كلموني عن الشخصيه الكسوله والاتكاليه واللي معندهاش طموح ولا بتسعي للاحسن لو خطيبك
وساعات بيقلل من طموحي وان مش هستحمل الشغل بتاعي بعد الجواز وهغير نظرتي ( مع العلم مش حاببني اشتغل ) بس دا قال ف الاتفاق معندهوش مانع ان اشتغل..
شوفي الشخص الكسول الاتكالي انتي اتخطبتي ليه لقيتيه كده ف غالبا بيفضل كده ع طول ف المفروض تسألي نفسك هل هتقدري تشيلي المسؤليه كلها بعد الجواز والي مبيعملهوش هتعمليه عشان البيت يمشي؟؟ وان شخص يقلل من التاني ف ده عشان لو مش قادر يواجه عيوبه ولا قادر يتعايش بيها ف انا مش هقدر يكون عندي طموح يبقا الي معايا متكونش احسن مني متكونش شغاله وبتعافر ويقولوا هو مبيعملش حاجه او فاشل او ملهوش طموح ف للأسف طبعين سيئين جدا ف الراجل اتكاليته وتقليله من الشخص الي قدامه
تم النشر الخميس، ٢٦ يناير ٢٠٢٣
هو رافض الشغل...واكيد واضح انك متمسكه بشغلك او كنتى حاطاه شرط من الاول. هو محبش يخسرك واكيد بيفكر باى طريقه يقنعك ويخلليكى انتى اللى تقولى هسيب الشغل ...هو بيستخدم طريقة احباط وتكسير.
تم النشر الأربعاء، ٢٥ يناير ٢٠٢٣
ببساطة شديدة .. لو انتي مش حاباه ومش عايزاه خلاص ابعدي عنه يعني شخص مش متوافق معاكي .. وبيقلل من طموحك، ومش عايزك تشتغلي .. وشخصية كسولة؟ انتي ليه معاه؟ يعني مستنية منه ايه؟ مستنية منه يتغير بعد الجواز ؟ مش هيتغير ولو فاكرة انك هتعرفي تغيريه برده مش هيتغير .. مفيش حد بيتغير اللي انتي شيفاه منه هيفضل مكمل عليه
تم النشر الأربعاء، ٢٥ يناير ٢٠٢٣
لعرض السؤال في فدني اضغط هنا