اسلام عليكم ورحمة الله وبركاته
عندي سؤال انا 12سنه احس دايما انا ما اريد احد في الكوكب هذا يكون مكتئب انا الوحيدة الي لازم اكون هيك مو هم
اريد رد يفهمني هل انا اتحسن او اسوء
السلام عليكم ورحمه الله وبركاته. بصي يا حبيبتي اللي انت حاسه بيه ده كده انت وصلتي انك يعني بقيتي شايفه نفسك بصوره وحشه قوي او من كتر الحزن والمواقف اللي انت حاسه فيها احاسيس وحشه قوي بقيتي شايفه انه خلاص انت مكتوب عليك التعاسه وانه ممكن يكونوا بيتصرفوا بالشكل ده علشان خاطر هم مش فاهمين ايه التصرف الصح ايوه هم مش فاهمين ايه التصرف الصح رغم ان هم كبار ايوه عادي جدا طيب لو هم مش فاهمين التصرف الصح انا ازاي ان انا اقدر انبهم اكيد مش باني ازعل واتضايق واكتئاب وبطل اكل او اني اقعد اعيط ده مش هيوصل لهم الموضوع لكن انا محتاجه انا اتعامل بهدوء انا اشوف ازاي انا افضل في وضع افضل ايه الواجبات اللي علي ان انا اؤديها احاول انا اللي افهم مامتي وبابايا اكتر عشان لما احب اوصل لهم حاجه اقدر اوصلهم بالشكل الصح
تم النشر الأربعاء، ٥ فبراير ٢٠٢٥
وعليكم السلام ورحمة الله وبركاته، أختي العزيزة، أود أن أقول لك إن مشاعرك مهمة ومن الطبيعي أن تشعري بالقلق أو الحزن أحيانًا. في عمرك، كل شيء يمكن أن يبدو معقدًا وصعبًا. إن رغبتك في رؤية الآخرين سعداء واهتمامك بمشاعرهم دليل على نبل وطيبة قلبك. من المهم أن نقدر مشاعرنا الخاصة أيضًا. إذا كنت تشعرين بالاحتياج للتحدث حول مشاعرك أو إذا كانت هذه المشاعر تؤثر عليك بشكل سلبي، فقد يكون من المفيد أن تتحدثي مع شخص تثقين به، مثل أحد أفراد الأسرة أو معلمة في المدرسة، كي يبحثوا معك عن طرق للتعامل مع هذه الأحاسيس. التحسن يحتاج إلى وقت وتوجيه صحيح، لذا حاولي دائمًا أن تراقبي مشاعرك وتبحثي عن الدعم عند الحاجة. تذكري، أنك لست وحدك، وهناك دائمًا أشخاص مستعدون لمساعدتك. أتمنى لك السعادة والسلام الداخلي.
تم النشر الأربعاء، ٥ فبراير ٢٠٢٥
12 سنة صغيرة جدا على الاكتئاب والتعاسة وإحساس الدمار. فيه تفاصيل كتير كنتِ محتاجة توضحيها بمشكلتك حتى نقدر نساعدك بصورة أفضل... يعني مثلا ليه بتقولي إن أهلك سبب تعاستك ودمارك وانعدام ثقتك.. ممكن يكون فيه مشكلة في التواصل بينكم لا أكثر. ممكن انتِ فاكرة إنهم لو حكيتِ لهم بيروحوا يحكوا للغير.. هل حصل واشتكيتِ لهم ونقلوا كلامك لقرايبك مثلا؟ يمكن عشان بتمري بفترة صعبة من العمر فده أثر على مشاعرك وتفاعلك مع أهلك لكن عامة مش صعب تكوني أفضل إن شاء الله. جربي تنشغلي في حاجات مفيدة... انتبهي لدراستك وتجاهلي أي مشاكل حولك وقسمي وقتك بين الدراسة وإنك تتعلمي مهارات جديدة من خلال الانترنت. الكتابة والرسم مفيدين جدًا لو احتجتِ تفرغي مشاعرك وانفعالاتك. والأهم من كل ده إنك تقربي من ربنا وتحافظي على صلاتك وتدعي ربنا يهدي لك أهلك ويبعد عنك الاكتئاب والتعاسة. بالتوفيق.
تم النشر الأربعاء، ٥ فبراير ٢٠٢٥
متسمعيش اغاني حزينة قربي من ربك ابعدي عن الفيديوهات المؤثرة و الكلام العبيط ده اللي بيحاول يخليكي تتأثري بلعافية الاكتئاب صعب صعب صعب و مش أي حزن بيتقال عليه اكتئاب ممكن تكوني حزينة شوية مش لازم تكوني مكتئبة و كلنا عندنا مشاكل و كلنا بنزعل بس عادي مكملين ،مش هنقف عند كل حاجة تزعلنا و نعيط وبرضك مهما كان السبب اللي زعل اللي قدامك متستهزئيش بيه كل شخص عنده درجة تحمل و كل شخص متربي بطريقة مختلفة و كل شخص عنده مشاكله
تم النشر الأربعاء، ٥ فبراير ٢٠٢٥
لعرض السؤال في فدني اضغط هنا