السلام عليكم ورحمه الله وبركاته يعني دي دي حاجه جميله دي مش مشكله المشكله مش انك بتحبيهم المشكله ان انت مش بتعرفي تعبري لهم. خلينا نشوف النقطه دي مهمه جدا هي بتبقى غصبا عن ظروف البيت كلها انه ما حدش عود الولاد في البيت يعني انتوا اكيد ما تعودتوش في البيت ان انتوا تعبروا لبعض عن الحب بطريقه معينه فكل واحد طبعا بيستخدم طريقته ممكن انت طريقتك انك تعبري بالكلام بس لانك مش شايفه في البيت انهم بيعبروا بالكلام فمش قادره تستخدمي معاهم نفس الطريقه لان هم ما بيستخدموهاش او ممكن هم يكونوا الطريقه دي بيوقفوا قدامها مستغربين مثلا فايا كان اختلاف الطرق ولكن انت محتاجه تكوني بشخصيتك فدلوقتي انت بتحبي تعبري بالكلام مثلا فبتحبي تقولي يا ماما انا بحبك طب علشان ازق الموضوع اعمل ايه انا ممكن ابقى في وسط الكلام كده، ماما انت عارفه انت عارفه ان انا عملت الموقف ده عشان انا بحبك، عادي جدا ممكن بقى وانا ايه وانا متعصبه عادي جدا متعصب قاصده، ده هيبقى ايه هيبقى تدريب بيبدأ يفك الجليد كده يعني يفك بقى الموضوع وتبقى ماما سمعت مني فعلا كلمه ان انا بحبها حتى لو في وسط موقف مش لطيف بعد كده بالتدريج هبدا يبقى عادي بالنسبه لي ان انا اطلع على لساني كلمه انا بحبك يا ماما او انت غاليه عندي يا ماما او انا مستغناش عنك انا جاية اسالك عشان خاطر انا ما بستغناش عنك لازم اطلع الكلمات دي في المواقف المختلفه لحد ما اتعود عليها وبعد كده يبقى ايه بابتسامه وانا رايحه صباح الخير يا ماما يا حبيبتي مثلا يعني. ثاني حاجه لو دي مش طريقتك فالطريقه اللي هي بتناسب الاشخاص اللي قدامنا دي بتكون احسن طريقه فدلوقتي ماما ايه اكثر حاجه بتحبها او ايه اكتر حاجه ماما بتقعد بقى تقول لنا ياه ده كويس ده انا يعني مبسوطه قوي ان انتوا عملتوا كده ان مثلا لما بنساعدها او لما بنجيب لها هديه حتى ولو بسيطه بدون مناسبه اشوف هي ماما بيوصل لها المشاعر وبيوصل لها الحب ازاي لما بشوف هي بيوصل لها ده ازاي الموضوع يبقى اسهل كتير. فانا مش محتاجه أدوخ نفسي هي ماما بتحب تحب لما حد بس خلاص انا لما احب اقول لماما انا بحبك انا اخش اساعدها في المطبخ انا لما احب اقول لبابا انا بحبك وانت مهم عندي قوي هاعمل له الكيكه اللي هو بيحبها بص انا عملت دي لك وممكن من غير ما اقول حاجه يعني ممكن من غير ما اقول اي حاجه وانا بقدم له الكيكه وهو يعرف ان انا باقول له ان انا بحبه لان هو بالنسبه له اللي بيعمل لك كيكه اللي انا بحبها يبقى هو بيحبني فهو هيستقبل اللي انت بتقوليه فحاولي كده تجربي تعملي الحاجات دي وان شاء الله همم تبقوا زي الفل مع بعض كلكم.
تم النشر السبت، ٢٢ مارس ٢٠٢٥
المشكله اني فيه حاجات كتير معرفتش اعبر عنها وانا صغيرة فكنت بطلعها ف الصوت العالي والاعتراض ع اي حاجه والتمرد لأن مفيش حد بيسمع محدش بيفهم انك عندك مشاكل نفسيه محتاجة تتعالج
تم النشر الجمعة، ٢١ مارس ٢٠٢٥
المشكله ان والدي من وانا صغيرة وهو دائما عصبي وبيزعق ودايما يقولي انا مكنتش عايز ولاد تاني انتي جيتي غلطة لأن احنا كتير طب انا ذنبي ايه اني جيت الدنيا فللأسف عمري محسيت أن عندي اب يحتويني زي صحابي ودائما بيقارني بغيري إلى هما اصلا اهلهم دايما ف ضهرهم وبيشجغوهم وبيتكلموا معاهم علشان كدا كنت بدور ع الاحتواء بره من اي حد ودا ضرني جدا جدا جدا 💔
تم النشر الجمعة، ٢١ مارس ٢٠٢٥
لعرض الإجابة في فدني اضغط هنا