كلما كبرت شعرت هذا الشعور باني نكره و لا استطيع تحقيق اي هدف من اهدافي و لا استطيع تغيير ذاتي و لماذا اخرون يحققون اهدافهم بسهولة وانا كما انا (محلك سر)
و كيف يكون عندي دافع. لتحقيق ما قد اصبح مستحيلا الان
اسأل نفسك الاول هل اهدافك دي واقعية و ممكن تتحقق فعلا ولا انت حاطك اهداف خيالية محتاجة بطل خارق عشان يحققها بعد ما تجاوب ع السؤال ده هات ورقة كبيرة فاضية و اعمل دائرة ف النص و اكتب فيها اسمك و طلع منها فروع و اكتب فيها الاهداف و بعدين طلع من كل هدف فروع تانية و اكاب فيهم ازاي تحقق الاهداف دي بمعني انا مثلا عايزة اتعلم رسم او انجلش او ادخل كلية بحبها او اشتغل ف مكان معين ف هطلع من فرع الرسم فروع فيها قنوات يوتيوب مثلا اتعلم منها و وقت معين كل يوم مثلا اتعلم اتدرب فيه علي الرسم و فرع فيه كورس رسم عايزة اخلصه و هاكذا معا باقي الفروع و خليك بتسعي و بتتوكل علي ربنا
تم النشر الأحد، ٢٣ أبريل ٢٠٢٣
لحد فترة معينة كان عندى الاحساس دا و بعدين لما دخلت حاجة بحبها عرفت ابءل المجهود و الاقى ثمرة لتعبى حبيت نفسى و حسيتنى لقيتها. دور و اسعى و بعدبن هتلاقى حتى لو دلوقتى لسه مفيش ملامح
تم النشر الأحد، ٢٣ أبريل ٢٠٢٣
في البداية مافيش حاجه اسمها مستحيل و انت مش نكره انت تايه انت حد برغم المشاكل و الضغوط و العمر اللي بيجري به لسه بيدور علي نفسه لسه حساس أنه مش لاقي ذاته و بيدور عليها دا في حد ذاته إنجاز انك لسه بتحاول و بتدور مش وقف محلك سر من غير محاولة النجاح مش في الوصل النجاح انك متفضليش مكانك و الدفع دائما موجود كل شخص انت شايف ان نجاح سهل لا هو مكنش سهل بالمره لكن انت شوفت نجاحه مكنتش شايف محاولات فشله انت كمان حاول و افشل و في مره هتنجح و افتكرت دائما انت عايز اي و بتحاول لي انت بتحاول عشان نفسك مش عشان حاجه مش عشان ماده و مش لأجل حد لا لاجلك انت لأجل ذاتك و دي اغالي من اي حاجه و اي حد اظن أن دا دفع كويس أن تفضل تحاول و تحذير أوعي تقول عن نفسك فاشل تاني لا انت نجاح مع ايقاف التنفيذ
تم النشر الأحد، ٢٣ أبريل ٢٠٢٣
أولًا، اريد أن اقول لك بان الأمر ليس بهذه الصعوبة و ليست هناك شيء مستحيل وانت تستطيع تحقيق اهدافك. لقد انتهيت من الكلام الذي تقوله لنفسك منذ سنة، فقد حان الوقت لتمحو هذه الأفكار السلبية وتبدأ بالتفكير بطريقة إيجابية. أول خطوة يجب عليك فعلها هي تحديد هدف واضح، و أنت تريد تحقيقه، ثم جدولة تحقيق هذا الهدف. و بدلاً من التفكير في الأشياء التي تراها صعبة، ابدأ العمل على الأشياء التي يأتيب يسهل تحقيقها أولاً. سوف تحتاج إلى دافع لتحقيق هذا الهدف، ويمكنك الحصول على الدافع عن طريق تحديد فوائد تحقيق هذا الهدف. فعلى سبيل المثال، إذا كان هدفك تحسين لياقتك البدنية، فإن الفوائد التي يمكن الحصول عليها هي صحة أفضل وشعور بالثقة بالنفس والتعرف على أشخاص جدد في صالة الجيم. أيضًا، عليك أن تحافظ على تفاؤلك وثقتك بنفسك، وعندما تواجه الصعاب، لا تستسلم وانظر إلى الأمام وابحث عن طريقة للتغلب عليها. تذكر دائمًا أن العمل الدؤوب والصبر هو ما ينجحك في تحقيق اهدافك. في النهاية، اذا كان هناك شيء تريد الحصول عليه بشغف و تصميم ، فانت تستطيع تحقيق ذلك باستمرارك في العمل نحوه وبدون الاستسلام لأفكارك السلبية.
تم النشر الأحد، ٢٣ أبريل ٢٠٢٣
هل تقصد ان السن بيعمل لك عائق، او ان كلما كبرت حسيت ان العمر بيتسرق او سنة من عمرك بتضيع منك! لو ده قصدك .. العمر مجرد رقم وانت اللي ب ايدك انك تعمل او متعملش! اما عن الدافع فهو برده ملكك ... انت الوحيد اللي بتملك الدافع، او اللي تعرفه ... يعني مثلا حد يكون عنده دافع مثلا انه يطلع عمره، ف يبتدي يشتغل ويحوش فلوس .. علشان يحقق اللي بيتمناه. كل واحد عنده حلم او احلام ومعاني عايش علشانها، انت عليك انك توجد الحلم ده، وطالما الحلم قابل للتحقق يبقى مفيش مستحيل. ومن شروط أي هدف في الحياة ..! ان هدفك يكون واقعي فعليا واقعي من جميع النواحي، يعني منقولش عايزين نعمل كذا .. وكذا ده يبقى خيال .. مستحيل انه يتحقق دلوقت؟ فأكيد مش هيتحقق. لازم كما الهدف ده يكون محدد يعني ايه محدد .. يعني منقولش انا عايزة اكون ناجح ( ده هدف عائم) لأ حددي انتي عايزة تعملي ايه بالظبط .. تنجحي في ايه؟ لازم كمان الهدف يكون قابل للقياس. يعني ايه قابل للقياس .. يعني له شئ يمكن قياسه .. عايزة انجح مثلاا السنة ديه بتقدير معين (شئ محدد وملزم بخطة تمكن قياسها) لازم كمان ان الهدف يكون محدد بزمن مينفعش ابدا الهدف بتاعك يكون عائم كده من غير اي موعد او ديدلاين ... لازم يكون محكوم بزمن محدد والحاجة المهمة جدا بقى ان لازم هدفك يكون على صلة وثيقة بما تفعله يعني ايه الكلام ده ؟ يعني انت عايز تعمل الحاجة ديه علشان هتساعدك ف انجاز شئ معين. عايز تاخد كورس الجرافيك علشان عايز تبدأ في ان تشتغل فيه. وهكذا ... يعني لازم تكون مرتبطة بشئ انت عاوزه فعليا، علشان تكمل فيه. اما بقى لو فيه مخاوف من دخول التجربة نفسها وانك تحاول في انجاز الهدف ده .. فالشئ ده بيعود لحاجات زي الثقة بالنفس، او خايف انك تفشل مثلا، فيه اهداف كثير في نفس الوقت .. وده عائق كبير ممكن يمنعك من انك تحقق اللي انت عاوزه، بتفقد صبرك بسرعة، مش عارف تثتسمر وقتك صح! كل ديه مهارات لازم تتعلمها علشان تعرف تحقق الهدف بتاعك صح
تم النشر الأحد، ٢٣ أبريل ٢٠٢٣
لعرض السؤال في فدني اضغط هنا