انا كنت بتكلم مع صاحبتي في الدرس و المكان الي احنا فيه حجمه مش كبير فأي حد يقدر يسمع كلام التاني عادي و كنت بتكلم مع صاحبتي دي عن البشرة و كده هي كانت بتكلمني اذاي تعالج حبوب بشرتها و كده و انا قولتلها و مع الكلام عادي جدا اتكلمت عن بشرتي أنا كمان و انا معروفة ان بشرتي حلوة اوي و صافية بس الفترة دي طلعلي حبوب فكونت بقولها ان بشرتي متدمرة حاليا بسبب واحد حسبي الله فيها قالتلي بشرتك جزازة و قعدت بقى احكيلها عن البنت دي و قعدت أقول حسبي الله فيها و ان البنت دي بتحسدني في كل حاجه في حياتي و اني كنت بحبها و كنت مفكراها طيبة و كنت بساعدها و بعد كده اكتشفت إنها وحشة و بتحسدني و قولتلها إن البنت دي زبالة بجد و الكلام نص المجموعة كانت سامعه كل كلامي و النص التاني كان برا المكان كانوا بيشتروا أو بيتمشوا لأن ده حصل في الاستراحه الي اخدناها وسط الدرس و انا بعد كده حسيت اني وحشة و ان الي سمعوا كلامي أخدوا عني فكرة وحشة و حاسة بتأنيب ضمير جدا و انا كتبت الكلام ده هنا تاني بس المرادي عشان عاوزة أعرف منكم لو كنتم في الحصة و سمعتوني بتكلم بالشكل ده كان إيه هيكون حكمكم عليا و ياريت من غير جبر خواطر لأن بجد حاسة إن إلي سمعوا أخدوا عني سمعه وحشة أو إني بغتاب الناس أو أو أو فرجاء عاوزة رأيكم في قصتي دي لأن مش عارفة أنام من كتر جلد الذات و كره نفسي على الي عملته ده خصوصا إني كنت هادية و فجأة بقيت بتكلم و كمان بصوت عالي و مهيبرة معظم الوقت
بخصوص إن اللي حصل دا غيبة في حق البنت اللي إتكلمتي عنها لازم تتوبي من جواكي وتقرري توقفي غيبه تاني وتفكري في كلامك قبل ما تقوليه.. أما عن اللي حصل فهما هينسوا بعد حصه أو اتنين ومتفكريش كتير في الأمر دا وفكري بس في إنك تحسني من نفسك وتتعلمي من أخطائك وربنا يوفقك يا قمر
تم النشر الثلاثاء، ٢٨ مايو ٢٠٢٤
السلام عليكم ورحمة الله وبركاته بصي يستي انا رايي ان تفكير الناس مختلف عن بعضه يعني ممكن المجموعه اللي سمعتك معظمها اخد عنك فكره وحشه والباقي لا عادي مش فارق معاهم بس حتي اللي اخد عنك فكره وحشه خليكي عارفه اولا ان اعتقادهم ده مش هيفيدك يعني انتي دلوقتي مش قصدك حاجه وحشه وكل ده حصل غصبا عنك هما اصلا مش حاسين بكده ولا حاسين بشعورك دلوقتي وانتي ندامنه وبتاع يعني الناس مش هيفدوكي وانتي كده كده مش قصدك وفي تلك الحالتين العمل بل النيات يعني ولا ذنب عند ربنا ولا اي حاجه اصلنا لو فضلنا نهتم الشخص ده هياخد عنا فكره اسه ويتاع حساتنا هتخرب لو هتفضلي تحاولي تخلي نفسك الشخصيه الاحسن في نظر الناس فا ده ضرر ليكي انتي وممكن حد يستغل النقطه دي وكمان مش لازم كل الوقت تكوني هاديه عادي لو جه وقت هيبرتي فيه فيها ايه اه وهضيف حاجه معلش بصي اولا كده دي تعتبر نميمه انك تحكي عن بنت من وراها مع بنت تانيه بطريقه وحشه انا اللي فات ده كنت بتكلم علي الناس نفسهم انك مهتميه اوي الناس واخده عنك فكره عامله ازاي بس اللي عملتيه ده بؤضو يعتبر غلط عند ربنا عشان نميمه بس كلنا بنغبط متقلقيش المهم تصلحي الغلط بانك تتوبي توبه صالحه وتدعي ان ربنا يغفرلك وان شاء الله يتقبل دعاكي بصي لو عاوزه تشتكي من حد اشتكي لربنا عز وجل
تم النشر الثلاثاء، ٢٨ مايو ٢٠٢٤
أولا، أنا شايفة إنك إنسانة واعية وحساسة، وده شيء إيجابي جدا. الاحساس بتأنيب الضمير ده بيدل على إنك شخصية حريصة على مشاعر الناس ومش بتحبي تزعلي حد. كل الناس بيعاملك عصبية أو بيتكلموا بشكل ما يعجبهمش بعدين يندموا، المهم هو إزاي تقدري تعالجي الموقف بعد كده. لو كنت سمعتك بتتكلمي بالطريقة دي، كنت ممكن أفهم إنك مضغوطة أو زعلانة، وده طبيعي. كل حد بيمر بلحظات عصبية. لكن كمان لازم نحاول نتحكم في نفسنا ونفكر قبل ما نتكلم، عشان ما نجرحش حد أو نأثر على علاقتنا بالناس. عشان تهدي نفسك وتقدر تنامي بسلام، ممكن تعملي حاجة بسيطة زي إنك تعتذري إذا حسيت إنك جرحتي أي حد بكلامك. كمان حاولي تفتكري دي نصيحة للحفاظ على بشرتك من الحبوب: الاسترخاء والابتعاد عن التوتر ممكن يساعدوا، لأن الضغط النفسي بيؤثر على بشرتك. ما تزعليش من نفسك كتير، كلنا بنتعلم من أخطائنا، والمهم إنك واعية وخايفة على مشاعر الناس حواليك. حاولي تهتمي بنفسك وتهتمي بمشاعرك، واعرفي إن كل يوم خطوة جديدة للأفضل.
تم النشر الاثنين، ٢٧ مايو ٢٠٢٤
لعرض السؤال في فدني اضغط هنا