو انك متخيلة ان فى وضع مريح 100% او ان فى حاجة هتحصل بدون بذل مجهود او مقابل او ان فى حياه بدون مواقف وحشه واحاسيس سيئة. تعملى ايه بقي ...اولا تتعافى من كل المواقف الوحشة اللى شايلاها جواكى وحاسه ان الحياه انتهت عندها. ثانيا تبدأى تدورى على السبب العام اللى احنا عايشين ليه كلنا وتتأكدى انك محققاه. ثالثا هتبدأى تختارى ع الاقل حاجة واحده تبقي هى دى اللى انتى ليكى رغبة تعيشي عشان تشتغلى عليها عشان لما يجى الموت فى ميعادة المكتوب يكون عندك اثر جميل ويكون عندك حاجة تقول ان حياتك كانت فيها مجهود.
تم النشر الأربعاء، ٢٨ يونيو ٢٠٢٣
1 أنا ليه عايشه ؟ للسؤال ده إجابات كتير منها الدينية و الدنيوية و منها فروع بيحددها الشخص لنفسوا علشان يعرف يمشى فى طريقوا الفرق بينهم فى الشخص اللي بيختارهم اللي بيختار الاجابه الدينية فهو متعلق بالدين و اللي للأسف بيختار الاجابه الدنيوية فهو للأسف متعلق بالدنيا و اللي بيختار الفروع فهو فى الوسط الإجابة الدينية (أنت عايش علشان العبادة ) الإجابة الدنيوية( أنت عايش علشان تعيش الدنيا بما فيها للمرح و الفرح فقط) أما إجابة الفروع فده زي مقولت بتختلف من شخص للتاني كل اللي عليكي تختاري إجابة اللي تعجبك و تقتنعي بيها و الأفضل لو كانت الإجابة الدينية لأنها الصح و الأصح 2 ليه رغبتي فى الموت بتزيد؟ لأنك سبتي الفكره تكبر فى نفسك اكتر و اكتر سبتي نفسك للعين السلبية اللي مش شايفة حتى الجمال و الخير وسط البستان الاخضر أو لأنك للأسف بعيدة عن ربك و غيرها و غيرها من الأسباب اللي بيجمعهم كلهم حاجه واحده الفكره السلبية طول ما الفكره دي راسخة فى الدماغ طول ما هتفكري كده و يمكن اسوء من كده . وبس ديه الاجابه كامله و يمكن فى كلام برضوا أنا مقولتوش علشان ذات نفسك مش هتتقبليه . نصيحه متتعامليش مع الحياة على اكنها هدف و رغبة الحياة محتاجة حاجه أعمق من كده حلاوتها فى أنك تعشها صح و ترضى باللي عندك . وبس .
تم النشر الأربعاء، ٢٨ يونيو ٢٠٢٣
أختي العزيزة، أنا آسفة جدا لسماع ذلك. لا تيأسي، فهناك دائما أمل. هناك بعض الأشياء التي يمكنك فعلها: • تحدثي إلى أحد ممن تثقين بهم حول مشاعرك. قد يساعدك الحديث عن مشاعرك في الشعور بالارتياح. • اطلبي المساعدة من أخصائي نفسي. فهم متخصصون في مساعدة الأشخاص الذين يعانون من مشاعر مماثلة. • حاولي القيام بأنشطة تحبينها وتجلب لك السعادة كلما أمكن ذلك. القراءة، الرياضة، االاستماع إلى الموسيقى، زيارة الأصدقاء، إلخ. • تجنبي العزلة : حاولي الابتعاد عن العزلة الاجتماعية واحرصي على تواصلك مع الأشخاص المقربين. ابحثي عن فرص للمشاركة في الأنشطة تذكري أن هذه المشاعر مؤقتة وستزول. حتى أحلك الأوقات لا تدوم إلى الأبد.
تم النشر الأربعاء، ٢٨ يونيو ٢٠٢٣
اكيد كنتي قبل كل المشاكل اللي انتي فيها حاليا واللي سببها الاساسي خلاكي تفقدي رغبتك في الحياة، اكيد كنتي قبلها عندك رغبة في العيش، وعايزة تكوني موجودة. ايه هي الاسباب اللي فقدتي رغبة انك تعيشي؟ لاننا لو عالجنا السبب الاساسي هيكون سهل علينا الباقي.
تم النشر الجمعة، ٣٠ يونيو ٢٠٢٣
فعلا الدنيا متعبه بس ربنا مش جبنا فيها علشان ننهيها بمزاجنا احنا اصلا مش جينا فيها بمزاجنا يعنى ملناش حق اننا نمشى منها وقت ما نحب وربنا مش بيشيلنا غير اللى نقدر نشيله انا مؤمنه ان كل واحد ليه شيله مخلوق علشان يشلها اه هنتعب وهنتوجع بس على قد الوجع هتحصدى قوه ولازم تكونى واثقه ان فى حد معاكى وفى دهرك بابه مفتوح ليكى وقت ماتتعبى اترمى فى حضنه هيقويقى وترجعى اقوى من الاول فكملى بكل امل وحب وقوة
تم النشر الخميس، ٢٩ يونيو ٢٠٢٣
الاتنين
تم النشر الأربعاء، ٢٨ يونيو ٢٠٢٣
بالظبط
تم النشر الأربعاء، ٢٨ يونيو ٢٠٢٣
ثالثا بقا لو محتاجه اى مساعده او تتكلمى انا موجوده ...ربنا يعينك وييسرلك الحال
تم النشر الأربعاء، ٢٨ يونيو ٢٠٢٣
اهدى واستعينى بربنا واقعدى اتكلمى حتى لو مع نفسك مشكلتى ايه والمفروض اعمل ايه عشان المشكله تنتهى وابداى الحل واحده واحده ...شوفى حد بتحبيه احكيله هيخفف عنك واولا ثم ثانيا لحد عاشرا صلى واقرأى قرآن واوصيكى بسورة البقره معجزهههههه سبحان الله
تم النشر الأربعاء، ٢٨ يونيو ٢٠٢٣
كل حاجه ربنا كاتبها من قبل ما تتولدى والاكيد إن ربنا مش عاوزك تشقى ولا تحزنى ..ربنا عايزك تلجأيله وتتكلمى معاه وتفهمى الحكمه من اللى حصل وتتجورى للافضل...ممكن ربنا مخبيلك خير كبير قدام ولازم تتعلمى حاجه عشان تقدرى تستغلى الخير ده صح من الاخر اوعى تفكرى فى الانتحار لان دى وساوس شيطان مش اكتر
تم النشر الأربعاء، ٢٨ يونيو ٢٠٢٣
طب أنت هنا سألتي سؤالين الأول أنتي عايشه ليه و التاني ليه رغبتي فى الموت بتزيد اجاوبك على أنهي ؟
تم النشر الأربعاء، ٢٨ يونيو ٢٠٢٣
لعرض السؤال في فدني اضغط هنا