بقا عندي تفكير مفرط في الماضي بسبب كلمه من صحبتي خلتني بقا عندي تفكير زياده في الغلطه الي عملتها في الماضي حاسه اني محبوسه في قفص مش عارفه اخرج منو تفكير في الموت مش بيسبني الحقيقه اني حاولت انتحر كذا مره بس بفشل ومش لاقيه حل عشان مش بحكي لحد اصلا محتاجه حد يفدني ارجوكم انا علي حافة الانتحار
محتاجة تغيري طريقة تفكيرك ونظرتك للغلط الي حصل كل الناس بتغلط وعندها اخطاء في الماضي من طبيعة البشر انهم يغلطوا بل من طبيعتهم انهم يفضلوا يغلطوا محدش يقدر يمنع نفسه انه مايغلطش لكن تتعلمي من الغلط فتحاولي متكررهوش تانى- وإنك تعرفي فى حالة تكرار الغلط إنك ضعيفه قصاده وإنك ضعيفه قصاد نفسك وتفهمي انت ليه وقعتي في الغلط دا في الماضي؟ اكيد الغلط دا بيشاورلك على حاجة في نفسك محتاجة تشتغلي عليها ومحتاجة تتقبلي وتفهمي نفسك إن فيه جزء سئ جواكي وجزء كويس بيحاول يرفضه وجزء كويس وجزء تانى سئ بيحاول يرفضه بردو وانك قادره تلاحظي الجزئين دول وقادره على الاختيار طول ما انت عايشه فى دعم اي واحد فيهم واستمرار التناقض هو أمر طبيعى وان الغلط وارد وأمر طبيعي ودي طبيعة كل البشر المطلوب منك بشكل مُستمر هو مُجاهدة نفسك وتحسين اختيارك طول الوقت محتاجة تسامحي نفسك وماتجريش الماضي معاكي ومتحكيش لحد من اصحابك على أخطائك الي فاتت جميع البشر عندهم اخطاء لازم تفهمي دا انت مش الوحيدة انت طبيعية واي خطأ بيقع فيه البني آدم وهو اتعلم منه وفهم الرسالة منه كل ما كان شخص تقيل وحكيم وفاهم الدنيا اكتر والغلط دا يدفعه لقدام ويعرفه على نفسه اكتر وانصحك بزيارة معالج نفسي ارجوكي في أقرب وقت تتكلمي معاه طالما فيه محاولات انتحار
تم النشر الأحد، ٢٣ مارس ٢٠٢٥
عزيزتي حبيبة، أود أن أقول لك إنه من المهم جداً أن تسعَي للحصول على الدعم والمساعدة في هذا الوقت العصيب. من الواضح أنك تمرين بفترة صعبة جداً، وأنتِ لستِ وحدك. مشاعر القلق، الحزن، والتفكير في الموت يمكن أن تكون سلوكيات مرتبطة باضطرابات نفسية تستحق الاهتمام والرعاية. أولاً، أنصحك بشدة بالتواصل مع مختص نفسي أو مستشار يمكنه مساعدتك بشكل مباشر. الحديث مع شخص مدرب يمكن أن يوفر لك الأدوات والدعم الذي تحتاجينه للخروج من هذا "القفص" الذي تشعرين به. ثانياً، حاولي الكتابة عن مشاعرك وتجاربك. يمكن أن يساعدك ذلك في تنظيم أفكارك والتعبير عن مشاعرك بطريقة أكثر وضوحًا. ثالثًا، ما تمرين به ليس عيباً أو ضعفاً، بل هو جزء من تجربة إنسانية أكبر، ويجب ألا تشعري بالخجل في طلب المساعدة. تذكري أن الحياة قد تحمل العديد من اللحظات الجميلة التي تستحقين العيش من أجلها. في النهاية، لا تترددي في طلب المساعدة من المحيطين بك، فقد يتفهم البعض ما تمرين به ويمكنهم تقديم الدعم. تذكري أنكِ مهمة وأن حياتكِ لها قيمة. أرجو لك الصحة والسلامة.
تم النشر الجمعة، ٢١ مارس ٢٠٢٥
بصي انا عارفة إن التفكير المفرط مؤذي جدا ... ايا كان الغلطة اللي عملتيها يا حبيبتي ف عادي أهم حاجة التوبة تتوبي ل ربنا ومترجعيش للغلط ده تاني .. ربنا خلقنا عشان نغلط ونتوب تاني . حاولي تقربي من ربنا وتتعمقي ف أمور الدين القرب من ربنا كفيل أنه يشيل من دماغك أي تفكير وحش وأي وساوس بتجيلك
تم النشر الثلاثاء، ٢٥ مارس ٢٠٢٥
شكرا بجد ربنا يخليك
تم النشر الأحد، ٢٣ مارس ٢٠٢٥
امشى مع دماغك للآخر وشوفى هتوديكي لفين.. يعني ماذا بعد الإنتحار؟!. متعة الحياه في مشكالها اللي بتكتشفي بعد كدة انها نقطة قوتك الوحيدة..انا جاي من المكان اللي انتي فيه ده عشان كدة قادر اكلمك بكل ثقة واقولك هتعدي 🍁
تم النشر الأحد، ٢٣ مارس ٢٠٢٥
اوعي تفكري في حاجه زي كده وانسي اي كلام سلبي
تم النشر السبت، ٢٢ مارس ٢٠٢٥
لعرض السؤال في فدني اضغط هنا