خيبه امل وثانوية عامة
أنا في ثانويه عامه طول عمري شاطره وإنسانه قويه وقد المسؤليه بس أنا مش عارفه اذاكر مش عارفه اقوم من علي السرير ورايا حاجات كتير مفرود تخلص بس مش قادره حاسه بخيبه امل وأن أنا فاشله وده اكتر احساس أنا بكره حاسه بنظره خيبه امل من اهلي
اول حاجة نسال عنها هي اننا بنصلي ولا لا ؟ وبندعي ربنا يعينا ويساعدنا ولا لا ؟ لان من غير دول هنلاقي نفسنا مش عارفين نتحرك ولا نعمل حاجة نيجي بقى للثانوية العامة واحنا لسه في شهر ١٠ يعني انتي قدامك وقت طويل اطول من شهر اغسطس تقدري تعيدي المنهج كله مرتين اصلا فمتحطيش في بالك انك متاخرة وضاع مني كتير والجو ده لا عادي كل حاجة لسه ف ايدك واكتر كمان وانا دايما بقول ان الثانوية العامة ماراثون طويل مش مجرد سباق سرعة بيخلص بسرعة لا اللي نفسه اطول هو اللي بيكمل للاخر ممكن تكون بدايتك بطيئة لكن مع الوقت تسبقي كل اللي طلع قدامك استعيني بالله ورتبي مذاكرتك للمواد واعملي اللي عليكي وخليها على الله وافتكري ان النجاح في النهاية له طعم يستاهل نعمل عشانه ..
تم النشر الاثنين، ١٤ أكتوبر ٢٠٢٤
اولا عليكي بالاتزام في الصلاة وقراءة القرآن الكريم ثانيا تحديد الاهداف بمعني الانسان بدون هدف =إنسان بدون سعي يعني لازم يكون في هدف قدامك علشان يكون في تحفيز علي المذاكرة ثالثا قراءه القرآن وحفظة تساعد علي التركيز بأذن الله رابعا عدم العزله والانشغال بالموبيال او الكمبيوتر وخلافه من اساليب استنزاف الوقت وبيأثر تاثير كبير علي التركيز خامسا تنظيم الوقت والاستيقاظ مبكرا له فائدة كبيرة جدا وطبعا مع عدم السهر
تم النشر السبت، ١٩ أكتوبر ٢٠٢٤
بصي لما بكون كده بعمل هدنه مع نفسي خدي قسط كويس من الراحه والهدوء زي من ٣ ل ٤ أيام راحه ومتشغليش نفسك بالدراسة خديهم استرخاء وبعيد عن ضغط المذاكرة والتفكير فيها بعدين لما تخلص ال ٣ او ال ٤ أيام نبدأ نشوف المذاكرة المتراكمة والجديده درس درس وانزلي حصصك برضو ونتعامل مع مشاعرنا والضغط اللي بنواجهه بهدوء لما تقولي نفسك انا فاشله كدا انتي بتزيدي من الضغط علي نفسك انتي بدل م تفكري بسلبيه فكري ب إيجابيه قولي انا ناجحه هلحق ألم كل اللي ورايا شجعي نفسك بنفسك واللي بتقوليه لنفسك هو اللي بيحركك يعني ممكن اقول انا فاشله فاشله وكل شويه اقول كدا هتلاقي نفسك محبطه وقاعدة علي السرير دا طبيعي لأنك انتي اديتي الاشاره لمخك ب الكلام دا ف انتي ممكن تغيري من تفكيرك وكلامك قولي انا ناجحه انا شاطره وقومي صلي ركعتين وابدئي بالمذاكرة وعايزه اقولك انا لما كنت فتره ثانويه عامه كنت معلقه صور للكليه اللي عايزه ادخلها وحطاها هدف وكل م أحبط اشوفها ويزيد حماسي وذاكر علشان وأصلها اعملي كدا دا هيديكي حماس وشغف علي المذاكرة وبالتوفيق ليكي وافتكري ان لسه بدري انتي تقدري تلمي كل حاجه لسه قدامك وقت مواقفه يارب
تم النشر الثلاثاء، ١٥ أكتوبر ٢٠٢٤
اولا حاولي انك متضغطيش في الاول على نفسك و كمان سبب نومك ده هو التوتر و الشعور المبالغ فيه ب المسؤلية انصحك بس بمحاولة تهدئة اعصابك و نظمي وقتك انك مثلا كل يوم تذاكري حاجة بسيطة علشان متبقيش مضغوطة و نظمي نومك و حاولي تصحي بدري
تم النشر الثلاثاء، ١٥ أكتوبر ٢٠٢٤
عزيزتي، أشعر بما تمرين به وأود أن أشاركك بعض الأفكار التي قد تساعدك على تجاوز هذه الفترة الصعبة. أولاً، يجب أن تدركي أن الشعور بخيبة الأمل أو الفشل أمر طبيعي ويحدث للكثير من الطلاب، خاصة في أوقات الضغط مثل الثانوية العامة. ولكن من المهم أن تتذكري أن هذه المشاعر لا تعكس قيمتك الحقيقية أو قدراتك. إليك بعض الخطوات التي يمكنك اتباعها لتعزيز حالتك النفسية وتنظيم وقتك للدراسة: تقسيم المهام : إذا كانت لديك مهام كثيرة، حاولي تقسيمها إلى أجزاء صغيرة يمكن التحكم فيها. حددي هدفًا واحدًا في اليوم، واعملي على إنهائه. ستشعرين بالإنجاز مع كل مهمة تنجزينها. تحديد أوقات معينة للدراسة : حاولي تحديد أوقات خاصة للدراسة، وضعي خطة دراسية بسيطة وواقعية يمكنك الالتزام بها. استخدمي المنبهات لتذكيرك بالوقت المناسب للدراسة والاستراحة. تحدثي مع أحد : إذا كان لديك شعور بالضغط أو الخوف من خيبة الأمل، تحدثي مع أحد أفراد العائلة أو صديقة مقربة. قد يكون الحديث عن مشاعرك هو الخطوة الأولى نحو التعامل معها بشكل أفضل. تقدير نفسك : بدلاً من التركيز على ما لم تحققيه، حاولي التركيز على إنجازاتك السابقة وما حققتيه حتى الآن. كوني لطيفة مع نفسك ولا تقارني نفسك بالآخرين. استشارة المتخصصين : إذا استمرت هذه المشاعر، فقد تحتاجين إلى التحدث مع مستشار نفسي أو معلم تثقين به. قد يساعدك ذلك في فهم مشاعرك بشكل أفضل وإيجاد طرق للتعامل معها. تذكري دائمًا أن مشوار النجاح ليس خطيًا وأن كل تحدي نواجهه يمكن أن يكون درسًا يجعلك أقوى. فثقي بأنك قادرة على تجاوز هذه الصعوبات، وأنت لست فاشلة كما تفكرين. اجعلي الإيمان بنفسك هو القاعدة التي تنطلقين منها.
تم النشر الاثنين، ١٤ أكتوبر ٢٠٢٤
لعرض السؤال في فدني اضغط هنا