السلام عليكم ورحمه الله وبركاته ممكن حد من المتخصصين يساعدني او اي حد يقدر يفدني بحاجة وشكرا مقدما انا في مذكراتي كنت تمام طول سنه وكنت بعرف اقعد على الكتاب وبكون مركز بساعات بس الفتره دي مبقتش اعرف اركز وطول الوقت دماغي شاغله وبتفكر وبفتكر وانا بذكر مثلاا حجات مضايقني ويمكن بقيت صعب اركز اخدت اوميجا وبردو نفس الحكاية مفيش تركيز ومستقبلي متوقف على شهر ده وكمان عندي مشكله كمان بقيت بنام كتير الأيام دي وبقيت بكون عايز انام
دي حالة عامة بيدخل فيها اغلب الطلاب خاصة المجتهدين اللي أظنك منهم....فحاول بقدر الإمكان تبعد عنك آي مشتتات وأنت بتذاكر...والسنة مبنية على مذاكرة السنة كلها مش شهر واحد ربنا يوفقك
تم النشر الأحد، ٣٠ يونيو ٢٠٢٤
أول حاجه حاول تقرب من ربنا دي دايما بتبقي حاجه اساسيه بالذات الاوقات دي وادعي وممكن تاخد راحه وتكمل عشان ميبقاش في ضغط حط هدف قدامك وابعد عن أي حاجه بتشتت تركيزك اذا كان صحاب او موبايل او تلفزيون الفتره دي بس وممكن تنظم وقتك مثلا أعمل جدول أو حدد وقت مناسب وافتكر ثقة أهلك فيك واوعي توتر إفتكر عادي إنها سنه زي أي سنه وامتحناتها كذلك هي اه هتحدد مستقبلك بس نفس الحاجات والمنهج الي بتاخده من وأنت صغير وافتكر إن دي آخر مره هتحس بالضغط ده والتعب ده ريح نفسك بعد كدا جامعه يعني عالم تآني حاول بس متشتتش نفسك وصلي وادعي وربنا معاكم
تم النشر الأحد، ٣٠ يونيو ٢٠٢٤
وعليكم السلام ورحمة الله وبركاته، كيف حالك؟ اسمع، أنا فاهمة تمامًا قلق الثانويّة العامة وتأثيرها على حياتك اليومية. هحاول اديك شوية نصايح يمكن تساعدك. تنظيم الوقت : جرب تحضر جدول مذاكرة بسيط ومنظّم، القليل من الوقت من غير ضغط بيكون مفيد أكتر. راحات قصيرة : بعد كل درس أو ساعة مذاكرة خُد راحة قصيرة، امشي في البيت، اعمل شاي، أو اعمل أي نشاط تحبه لمدة 10 دقايق. تنظيم النوم : النوم بوقت ثابت ولفترة كافية بيفرق في التركيز. حاول تنام وتصحى في نفس الوقت كل يوم. تفريغ الأفكار : لو حاجات مضايقاك أو بتفكر فيها كتير، جرب تكتبها في ورقة قبل المذاكرة. كده هتقدر تفرغ دماغك وترتاح شوية. بيئة المذاكرة : اختار مكان هاديء بعيد عن أي إزعاج. حاول يكون فيه إضاءة كافية وكرسي مريح. التغذية السليمة : الأكل الصحي بيفرق برضه! الفواكه، الخضراوات، والمكسرات زي عين الجمل مفيدة للتركيز. الرياضة : حتى لو نص ساعة مشي في اليوم، هيبقى ليه تأثير إيجابي كبير على تفكيرك وتركيزك. جرب تعمل التعديلات دي، وبإذن الله تشوف فرق. وأهدي نفسك بالبداية، الأمور هتمشي على مايرام إن شاء الله. موفق!
تم النشر الأحد، ٣٠ يونيو ٢٠٢٤
لعرض السؤال في فدني اضغط هنا