انا عندي ١٦ سنة انا عارفه ان سني مش كبير اوي بس دايما الكل بيشوفني صغيرة دا عشان انا جسمي بيبان صغير يعني وملامحي برضو بس انا الحوار دا بقي يدايقني لأن علي طول بتعامل اني طفله حتي صحابي بحس اني طفله بيجروها في أي مكان ومليش لازمه ودايما بحس اني لوحدي ومليش حد واهلي برضو كان نفس الحوار والدتي مش بتحبني اعمل اي حاجه في البيت دايما تقول مش هتعرف تعمل حاجه بعن انا بعرف اعمل كل حاجه حرفيا وتفكيري دايما بيبقي عقلاني شويه بالنسبه للي حواليا بس الحوار بقي يقصر عليا اوي حتي في اللبس مينفعش اجيب دا. عشان مش هيبقي حلو عليا .....كل دا محسسني اني خلاص اي حد بيشوفني طفله واني مليش لازمه ولا يعتمد عليا في حاجه
فى البداية كده.انتى بنوته مميزه جدا ولازم تحبى ده لأن ببساطه غير انك جميله مهما كبرتى مش هيظهر عليكى سنك فهتفضلى مميزه بين جيلك. بالنسبه لوالدتك فكتير من الأمهات بيعتقدوا أن أولادهم مش هيقدروا يعملوا الحاجه بإتقان فلازم احنا نقنعهم بده وده هيحصل لما تقنعيها بانك تقدرى تعملى حاجات وتحاولى تشاركها فيها لحد ما هى تشوف بنفسها انك تقدرى بعد كده هتقدر تعتمد عليكى بس الموضوع هياخد وقت شويه فخليكى صبورة أما عنك انتى فحبى نفسك ،شكلك،ملامحك لانك مميزه .وحاولى انك تقوى ثقتك بنفسك لأن ده اللى هيخليكى تحبيها اكتشف مع نفسك ايه الحاجات اللى لما بتعمليها بتحسى بإنجاز فيها واشتغلى عليها اكتبى دايما كل اللى جواكى واللى حاسه بيه ده هيفرق معاكى جدا مارسى رياضه بتحبيها لأنها هتساعدك جدا أن ثقتك فى نفسك تكون اقوى وهتغير من تفكيرك وهتتخلصى من الأفكار السلبية. لو ليكى صديقه مقربه أو لايف كوتش اتكلمى باستمرار معاهم وشاركيهم افكارك لأن الدعم النفسى مهم جدا. وافتكرى دايما انك مميزه وان من حق نفسك عليكى انك تثقى فيها وتحبيها لأنها تستحق ده وتذكرى دايما أن ربنا معاكى فى كل خطواتك وبيساعدك وانك مميزه وهتقدرى 🌷
تم النشر الأربعاء، ٢٤ يوليو ٢٠٢٤
لازم يجميله تلحقي نفسك وتبقي انتي المسؤله عن قراراتك انتي قولتي عقلك ناضج كفايه واكيد عارفه الصح من الغلط متسمعيش لحد خلي رأيك مهم بالنسبه لنفسك ودا ميمنعش اننا نسمع اراء الي حولينا لكن انتي اهم شخص لأن لو فضلتي كدا صدقيني هتعيشي ايام وحشه كتير اوي اهم حاجه تعرفي انك شخص بينضج وكل ما يكبر فكرو وعقلو هيكبر ويختلف اكتر الاهم من كل دا متخليش دا يأثر علي حياتك ♥️
تم النشر الأربعاء، ٢٤ يوليو ٢٠٢٤
حبيبتي، فهمت مشاعرك كويس وأقدر قلقك. طيب تعالي نشوف الموضوع خطوة خطوة: أول حاجة، تقدير الذات هو المفتاح. طول ما انتي واثقة في نفسك وعارفة قد ايه انتي قوية وعقلانية، هتقدري تكسري الصورة اللي الناس شايفينك بيها. حاولي تثبتي للي حواليكي قد ايه انتي قادرة ومسؤولة. لما والدتك تقلك إنك مش هتعرفي تعملي حاجة، جربي بهدوء تثبتي العكس، وتبينلها إنك فعلاً قادرة. ثاني حاجة، اللبس. اختاري أزياء تبرز ملامحك الجميلة وتناسب شخصيتك، مش شرط تكوني مشابهه للكل، المهم تكوني مرتاحة في اللبس اللي يناسبك ويعكس جمالك بطريقتك الخاصة. ثالث حاجة، الأصدقاء. حاولي تتحاوري معاهم بصراحة. كلميهم عن مشاعرك وكيف بتأثر عليك هذه المعاملة. الصداقات الحقيقية بتقوم على التفاهم والتقبل. أما بخصوص العائلة، حاولي تتكلمي مع والدتك بهدوء وتشاركها بشعورك. يمكن تكون مُتعوّدة إنك طفلة ومحتاجة و وقت تتعود على فكرة إنك كبرتي وتقدري تتحملي المسؤوليات. وفي الآخر، أهم حاجة خليكِ قوية في نظرتك لنفسك وكلامك مع الناس. ثقي في نفسك وقدرتك وامشي بخطوات ثابتة. الناس هتبدأ تشوفك بالطريقة اللي انتي بتشوفي بها نفسك. أنا هنا دائمًا لو احتجتي تتكلمي أو تناقشي أي حاجة. خليكِ قوية وجميلة زي ما انتي. 💪🌸
تم النشر الأربعاء، ٢٤ يوليو ٢٠٢٤
لعرض السؤال في فدني اضغط هنا