الاغنيه بتاعت بنت ابوكي مع ان الاغاني حرام وكلنا عارفين كده علي قد ما هي جميله جدا وانتشرت ما بين البنات كلها وحسوا بإحساس جميل علي قد ما عدت علي ناس تانيه بوجع قلب وكسره كلام الاغنيه مش طبيعي كلام الاغنيه بيهز القلب والله مفكرتوش مثلا لو بنت ابوها متوفي هيكون كسر خاطرها ازاي كل ما افتح استوري ألاقيها بتمنا كل بنت ربنا يخليلها ابوها العمر كله مع احترامي لكل البنات واحترامي لحب كل بنت لابوها بس نرحم يتيم الاب ونحاول منجرحش مشاعر حد. ونعبر بطريقه مداريه شويه علشان منکونش سبب ف وجع او زعل حد وربنا يخلي كل اب لابنته ويرحم كل اب متوفي وزي ما ربنا قال الله تعالى {فَأَمَّا الْيَتِيمَ فَلَا تَقْهَرْ
حببتي ربنا يحافظ علي قلبك ويجبرك 🫂 حلو آوي تفضلي تدعي لغيرك بما تفتقديه دي منزله كبيره عند ربنا ادعي بالثبات عليها 🤍 *بصي الأغاني أصلا error كبير يعني تلاقي حد سينجل مشغل اغنيه فراق حبيبته ومتأثر 😅 بجد بيحصل كتير إنها تحرك مشاعر واحاسيس كانوا هاديين و ساكنين فبلاشها زي ماقولتي كده.. *فراق الاهل ده من أصعب الاختبارات ال ربنا نزلها وإنتي عارفه إنه يبتلي المرء علي قدر ايمانه فإنتي كبيره آوي عند ربنا انه يصطفيكي من الصابرين.. ربنا يكتب أجرك وصبرك ويربط علي قلبك يارب 🫂 *كمان ربنا مستنينا نناجيه دايما وتشكيله هو فاول ما تحسي بوجع اجري اسجدي بجد و احتسبي وعيطي لربنا هيبدل حزنك فرح وجبر صدقيني فوقتها🤍 *قللي الاستوريز دي وشاركي صحابك فرحتهم وشاركيهم بردو وجعك وازني بين حقوقهم عليكي وحقك عليهم بلطافه🌻 ربنا هادانا باب من رحمته في صوره الاب والام وعنده ال ٩٩ باب اوعي تتلهي عنهم والجأي دايما ليه يسندك ويصبرك 🫂 معلومه هامشيه كده: اليتيم لفظ يطلق علي من لا يستطيع بتكفل نفسه لكن من بلغ واستطاع لا يطلق عليه يتيم.. اقرأي فسيره الرسول هتفهمي 🌻
تم النشر الأحد، ١٢ فبراير ٢٠٢٣
انتى قلبك ابيض وجميل. اكيد طبعا مراعاة مشاعر الغير حاجة مهمة انا فاهمة كلامك كويس ..انا والدى متوفى وفعلا بتأثر بالنوع ده من المشاركات.... بس خلينا نتكلم بشكل اكثر وعيا ....لو عملنا كده هنبقي بنسمح بالتعبير عن المشاعر الحزينة بس و نوقف التعبير عن المشاعر الحلوة....طب هل ده هيساعدنا كلنا نعيش افضل ونساعد بعض على تخطى الاحزان. اننا نراعى حزن بعض دى حاجة ضرورية ...ده لما اكون عارفه ان دى حاجة هتزود حزن صديقتى مثلا ...فلازم طبعا اعبر بشكل ميأذيهاش. . بالنسبة للى فقد الاب مثلا ( زى اللى انتى بتفكرى فيهم وانا منهم ) لازم نتجاوز حزننا وحتى لو اتأثرنا بشىء زى ده مش هنحمل شعورنا ده على حد ...محدش له ذنب فى فقدانا لابونا ...ولا ده سبب يمنعهم يتعايشوا ويفرحوا بابهاتهم . ربنا يجبر بخاطرك ويهون على كل حد فقد احد والديه او كلاهما او احد المقربين ليه.
تم النشر الأحد، ١٢ فبراير ٢٠٢٣
ربنا يرحم بباكي ويغفرله يارب ويجعل قبره روضه من رياض الجنه ويلهم قلبك الصبر ويعوضك عوض جميل.. طبعا من حقك تزعلي وقلبك يوجعك ع فقدانه والمفروض المقربين منك يراعوا ده فعلا .بس في حجات بتتفرض علينا ف الحياه منقدرش نغيرها او نمنع حدوثها بس نقدر اننا نتقبلها الموت مكتوب علينا كلنا ودي حاجه لازم نسلم بيها واننا كلنا هنموت وان الرسول عليه الصلاه والسلام كان يتيم اتولد ملاقاش بباه ومامته اتوفت وهو طفل بس خلى منه شخص رحيم جدا وحنين جدا ع اولاده وع امه المسلمين كلهم ...ادعي لباباكي ع طول وطلعيله صدقه ع طول وخليه يشوفك مبسوطه وناجحه ع طول عشان كل اعمالك الصالحه ليه بتوصله وهو هيحتاج ايه اكتر من ولد صالح يدعو ليه ادعيله كتير وادعي ربنا يربط ع قلبك ويديكي العوض دنيا واخره يارب
تم النشر الأحد، ١٢ فبراير ٢٠٢٣
لعرض السؤال في فدني اضغط هنا