أنا واقع في ورطة كبيرة جدا وهي إني بحاول من خمس سنوات السعي للنجاح وكل مجال كنت أشتغل فيه أسيبه من نصه لأي سبب حتى لو تافه يخوفني من فشل المشروع وهكذا فعلت مع مجالات كثيرة إلى أن يئست ودلوقتي مش عارف أكمل على الرغم أني ما زال أمامي فرص كويسة للنجاح يمكن تكون هي طوق النجاة الأخير والتعويض من ربنا على اللي فات إلا إني مش قادر أدخل محاولات تاني أبدا وكأني جاتلي صدمة كبيرة وخاصة بعد الشغل الأخير اللي كنت بنيت عليه أحلامي ودرسته جيدا وأخدت فيه وقت طويل ثم تركته واللي كان بيأخرني ويأثر عليا نزعه الكمالية اللي عندي أيضا وعلى فكرة أنا كل مجال بدخل فيه كنت بدرسه كويس وهو قابل للنجاح بالفعل وناس كثير ناجحة فيه إلا إني بقيت متأكد إن لازم في كل مرة سبب منطقي ولو تافه يدخل عقلي يخليني أترك الفكرة تماما للاسف، وفي الأول كنت دائما أسمع قصص النجاح لناس كثيرة وأقول هبقى زيهم في يوم من الأيام ولكن مؤخرا لما بشوف شخص بيحكي قصة نجاحه بقيت بتضايق منه وبحقد عليه وعلى كل الناجحين لأنهم نجحوا وأنا حاسس إني مش هبقى زيهم أبدا عشان كده كرهتهم وعشان أرجع أحبهم تاني لازم أبقى زيهم، أنا حاليا عاجز عن الحركة تجاه أي خطوة جديدة وخايف لأني متأكد إني هتركها قبل ما تكمل للنهاية وفي نفس الوقت أنا مصمم على النجاح أنا ملتزم بالصلاة دائما وبدعي ربنا ولكن مؤمن بآيه (إن الله لا يغير ما بقوم حتى يغيروا ما بأنفسهم) يعني حاسس إن ربنا مش هيساعدني بالصلاة والدعاء فقط ولازم أتغير وأنا مش عارف أعمل إيه فعليا عشان أتغير، ياريت حد يفهمني أعمل إيه عشان أخرج من العجز اللي أنا فيه ده وإزاي أضمن إني أدخل تجربة أخيرة وأكملها للنهاية.
المهم تفضل تسعي وإياك تيأس ابدا و افتكر أن اخرتها هتلاقي اللي نفسك فيه و لكن الموضوع محتاج صبر
تم النشر السبت، ١٥ يونيو ٢٠٢٤
تم النشر السبت، ١٥ يونيو ٢٠٢٤
السلام عليكم و رحمه الله كل عام و انتم بخير ،عيد أضحي مبارك. مقدره المعاناه و كل اللي حاسس بيه ، و مقدره كمان إصرارك و محاولاتك كل السنين اللي فاتت. خلينا متفقين أن التجارب اللي منالتش نجاح منك اكيد طلعت منها بحاجه مفيده، اكيد نورت ليك الطريق في حاجه تانيه. ✴️ القيم : القيم شئ مش سهل، و لازم تدفع تمنه علشان تكون مرتاح. هتصحي كل يوم بدري و تعمل مجهود كبير و تتعب بس في الاخر هتكون راضي عن نفسك. غير لما تسيب شغلك و توقف حياتك اه هترتاح و مش هيكون وراك حاجه بس صورتك قدام نفسك مش هتحبها. ✴️ الهدف : علشان تثبت علي مشروع معين لازم يكون عندك هدف بتسعي له ، قسم اهداف صغيره و اصبر. ✴️ الدعم : لما تحس انك خلاص هتقفل مشروع شوف انت ليه عاوز تمشي من نص الطريق هل محتاج استشاره ؟ هل محتاج فلوس ؟ شوف ايه اللي محتاجه و اطلب الدعم. ✴️ الحافز : تابع الناس اللي في مجالك و اتعلم منهم، و شوف القصص بتاعتهم أنهم بدأوا من مفيش، و دا بيعلمك اكتر ، الشغل كل مرحله بتتعلم فيها مهما كان حجم الاستثمار ف برضو بيطلع تحديات و مصاريف و نسبه مخاطره. ف انك تبدأ صغير و تطور هتلاقي نفسك وصلت لمكانه كويسه ✴️ و لما تحس انك محتار في أمر شوف ايه المزايا و العيوب للأمر دا ،، يعني ايه الميزه انك تكمل في الشغل و الميزه انك تسيب الشغل ؟ و ايه العيوب في انك تكمل في الشغل و العيوب ف انك تسيب الشغل و بعدها قرر . الطريقه دي يتحدد ليك لما تشوف المزايا تكمل في الشغل مع عيوب انك تسيب الشغل هتلاقيهم كتير . و بالتالي هتلاقي نفسك بتختار انك تكمل اسأل الله لك التوفيق و السداد تحياتي 💐
تم النشر السبت، ١٥ يونيو ٢٠٢٤
يا صديقي, أنا فاهمة إنت بتمر بإيه، وأكيد مش سهل عليك تحس إنك موجود في دائرة مفرغة من الطموحات غير المحققة والتجارب اللي مش بتكتمل. خلينا نتكلم بشكل عملي وواقعي عشان نقدر نخرج من الدوامة دي. حدد أهداف صغيرة وبسيطة : مش لازم تبدأ بمشروع ضخم أو فكرة كبيرة. ابدأ بخطوات بسيطة ومهمات صغيرة وحققها. ده هيكسبك ثقة بنفسك وتقدمك هيحفزك تكمل. المرونة وتعلم من الفشل : الفشل مش النهاية، هو مجرد تجربة من ضمن تجارب حياتك. كل مرة تتعثر فيها هتعلمك شيء جديد. أدرس الأسباب اللي خلتك تسيب، عشان تتجنبها في المرة الجاية. البحث عن دعم ومساندة : ما تعتمدش على نفسك فقط. ابحث عن ناس تثق فيهم وتناقش معاهم أفكارك ومشاريعك. الدعم النفسي والمعنوي بيفرق كتير. تنظيم الوقت والحياة : حدد وقت محدد كل يوم للشغل على مشروعك، وزمان تاني للراحة والأنشطة الأخرى. التوازن مهم جدًا عشان متحسش بالضغط والملل. تقبل الكمالية بأنها شيء مش مثالي : مش لازم كل حاجة تكون مثالية من الأول. حاول تقبل إنه مفيش حاجة كاملة وأن الأخطاء جزء من التطور والتعلم. ازرع الإيجابية في حياتك : حاول دايمًا تذكر نفسك بالنجاحات الصغيرة اللي حققتها مسبقًا، وخليك محاط بالنّاس الإيجابيين اللي بيدعموك. التوجيه والتقييم الذاتي : اعقد جلسات منتظمة للتفكير في تقدمك واتعلم من تجاربك. الكتابة عن تجاربك ومشاعرك ممكن تساعدك تفهم نفسك بشكل أعمق. النشاط البدني : ممارسة الرياضة بيخليك تخرج طاقتك السلبية وبتديك فرصة تفكر بشكل إيجابي. يمَكن يكون صعب شوية في البداية، لكن مع الوقت ومع إصرارك هتلاحظ التغيير في حياتك. فقط كون صبور ومصر على التغيير، وربنا هيكرمك بالنجاح اللي بتسعى ليه. كل التوفيق! 🌟
تم النشر السبت، ١٥ يونيو ٢٠٢٤
ممكن تجيب ورقة وقلم وتكتب اهم 10 اسباب تخليك تبدا في المجال ده وبعد وبعد كده تجيب ورقة تاني وتكتب 10 حاجات هيحدثو لو ما كملتش في المجال ده وبعد كدا تحت خطه عشان تكمل وكل ما واجهتك مشكلة ترجع ل الورقة إلي انتا كتبتها وتقراها من تاني علشان تتحفز
تم النشر السبت، ١٥ يونيو ٢٠٢٤
تم النشر السبت، ١٥ يونيو ٢٠٢٤
تم النشر السبت، ١٥ يونيو ٢٠٢٤
المثابرة يا صديقي
تم النشر السبت، ١٥ يونيو ٢٠٢٤
لعرض السؤال في فدني اضغط هنا