بصي هو كدا كدا ربنا خلقنا مسخرين لبعض مستحيل هتقدري تستغني عن الناس بشكل كلي ربنا قال ( وَهُوَ الَّذِي جَعَلَكُمْ خَلَائِفَ الْأَرْضِ وَرَفَعَ بَعْضَكُمْ فَوْقَ بَعْضٍ دَرَجَاتٍ لِّيَبْلُوَكُمْ فِي مَا آتَاكُمْ ) صدق الله العظيم لكن علشان توصلي لمرحلة الاستقلالية والاكتفاء الذاتي فيه مجموعه نقاط لازم تبقي موجودة زي مثلا ١. الثقة بالنفس افهمي مشاعرك واحتياجاتك كويس هاتي ورقة وقلم ودي أنا عملتها بجد ( واكتبي فيها كل الحاجات اللي مش عاجباكي في نفسك ومحتاجة انك تشتغلي عليها وتغيريها للأفضل سواء جسديا بقي نفسيا او في الجانب الديني أو الثقافي اي حاجة محتاجة تتغير فيكي ) ابدأي حطي خطط تقدري تنفيذها دلوقتي في اللحظة الحالية علشان تعملي تغيير في الحاجة اللي مضيقاكي دي حتي لو تغيير صغير مع الوقت والممارسة هتحسي بالفرق دا ممكن تكافئ نفسك علي الانجازات البسيطة في حياتك وتشجيعها اسمعي بودكاست كتير لناس ملهمه ومؤثرة في الشئ اللي عايزه تتطوري من نفسك فيه الخطوة دي هتفرق جدا في مستوي وعيك وثقافتك العامة حاوطي نفسك بناس عندها نفس اهتماماتك وابعدي عن الناس السلبية اللي معندهاش هدف محدد في حياتها علشان متعملش ليكي تشتت وصاحبي ناس شبهك فعلا متلجأيش لاي صداقة وخلاص علشان تملي فراغ أو احتياج عاطفي عندك .
هحاول حاضر
تم النشر الأربعاء، ١٩ مارس ٢٠٢٥
لعرض الإجابة في فدني اضغط هنا