أنا عندي مشكلة بقالي كذا سنة حياتي مش تمام ومقصرة ف الصلاة الاول كنت بزعل لما بفوت صلاة دلوقتي بحس ان قلبي مش فارق معاه و دي حاجه خنقاني أنا عارفة اني عمري ماهفلح في حاجة ولا هنجح وانا مش بصلي عشان حي علي الصلاة حي علي الفلاح
كمان بقالي شوية مخنوقة جامد وببقى عايزة اعيط من اقل سبب واتفه سبب حتى لو طفل صغير هزر معايا بعيط وانا م حابه دا ومعرفش السبب وكل شوية اتعصب من اقل حاجة وببقي عايزة ازعق جامد مش عارفة اظبط حياتي وعندي وسواس قهري وارق مش بعرف انام من التفكير وكل شوية ثقتي بنفسي بتقل
مش بظهر دا للناس اللي في محيطي وبحس أن دا اخد من طاقتي كتير ومعتش عارفة اخبي
امسكي ورقة وقلم واكتبي الآتي: أولا %حل مشكلة الصلاة ~كل ما تسمعي الأذان قومي توضأي حتى لو عندك احتمال انك مش هتصلي قومي توضأي بعد كدا صلي ركعتين قبل النوم وعند الاستيقاظ ثابتين معاكي ثانيا % أكثري من قراءة القرآن طيب أنا مبصليش أكيد مفيش قرآن طيب اسمعي قرآن للشيخ اللي انت بتحب الإستماع ليه ثالثا% مشكلة النوم والأرق احرصي على أن يكون معدل النوم 8 ساعات أو 7ده هيزود معدل التركيز أكتر هتظبطي منبه الفون بتاعك على موعد النوم وموعد الاستيقاظ وبصي هتواجهي صعوبة تفكير برده خلاص ما تغمضي عينك وركزي على حاجة في الغرفة هتلاقي نفسك بتنامي تدريجيا بعد اتباع الجدول ده ولنقل أقصى قدر ليه لمدة أسبوع هيتحول معاكي لعادة ساعتها كل ما تتوضأي طيب ما أصلي بالمرة، اسمع قرآن طيب ما أجرب أقرأ مرة ومعدل النوم هيظبط معاكي إن شاء الله ديننا دين يسر وربنا رب كريم، ما تنسينا من دعوة حلوا 😁🤍
تم النشر السبت، ١ فبراير ٢٠٢٥
السَّلامُ عليكُم ورحمةُ اللَّهِ وبركاتُه موضوع الحساسية الزايده اللي عندك ممكن يكون تراكمت أدت لـ ضغوطات سببتلك الحساسية الزايده دي... طب الحل إي؟ هقترح عليكِ حاجة حاولي كُل كام يوم تقعدي تسترجعي ذكرى زعلتك و انت أجلتي الزعل وتحاولي تطلعي بالدروس المُستفاده فاهمة قاصدي؟ و ربِّ يصلحلِك الحال
تم النشر السبت، ١ فبراير ٢٠٢٥
بصي هي الصلاة صعبة عليا و عليكي و على الكل في بدايتها ده بسبب اننا متربناش عليها و سابونا نلعب بحجة انا اطفال فطبيعي تبطلي و ترجعي كل شوية الهم انك متمليش و متنسيش كلامي عشان كل متملي افتكريه و ارجعي ،بلنسبة لموضوع الخنقة ده غالبآ لأنك سنك صغير و جسمك في حالة نمو مستمرة واضطراب هرمونات مش اكتر ،صلي و ادعي ربنا يثبتك دايمآ و تعاملي مع كل مشاكلك بالمنطق لا بالعاطفة
تم النشر الأحد، ٢ فبراير ٢٠٢٥
أختي العزيزة، أفهم تمامًا ما تشعرين به، فالشعور بالضيق والاختناق يمكن أن يكون تجربة صعبة ومؤلمة. أولاً، أود أن أذكّرك بأن مشاعرك يجب أن تُحترم، وأنه من الطبيعي أن تواجهين تحديات في حياتك. النقص في الصلاة والشعور بالفتور تجاهها قد يعكس حالة نفسية أو شعورية تحتاج إلى الانتباه. قد يكون من المفيد أن تحاولي إعادة التواصل مع إيمانك من خلال صلوات بسيطة، مثل صلاة الفجر أو القيام بالدعاء، حتى وإن كان ذلك بشكل غير منتظم في البداية. يمكنك أيضًا محاولة قراءة القرآن أو الاستماع إلى تلاوات لتعزيز مشاعر الطمأنينة. أما بالنسبة للشعور بالقلق، والوسواس القهري، والأرق، فهذه علامات تدل على ضرورة التعامل مع مشاعرك بجدية. قد تحتاجين إلى التحدث مع مختص نفسي يمكنه مساعدتك في التغلب على هذه التحديات. استشارة الطبيب النفساني قد تكون خطوة مهمة لكِ، حيث سيساعدك في فهم نفسك بشكل أفضل. فيما يتعلق بثقتك بنفسك، تذكري أن كل فرد يمر بلحظات ضعف، ولكن الأهم هو كيفية الاستجابة لهذه اللحظات. حاولي التركيز على الإنجازات الصغيرة في حياتك، حتى لو كانت بسيطة، واحتفلي بها. تذكري أيضًا أن الحياة مليئة بالتحديات، ولكن بالإيمان بالله والإرادة القوية، يمكنك التغلب على الصعوبات. لا تترددي في طلب الدعم من الأصدقاء أو العائلة، فهذا قد يساعد كثيرًا. وأخيرًا، الصلاة ليست فقط شعائر؛ بل هي وسيلة للتواصل مع الله، فهي تعطي النفس السكينة، فحاولي أن تعيشي لحظات الإيمان بصدق. اسألي الله أن يمدك بالقوة والإيمان، وكوني مطمئنة أن الله دائمًا معك. بالتوفيق، وكوني قوية.
تم النشر الجمعة، ٣١ يناير ٢٠٢٥
نسأل الله تعالى الهدايه والتوفيق والسداد في كل الأمر تقريبا يعاني من نفس المشكله و الوضع و لكن نجتهد اننا نقدر ع نفسنا شويه و ربنا اكيد هيتقبل و نطلب العون من الله بالتوفيق إن شاء الله
تم النشر الأحد، ٢ فبراير ٢٠٢٥
التقرب إلى الله والدعاء ومجاهدة النفس على الطاعات وكثرة الذهاب إلى المساجد.
تم النشر السبت، ١ فبراير ٢٠٢٥
لعرض السؤال في فدني اضغط هنا