دلوقتي انا طول حياتي مكانش في رجالة في حياتي من شهر و 10 ايام في واحد دخل حياتي اتعلقت بيه جدا بس هو اختفي بالتدريج وزعلت عليه اوي رغم انه مكملش اسبوعين او تلاته في حياتي و من 10 ايام واحد كمان دخل حياتي وكنا نتكلم كل يوم بالساعات بعدين حصلت مشكلة و بطلنا نتكلم وبردو حسيت معاه نفس احساس الشخص اللي قبله ده كده ايه بالظبط حاسه اني زعلانه اوي عايزاه يرجع
السلام عليكم، واضح جدًا إنك في فراغ عاطفي وحياتك خالية من الهدف والمعنى، فبتحاولي تملأيها بالعلاقات دي لكن زي ما الكل قال، بلاش. أنتِ أغلى من إنك تستنزفي مشاعرك وتضيعي وقتك في علاقات عابرة وعلى أشخاص مش شايفين فيكِ غير تسلية ولما يحسوا بالملل أو إنك مكنتيش كافية أو مسلية كفاية فيقطعوا الكلام معكِ ويروحوا يشوفوا حد ممتع أكثر منك. عززي نفسك وخليها رقم واحد عندك، دوري على هدف وغاية تملي بها حياتك ووقتك واتعلمي حاجات تنفعك في حياتك ومستقبلك. ربنا يهديكِ للخير ويبعد عنك كل العلاقات الحرام. بالتوفيق.
تم النشر الأحد، ٦ أبريل ٢٠٢٥
عزيزتي، من الواضح أنك تمرين بمشاعر مختلطة بشأن العلاقات التي حدثت في الفترة الأخيرة. عندما نتعلق بشخص ما، حتى لو كانت فترة التعارف قصيرة، يمكن أن تثير مشاعر الشغف والأمل، وهذا شيء طبيعي جداً. تشعرين بالحزن بسبب فقدان الاتصال مع هؤلاء الأشخاص لأنك قد استثمرت جزءًا من مشاعرك وأفكارك فيهم، وهذا يمكن أن يجعلك تشعرين بأن هناك حاجة لشخص في حياتك. ولكن من المهم أيضًا أن نفهم أن الفوراق بين الحاجة للتواصل والارتباط العاطفي، وبين التعلق، هي أمور يحتاج كل منا إلى فحصها بعناية. نصيحتي لك هي أن تركزي على نفسك في هذه الفترة، وتهتمي بمشاعرك الخاصة، وما الذي تحتاجينه حقًا في حياتك. ربما يكون من الأنسب أن تحاولي اكتشاف نفسك وهواياتك واهتماماتك، وتركزي على بناء الثقة بالنفس. تذكري أن العلاقات الجادة تتطلب أحيانًا صبرًا ومعرفة الطرف الآخر بشكل أعمق، قبل أن نسمح لمشاعرنا بأن تقودنا.
تم النشر الجمعة، ٤ أبريل ٢٠٢٥
اللي حضرتك فيه دا حاله اسمها الفراغ العاطفي ودا بيكون ناتج عن عده عوامل اهمها واولها ان علاقة الحب والاهتمام في البيت مش كامله اللي اقدر انصحك بيه دلوقتي خليكي عارفه ان في وقت لكل حاجه وربنا يدبرلك الشخص الصالح اللي يستاهل محبتك
تم النشر الأحد، ٦ أبريل ٢٠٢٥
تجنبي العلاقات اللي زي دي لأنها بتستنزف كن روحك ومشاعرك تدريجيا. ودا سببه فراغ عاطفي والطبيعي في الإنسان انه لما يلاقي حد جديد عليه ف بيحب يستكشف وبعد كدا بيبقي في إعجاب وتعلق من كتر الكلام
تم النشر الأحد، ٦ أبريل ٢٠٢٥
فعلا نفس كلام الأخ العلاقات العابرة غير انها حرام انها كمان بتدمر نفسيتك تماما لو استمريتي عليها
تم النشر السبت، ٥ أبريل ٢٠٢٥
تجنبي العلاقات العابرة لانها ستؤثر عليك بشكل كبير اللي تكلمتي عنهم غالبا ناس تقضي وقت وتختفي
تم النشر السبت، ٥ أبريل ٢٠٢٥
لعرض السؤال في فدني اضغط هنا