اصلي بتحصل في حياتي حاجات كلها ضدي ده طبعا غير حرقه الدم غير وجع القلب غير الاحاسيس
رضا ربنا عن الانسان مش معناه انه ميعانيش في حياته ولا دمه ميتحرقش ولا ميحصلش حاجه ضده النبي صلى الله عليه وسلم وهو نبي واحب خلق الله لله لما راح الطائف ضربوه بالحجارة واذوه ولما راح قعد تحت الشجرة ودعا قال في دعاؤه ( ان لم يكن بك علي غضب فلا ابالي ولكن عافيتك هي اوسع لي ) وفي غزوة احد كسرت رباعيته ال هي اسنانه الاماميه ودخلت اداه من ادوات الحرب في خده واوذي كتير ومعظم الانبياء عانوا مع اقوامهم ده مش معناه عدم رضا ربنا عنهم ولكن كل انسان له قدره ونصيبه في هذه الدنيا ومسؤول عن تصرفاته تجاه هذه الاقدار هل يواجه الصعوبات والاضرار بصبر واحتساب وقرب من الله ولا يبعد عن طريق ربنا هل يواجه النعم والراحه بالشكر والالتزام ولا لا هل بيؤدي فروض ربنا ويصاحب المصحف والاذكار ويحرص على رضا الله وتقواه في كل كبيرة وصغيرة ولا لا هل لما بيتعرض لاي موقف بيفكر ده يرضي ربنا ولا لا يوافق الشرع ولا لا كل ده لو كان مستقر في قلبك هتواجهي اقدار الله برضا وتسليم تام ايا كان شوفي الناس في غزة بتفقد بيوتها واهلها وولادها وشغلها واكلها وشربها ومع ذلك تلاقيهم بيقولو الحمد لله الحمد لله يارب بس تكون راضي عني واكيد شفتي فيديوهات كتير لمصائب لا تتحملها الجبال ومع ذلك تلاقيهم مسلمين امرهم لله وبيحمدوه البلاء ليس دليل على غضب الله على العبد ابدا قوي ايمانك والتزمي بفروض الله واوامره ولا يضرك اي شئ يحصل بعد كده
تم النشر الخميس، ٢٨ ديسمبر ٢٠٢٣
اذا علمتى ان كل امره خير ..فسوف تنظرين بشكل مختلف كان ل د. عمر عبد الكافى نصيحة رائعه فى هذا الامر ,...وهو انك اذا مر بك 40 يوما بدون اى شكل من اشكال الابتلاءات فعليك ان تخشى ان تكون بعيدا عن الله وانه تركك لحالك لان الابتلاءات هى من دلائل حب الله لعبده المؤمن فهو اما يبتليه ليختبره او ليمحو ذنبه او ليرفعه درجة
تم النشر السبت، ٣٠ ديسمبر ٢٠٢٣
ببساطة لازم الشخص يصلح علاقته ب ربنا عشان يستريح ف حياته غير كده فا مهمه الانسان كان فزلوك وذكي فا طول ما هو بعيد عن ربنا وعلاقته ب ربنا مش قريبة وقوية هيفضل عايش ف تعب وهم وغم .. قرب تلاقي ربنا بيصلحلك كل حاجه من قبل ماتفكر حتي تطلب .. بس نقرب
تم النشر الخميس، ٢٨ ديسمبر ٢٠٢٣
صلح علاقتك بربنا اقرأورد يومي صلي قيام الليل اقرأ أذكار الصباح والمساء
تم النشر الاثنين، ١ يناير ٢٠٢٤
أحمد ربك كل مره على نعمه لبس او نعمه بيت و اتقرب منو اكتر من انك تصلي و تنتظم في الصلاه كلها في وقتها و تقرأ قرآن و اذكار بس خليك عارف ان الله اذا احب عبداً ابتلاه يمكن ربنا بيختبر صبرك و تحملك و قوه إيمانك
تم النشر السبت، ٣٠ ديسمبر ٢٠٢٣
كثرة الابتلاءات في حياتك مش مقياس لحب ربنا ليك كان الإنبياء افضل الناس لكن رغم كدا كانوا اشد الناس بلاء فالفكرة إنك ترضى بأقدار ربنا وتدعى كتير وتقرب منه وكمان تبقي واثق إن رب الخير لا يأتى إلا بالخير وإن لو حاجه حصلت فهيا اهون من غيرها وإنى ابقى عارف إن ربنا عطانى وأنعم عليا بحاجات كتير فأرضي لكن البلاء مش مقياس ل الحب
تم النشر السبت، ٣٠ ديسمبر ٢٠٢٣
لعرض السؤال في فدني اضغط هنا