كل ما بدخل علاقه حب بتفشل وبحس ان اختياراتي غلط وبيكونو ناس نقصه واحد عاوز انسانه متكامله واتاني عاوز انسانه جميله جدا والتالت عاوز انسان لزقه ومعندهاش كرامه وبالاخر ببعد عشن بحس ان اختياراتي زفت وحاليا انا مخطوبه ولكن خطيبي اكبر مني ب 10سنين وناس كتير قلتلي مينفعش تكملي معاخ دا شبه ابوكي وكلام من دا وانا مش عارفه احبه مش عارفه الاقي منه اهتمام ولا حب من اللي محتاجاه وهو معقد اوي وخانقني وبس بيحبني مش عارفه اعمل اي 🙂ومن ساعه متخكبت حالي اتقلب واتغيرت للاسوء وفقدت الشغف ومش عارفه اذاكر ودماغي بقت مصدعه وكرهت نفسي مش عارفه انا غلط اني اتخطبت ونا بدرس ونا كمان بدرس وشهاده والخطوبه اثرت عليا اوي وكمان دخلت برنامج دردشه صوتيه وكرهت العالم بجد وبحس ان كل الرجاله خاينه بسبب اللي شفته فيه وقفلت البرنامج بس افكاري ان يكون ناس فحياتها حد وعلى الفون حد تاني بحس بنقص وبخاف اوي واخاف اكتر لو اتجوزت خطيبي وحسيت باحتياج واهتمام واخاف احب حد تاني وابقى زي الناس اللي بستحقرها على السوشيال اعمل اي
العلاقات تبني علي ثلات قواعد هي الموده والاحترام والتفاهم ، والثلاثه عباره عن سلوك وليس مشاعر فقط ، لان المشاعر متغيره . الناس مش زي بعضها وزي ما في ناس خيرها غالب شرها في العكس . عند اختيارك لشريك حياتك محتاج توازني بين العقل والعاطفه وتحددي احتياجاتك اولا . ولكن انت في فتره أولوياتك مختلفه من دراسه وارتباط ، قدرتي توفقي بينهم تمام ولكن فكري مع نفسك جيدا في النقاط السابقه لاتخاذ القرار المناسب وربنا يوفقك يارب في الخير والأصلح .
تم النشر الخميس، ١٦ مايو ٢٠٢٤
عشان تعرفي شريك حياتك وصفاته لازم تعرفي نفسك الاول وتعرفي شخصيتك بتحبي ايه وبتكره ايه وايه حاجات اللي ممكن تضايقك وصفات الاساسية اللي محتاجها في شريك حياتك وصفات دي تكون مبنية علي الواقع
تم النشر الخميس، ١٦ مايو ٢٠٢٤
عزيزتي، أولاً انظري إلى نفسك بإيجابية واحترام، وعرفي قيمك وما تريدين من الحياة والعلاقات. من الواضح أنك تعانين من الكثير من التوتر والارتباك بسبب مشاكلك العاطفية. عندما تدخلين في علاقة حب، يجب عليك أن تحترمي ذاتك أولاً وتكوني على يقين من أن الشخص الذي تختارينه يحترمك ويقدرك. من الضروري أن تكوني واثقة من نفسك ومن قراراتك، حتى وإن كانت هذه القرارات تتطلب منك الاعتراف بالأخطاء واتخاذ القرارات الصحيحة. بالنسبة لخطيبك الذي هو أكبر منك بسنوات، من المهم أن تركزي على العلاقة نفسها بدلاً من الفوارق في العمر. تحاولي التواصل المفتوح مع خطيبك وتوضيح مشاعرك واحتياجاتك من العلاقة. إن كنت تشعرين بالاختناق أو بعدم الاهتمام، يمكنك التفكير في الحلول المناسبة وربما البحث عن المساعدة المناسبة مثل الاستشارة الزوجية. بالنسبة للدراسة والشهادة والشعور بالضغط والكره للذات، حاولي أن تأخذي قسطاً من الوقت للعناية بنفسك وتحسين روحك. قد يساعدك إيجاد وقت للممارسة الرياضية أو القراءة أو الاسترخاء وحتى التأمل على التخفيف من تلك المشاعر السلبية. لا تخافي من الانتقادات والشكوك التي قد تواجهينها من الآخرين، فأنت من تعيشين حياتك وتعرفين أفضل ما يناسبك. تذكري دائمًا أنك تستحقين الحب والسعادة والاحترام في علاقتك وفي حياتك بشكل عام. دعيني أساعدك في التغلب على تلك المشكلات والتوترات، هل تريدين التحدث أكثر عن ذلك؟
تم النشر الخميس، ١٦ مايو ٢٠٢٤
معاكي حق وانا لسه غير مؤهله اني اتحمل مسئوليه
تم النشر الأحد، ١٩ مايو ٢٠٢٤
لو مش عارفة تحبيه يبقي مكنش ينفع تتخطبيله يبقي اكيد متكمليش عشان لاتظلميه معاكي ولا تظلمي نفسك وخدي فترة نقاهة ودوري ع شغل اشتغلي ع نفسك انسي الي فات كله بحاجه تعمليها وتنجحي فيها ولما تكوني مهيئة انك تحبي وتتخطبي ابدأي فكري ودوري
تم النشر الأحد، ١٩ مايو ٢٠٢٤
عفوا
تم النشر الخميس، ١٦ مايو ٢٠٢٤
شكرا جدا
تم النشر الخميس، ١٦ مايو ٢٠٢٤
كل الناس اللي شافت تطبيقات الدردشة اتصدمت و لكن مش معني كدا ان كل الناس اخلاقها متدنية و عموما انا لا استطيع الإجابة الا عن هذه النقطة تطبيقات الدردشة تعكس الجانب الاخر من البشر و تجمع المرضي النفسي و الأشخاص السلبين و ذي ما نقول كدا مجتمع الدردشة كله مجتمع توكسيك و لا يحبو ابدا اننا نبيقي فيه او نرتبط رسميا بناس ليها نشاط عليه خلي بالكم و ربنا يكتبلك الخير ٥
تم النشر الخميس، ١٦ مايو ٢٠٢٤
المفروض حاليا تهتمي بدراستك انتي لسه صغيرة ليه تضيعي نفسك من دلوقتي ف الجواز والمسؤوليات دي كل ما تنضجي كل ما تفكيرك يتغير للاحسن افضل ليكي تعيشي من غير زواج ولا انك تعيشي تعيسه بقيت عمرك ونصيحه اعملي الىيريح قلبك وضميرك وربنا يوفقك ال من يحبه ويرضاه
تم النشر الخميس، ١٦ مايو ٢٠٢٤
والله المفروض تخلصي جامعه مش بس الشهاده تشتغلي بعديها تفكري في الجواز والكلام ده لان لو خانك ولا باعت حتى يبقى في شي تتسندي عليه
تم النشر الخميس، ١٦ مايو ٢٠٢٤
لعرض السؤال في فدني اضغط هنا