السلام عليكم، خليكِ مؤمنة إن مفيش حاجة كبيرة على ربنا سبحانه وتعالى وإن شاء الله يرزقك من فضله. عادي لو رحتِ لأكثر من طبيب، ممكن تشوفي غيرهم وإن شاء الله تتوفقي لحد كويس وتلاقي حل للمشكلة وتتعالجي بإذن الله. أعرف ناس فضلوا سنين يحاولوا وراحوا لأطباء كتير ونفس الكلام إن مستحيل الإنجاب وفي الآخر ربنا كتب لهم العلاج والذرية. المهم، خلي عندك يقين بربنا وادعيه كتير يرزقك الذرية الصالحة ودايما كرري قول سيدنا زكريا عليه السلام (ربِ لا تذرني فردًا وأنت خير الوارثين) ودعاء سيدنا إبراهيم عليه السلام (ربِ هب لي من الصالحين) وأكثري من الاستغفار "فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً* يُرْسِلِ السَّمَاءَ عَلَيْكُمْ مِدْرَاراً* وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً" (من لزم الاستغفار جعل الله له من كل ضيق مخرجا، ومن كل هم فرجا، ورزقه من حيث لا يحتسب) وانتبهي لحاجة مهمة، القلق والتوتر واليأس والتشبث كمان بالفكرة باستماتة تحولها لهوس كل دي عوامل بتأخر الإنجاب مش بتساعد خالص في حل المشكلة. فأنتِ ادعي واستغفري كتير واخرجي صدقات وكملي في البحث عن العلاج وربنا هو الرزاق وقادر يقر عينيك إن شاء الله.
لعرض الإجابة في فدني اضغط هنا