هو انا عادي لو عملت ديت عشان اخس انا عمري ١٥ سنه وزني تقريبا ٩٠ وامي رافضة بتقولي لو عملتي هترجعي تاني واكتر من الاول وانا زهقت من نفسي اوي
السلام عليكم ♥️ ازيك يا جميله متعمليش دايت ولاحاجة مش عشان وزنك هيرجع لان دي نظريه مش صحيحه ولكن كل اللي هتعمليه انك تنظمي أكلك و تبعدي عن العادات الغذائيه الخطأ وزنك هيتضبط مع الوقت بمعنى: ١- استبدلي الحلويات و العصاير والمشروبات الغازيه بفواكه وحلويات صحيه تعمليها في البيت ىالوصفات عالنت كتير. ٢- زودي الحركه شويه يوميا اعملي زومبا او مشي نص ساعه ٣- اشربي ٢ لتر مياه موزعه على اليوم. ٤- نامي ٨ ساعات بالليل من بدري . ٥- نظمي وجباتك ٥ وجبات في اليوم بينهم ٣ ساعات وزودي البروتين والخضار في الوجبات الرئيسيه واهتمي برجبة الفطار وفي السناك كلي زبادي او لبن وفاكهه ٦- متفكريش في الوزن كتيراشغلي بالك بس باستبدال الوجبات بوجبات صحيه وتفنني فيها عشان متزهقيش ودخلي في يومك مكسرات وزيت زيتون و حبوب كامله زي الشوفان والبليله و الفريك هتحسي بالسبع وصحتك هتكون افضل. هتلاحظي مع الوقت ان وزنك بينزل بالتدريج وفي نفس الوقت صحتك كويسه
تم النشر الأربعاء، ٢٠ نوفمبر ٢٠٢٤
مش لازم تعملي دايت بمعني دايت انت ممكن تقللي بس من اكلك المعتاد لو بتكلي طبقين رز خليهم واحد ونص وكدا علي باقي اكلك مع الوقت هتحسي نفسك مرتاحة من كمية الاكل الي بتكليها وفي نفس الوقت هتخسي وطبعا كل واحد بيبقا حابب يشوف نفسه علي اكمل وجه واكيد بو عملتي كدا مستحيل وزنك يرجع تاني زي الاول
تم النشر الجمعة، ٢٢ نوفمبر ٢٠٢٤
أفهم شعورك تمامًا، ومن الطبيعي أن تشعر بالقلق حيال وزنك والصحة العامة في هذا العمر. يجب أن ندرك أن فقدان الوزن يجب أن يتم بطريقة صحية وآمنة، خاصة في مرحلتك العمرية حيث لا يزال جسمك في مرحلة النمو والتطور. بدلاً من اتباع حمية قاسية، يُفضل أن تركز على تحسين نمط حياتك بصورة شاملة. إليك بعض النصائح التي قد تساعدك: التغذية المتوازنة : حاول أن تتناول وجبات غنية بالفواكه والخضروات، والحبوب الكاملة، والبروتينات الخالية من الدهون. تجنب الأطعمة المقلية والوجبات السريعة قدر الإمكان. شرب الماء : تأكد من شرب ما يكفي من المياه طوال اليوم. يساعد الماء في تحسين عملية الحرق ويقوم بشعورك بالشبع. النشاط البدني : حاول ممارسة بعض الأنشطة البدنية، مثل المشي، أو الركض، أو السباحة، أو حتى الانضمام إلى نادٍ رياضي. الحركة تساعد على حرق الدهون وتعزز من صحتك العامة. الدعم الأسري : تحدث مع والدتك عن مشاعرك وأهدافك، وحاول أن تشركها في خطتك لتحسين نمط حياتك. قد يساعدك ذلك في الحصول على الدعم الذي تحتاجه. الصبر : تذكر أن خسارة الوزن تحتاج إلى وقت، والنتائج لن تظهر بين ليلة وضحاها. كن صبورًا مع نفسك. إذا كنت تشعر بأنك بحاجة إلى مزيد من الدعم، فقد يكون من المفيد التحدث مع أخصائي تغذية أو مدرب رياضي للحصول على نصيحة مخصصة تتناسب مع احتياجاتك. الأهم من ذلك، عليك أن تحب نفسك وتقبلها كما هي، والتحسينات التي ترغب في القيام بها يجب أن تأتي من رغبتك في حياة أفضل وصحة جيدة، وليس فقط لوزن أقل.
تم النشر الأربعاء، ٢٠ نوفمبر ٢٠٢٤
مش مهم دايت ولا حاجه المهم انك تحافظ فى الاكل ومثلا لو كنتى بتتعشى فتبطلى عشا ولو يعنى جعتى ممكن تاكلى سلطه وبردو حاولى مش تزودى فى الغذى وان شاء الله هتخسى وهتبقى زى الفل والعسل كمان
تم النشر الجمعة، ٢٢ نوفمبر ٢٠٢٤
بصي انا قدك وبقول لك تابعي مع متخصص يكون فاهم وانت لو بدأت دايت واستمريت عليه والتزمتي مش ترجعي تاني إن شاء الله بس اهم حاجه تابعي مع متخصص
تم النشر الأربعاء، ٢٠ نوفمبر ٢٠٢٤
لعرض السؤال في فدني اضغط هنا