انا عندى ١٨سنة ،وشاكة بنسبة ٩٩٪انى عندى سرطان ثدى بس انا مش عارفه اقول لماما وبابا ازاى معنديش شجاعة انى اروح اقولهم حاجة زى دى مش هقدر اشوفهم زعلانين عشانى مش عايزه اوجع قلبهم عليا ،انا نفسيتى اتدمرت من كتر م خبيت الموضوع ده نفسى اعرفهم بس مش عارفه اعمل اى ؟
ده اخر تعليق ليا في التطبيق بالحساب ده و هعمل حساب جديد باسمي و هرد من عليه لاني هقفل ده . اولا انتي مش دكتورة .. مينفعش تشخصي حالتك مش علشان عملتي فحص شخصي منزلي باليد و اكتشفت وجود جسم غريب او ذو طبيعة صلبة يبقي سرطان .. ده اولا و ثانيا في مليون حاجه بتسبب وجود جسم نسيج صلب في الثدي لدي الانثي .. علشان كده يا ناس بنقول متسمعيش كلام اي حد ولا حتي نفسك و تروحي تعملي دكتور او تدوري علي الانترنت علشان هيحسسك اني بتموتي و ده حقيقي و السبب اننا بندور علي النتايج اللي اصلا لاعتراض متخصناش و بتتشابه مع حالات كتيييير .. دكتور يا آنسة دكتور أمراض نسا الأول و يكون معاكي حد كبير من أهلك مش لوحدك و لما يسألك فيه ايه قوليله أثناء الاستحمام لاحظت كذا و كذا او لو المشكلة عامة زي صداع و غثيان و ميل للنوم و ضعف عام برضه قوليله .. متتكسفيش بس تكوني معاكي امك او حد كبير .. في فروع كاملة معقدة لطب النسا و بياخد سنين علشان يخلوا واحد دكتور نسا بيفهم و انتي في كام يوم قررتي انك دكتورة و طلعتي نفسك عندك كانسر .. نبطل هبل .. دكتور .. إن شاء الله سليمة .
تم النشر الثلاثاء، ٢٢ نوفمبر ٢٠٢٢
في حاجات كتير في حياتنا بتكون صعبه ولكن الابتعاد عنها عشان هي صعبه بيدخلنا في ما هو اصعب منها ونندم ونتنمى لو كنا لحقناها من الاول حضرتك شاكه وعايشه في وهم الشك لغاية ما نفسيتك تدمرت بسبب الشك والامر ممكن ينتهي بانك تعملي الكشف الخاص بكده وتقطعي الشك باليقين لو عندك فعلا يتلحق من الاول ويتعالج ان شاء الله ولو مفيش تبقي ارتحت نفسيا وشلتي الوهم من دماغك الشيطان بيفسد على الانسان حياته بحديث نفس يخليه يموت غما وهما
تم النشر الثلاثاء، ٢٢ نوفمبر ٢٠٢٢
مفيش حاجة اسمها شاكة! أما عندك وفي الحالة دي للزمن تواجهي اهلك وياما متقوليش لكن فكره الشك دي هتقلقك انتي وهتصابي باضطرابات قلق وأمراض نفسيه حاولي تلجئي لمختص الاول واتأكدي وربنا يشفيكي ويعفو عنك
تم النشر الثلاثاء، ٢٢ نوفمبر ٢٠٢٢
افتحي الصورة كده
تم النشر الثلاثاء، ٢٢ نوفمبر ٢٠٢٢
الشك لازم تصارحى بيه اهلك عشان يتوجهوا معاكى اصلا للطبيب لعمل فحوصات وسؤال الطبيب المختص عن الشك ده والاعراض اللى خلتك تشكى من الاساس. ارجوكى المسائل الطبية مفيهاش شك ...الاطباء بيعملوا كل الفحوصات قبل ما يقولوا للمريض تشخيصه الأخير...فانتى بالشكل ده بتوهمى نفسك بشىء غير معلوم ولا مؤكد وده ارهاق للنفس مفيش داعى منه . مش هنصحك تروحى للطبيبة لوحدك ...لازم تبلغى اهلك بشكك ويروحوا معاكى
تم النشر الثلاثاء، ٢٢ نوفمبر ٢٠٢٢
ممكن تكون كيس دهني لو حاسه ان في جسم غريب ولازم تقطعي شكك ده انك تكشفي
تم النشر الأحد، ١٢ فبراير ٢٠٢٣
لو مش هتقدري تروحي للدكتور بمفردك يبقي قوليلهم ومتخفيش عشان يروحوا معاكي للدكتور ويطمنوا ..اهلك شاطرين جنود صامدة ياما دقت ع الراس طبول زي مابيقولوا .بس بجد انتي قلبك حلو اوى انكي تفكري فيهم ربنا يخليهملك ويخليكي ليهم.بس المهم والاولوية دلوقتي انتى تروحي للدكتور سوا قلتلهم وراحوا معاكي او روحتي وحدك
تم النشر الأربعاء، ٣٠ نوفمبر ٢٠٢٢
اهلك ياما مروا عليهم مشاكل كتير واجتازوها .متخفيش هيتعاملوا بشجاعة وهيساعدوكي وكل شئ هيبقي تمام.خوفك زيادة بسبب مرضك .لكن اهلك هيقدروا يتحملوا لا تقلقي .اذهبي بمفردك للدكتور للتأكد. وبعد كده قوليلهم لو في حاجة لا قدر الله .وربنا معاكي
تم النشر الأربعاء، ٣٠ نوفمبر ٢٠٢٢
المهم ف المرض ده السرعة في انك تزورى طبيب ..الخوف والتباطؤ لا قدر الله لو في مرض فعلا ممكن يزيد بسرعة لان الامراض دى بتزيد بسرعة.مش مهم دلوقتي تعرفيهم او لا المهم تزورى طبيب وتتطمني ع نفسك .ولو بعد الشر في حاجة تبدأى ف العلاج سريعا والاغلب بيشفي منه الان ولكن المهم السرعة .اهلك ياما مروا عليهم مشاكل
تم النشر الأربعاء، ٣٠ نوفمبر ٢٠٢٢
ممكن تكون تهيئات وانك موهومه بكده وميطلعش عندك حاجه بعد الشر عنك طبعا ممكن تلمحي لمامتك تقوليها حاسه بوجع أو كده وممكن تشوفي دكتور تطمني
تم النشر الأحد، ١٢ فبراير ٢٠٢٣
الافضل تقطعي الشك دة وتتاكدي طبيا لان ممكن ميكونش فيه حاجة او ورم حميد مثلا .. لو لا قدر الله فعلا تعبانة فصدقيني هيزعلوا اكتر لو مقولتيش ووجهتوا طاقتكوا للعلاج
تم النشر الاثنين، ٢٨ نوفمبر ٢٠٢٢
لن يصيبك إلا ما كتبه الله
تم النشر الجمعة، ٢٥ نوفمبر ٢٠٢٢
ايه ال مخليكي شاكه بس ؟
تم النشر الثلاثاء، ٢٢ نوفمبر ٢٠٢٢
مقال له علاقة https://1-a1072.azureedge.net/news/women/2022/11/22/تربطك-قرابة-بمريضة-سرطان-الثدي-ما-السن
تم النشر الثلاثاء، ٢٢ نوفمبر ٢٠٢٢
لعرض السؤال في فدني اضغط هنا