استشارة
لي أخ سرقتة الدنيا والصاحب على أصدقاء سوء وكان مقيم في محافظة بعيد عنا على أنه بيعمل بها وكان يجلس شهرين ٣ شهور على حسب وكان يرجع من السفر ما معه اي فلوس وامي عودته يرجع ياخد فلوس ويمشي وهو شاب وقتها فوق ٢٥ سنه
وهكذا لحد ما تزوج ولم ينصلح حاله من ناحية المسؤلية
ومع أصدقاء السوء اتعلم شرب البرشام ومن كتر الشرب بدء وقلة المال معه بدء يتجة إلى أنه يسرق علشان يجيب البرشام
وحاليا هو محبوس في قضية لمدة عام بخلاف قضية أخرى
ماذا اقدم له
هل من الطبيعي أسعى اني اجيب محامي ليه برغم أفعاله
وما هي طرق الإصلاح ليه
رجاء افيدونا
السلام عليكم ورحمة الله وبركاته شكرًا لحضرتك ع المشاركة احساس مؤلم جدا ان تكون في حيره من امرك بسبب الاهل في أمر كهذا ربنا يبارك لحضرتك طبعا بس تخيل نفسك مكانه تحب ان يتركك اخوك فالسجن بدون محامي ؟ طريقة الإصلاح الوحيده هي مساعدته علي التعافي من التعاطي او الادمان تبع درجته ولابد التعافي يكون بدافع شخصي من المتعاطي نفسه ممكن تعمل معاه اتفاق انك توكل محامي بقضيته بحيث يخرج علي مركز تأهيل ويكون لك اليد العليا في تعافيه ربنا يصرف عنه ويتم شفاه وتعافيه علي خيرويبصرك بالحق
تم النشر الاثنين، ٢٥ سبتمبر ٢٠٢٣
اكيد لازم تعملي اللي عليكي اتجاهه، اسعي انك تجيبي له محامي + اسعي انك تخليه شخص احسن من قبل من ناحيه الادمان او غيره. واللي حصل ده ناتج طبيعي ل اللي مشي فيه، ف حاولي تفهميه ان ده ناتج ل اي حد بيسلك الطرق الخاطئة .. باذن الله يستجيب لكلامك ويطلع من حبسه ويكون انسان صاالح.
تم النشر الاثنين، ٢٥ سبتمبر ٢٠٢٣
احنا بنعمل اللى علينا كله تجاه القريبين مننا والباقى هما محاسبين على انفسهم فانتى اعملى اللى فى وسعك وطاقتك تجاه اخوكى وهو اكيد محتاج علاج طبعا بعد الفتره دى اذا عاد هو للسكة السيئة فلا يكلف الله نفسا الا وسعها ..وادعيله بالهدايه
تم النشر الاثنين، ٢٥ سبتمبر ٢٠٢٣
لما يطلع من السجن إن شاء الله لازم يتحجز في مصحة علاج ادمان وإن شاء الله ربنا يوفقه ويكرمه بس لازم يتعلم من أخطائه
تم النشر الاثنين، ٢٥ سبتمبر ٢٠٢٣
السلام عليكم ورحمة الله وبركاتة انصحك بان تدعو له بالاصلاح ادعو له دائما فاعرف من كان مثل اخيك ومع دعاء الاهل له صار بافضل حال والدعاء كنز عظيم ف الدعاء يغير القدر وادعو له بكل يقين بان حاله سيصلح واسال الله ان يشرح قلب اخيك عل الهدايه وان يقربه الى الحق ويجمعكم دائما عل الخير 🤲 منذ ساعة 0 الإجابات (5) شارك بإجابتك Amaal Elmaky 2.0K مدربة حياتية منذ 22 ساعة
تم النشر الثلاثاء، ٢٦ سبتمبر ٢٠٢٣
أكيد جيب محامي ليه وحسسه انك موجود جنبه ومسبتهوش لوحده وان شاء الله لما يخرج عايزك تتقرب منه وتحاول تصلح منه لو انت أكبر منه حاول توفره فرصة عمل في نفس المنطقة بحيث ميكنش بعيد عنكم وصحاب السوء ميرجهوش تاني للماضي حاول تصاحبة احكيله مشاكلك وهو يحكيلك مشاكله اخرجوا مع بعض لو مره في الاسبوع إنك لن تهدي من أحببت ولكن الله يهدي من يشاء ادعيله بالهداية في صلاتك و ربنا يبعد عنه ولاد الحرام وصحاب السوء
تم النشر الثلاثاء، ٢٦ سبتمبر ٢٠٢٣
لعرض السؤال في فدني اضغط هنا