هل اوافق على عريس كان متزوجًا ولديه بنات من زواجه السابق؟

Question

السلام عليكم انا عندي 20 سنة سنجل تقدم لي عريس كان متجوز وعنده بنات بس هم عند ماتهم ممكن احد يساعدني

Accepted Answer

بصي هو طلاقه في حد ذاته مش مشكلة أو سبب للرفض النهائي، رغم إن أحيانًا بيكون سبب للتردد خاصة إذا مش متأكدة هل فيه احتمالية رجوع للطرف الأول خصوصا في وجود أطفال بينهم. فيه تفاصيل تانية المفروض تحددي من خلالها كمان، دينه وأخلاقه عاملين إيه؟ فرق العمر ما بينكم؟ هل هو أكبر منك بكتير؟ التوافق الاجتماعي والمادي والعلمي بينكم؟ انتِ لسه 20 سنة... هل بتدرسي؟ هل إذا وافقتِ على خطبة هتتزوجي مباشرة؟ الأشخاص اللي كانوا متزوجين من قبل عادة مش بيفضلوا الانتظار لخطبة طويلة. *** عامة، إذا كنتِ حاليًا معندكيش مشكلة في الزواج في سن صغير ومستعدة نفسيًا وعقليًا وفاهمة يعني إيه زواج ومسؤلية وبيت وأسرة فخلاص اقعدي معه. شوفي إذا فيه قبول وتوافق بينكم. ممكن تخلي والدك أو ناس بتثقوا فيهم يسألوا عنه وعن أسباب الطلاق وهل فيه احتمالية لرجوعه لزوجته الأولى وهكذا. وتصلي صلاة استخارة، لو فيه خير في الموضوع هيتيسر وإذا كان شر لك فهيبعد عنك.

Answer

انتي لسه عشرين سنه مش فاهمة انتي مستعجلة علي ايه وكمان ليه عاوزه تتجوزي راجل مطلق ازاي متأكده أن هو محترم عرفتي ازاي وانتي قعدتي مع طليقته شوفتي سبب الطلاق معظم الرجاله اللي بتطلق بيقولك هي السبب ومتتعاشرش هو عاوز يتجوز يتجوز واحده مطلقه يعني ايه الحاجه اللي تخليكي تستغني عن فكره انه متجوز قبل كده غني اوي وعنده منصب عالي راجل دين وأخلاقه عاليا طب لو هو فيه المواصفات دي ليه طليقته هتسيبه هو ليه الراجل المطلق ليه الحق انه يتجوز بنت بنوت والست المطلقة ماينفعش تتجوز راجل متجوزش قبل كده والدنيا كلها تتقلب

Answer

استخيري و شوفي لو ارتحتيله و لا لاء لان ممكن يبان من بره انه انسان كويس بس هو ممكن يكون غير كده و ممكن الاولاد اللي عند مامتهم يرجعوا ل والدهم عادي جدا لانه ابوهم ف مفيش احسن من الاستخارة ف ممكن بكون مناسب ليكي

هل اوافق على عريس كان متزوجًا ولديه بنات من زواجه السابق؟

اجتماعية

زواج

سؤال من احد أعضاء فدني

تم النشر الثلاثاء، ٢١ يناير ٢٠٢٥

3 إجابة

66 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك