أنا من أشطر طلاب دفعتي وممكن اكون أنا الاولى عليهم دايما انا حاليا في تانية ثانوي وحاسة ان مستوايا قل ومابقتش بذاكر زي الأول وكنت الأول بسهر كتير المذاكرة ولو ملقحتش اكمل كنت بنام ساعات قليلة واصحى بدري جدا عشان اذاكر دلوقتي الكلام دا مبقاش يحصل اه بجيب درجات كويسة بس انا مش حاسة اني زي الأول وبقيت اذاكر حاجه واحده بس ف يومي وممكن متبقاش مذاكرة كمان يعني ممكن تبقى حل واجب او اذاكر نص ساعة بس وازهق واقوم وبقيت اكسل اقوم اذاكر يعني مش بقوم اصلا يعني مش بذاكر شوية وازهق لا انا ببقى مكسلة اقوم ومش بقوم فعلا انا دا كله مضايقني جدا وماثر على نفسيتي جدا جدا وبرغم كدة مش عارفة آخد خطوة للتغيير او إني ارجع زي الاول واللي مزعلني ان فيه ناس مستواهم أقل مني ملاحظة انهم بيذاكر كتير اوي ماشاء الله عليهم أنا مش بغير انا بس ببقى زعلانة على نفسي اني وصلت ل دا وكمان السنة الجاية هكون ثانوية عامة وخايفة افضل كدة المفروض السنادي اعود نفسي على ضغط المذاكرة واني اقعد فترة طويلة اذاكر مش عارفة اخد اي خطوة ودا بردو مضايقني جدا يعني متضايقة اني بقيت بالمستوى دا ومتضايقة أكتر اني مش عارفة آخد خطوة للتغيير.
السنة اللي فاتت كنت الاولى ووعدت نفسي اني هذاكر اكتر السنادي عشان احافظ ع المستوى دا بس معرفتش للاسف
ممكن تنصحوني ؟
دا شيئ طبيعي لأنك بذلتي مجهود كبير سابقاً في المذاكره خلاكي مش قادره ترجعي من جديد فتره و هترجعي ذي الأول عادي بس أهم حاجه متقاطعيش يعني تمام حلي واجب دروس و ذاكري حبه قليلين لأن قليل دائم خير من كثير منقطع يعني حبه ب حبه و هترجعي ذي الأول إن شاء الله و حاولي تعملي حاجه بتحبيها مثلا مارسي هوايه بتحبيها اقعدي مع ناس تخرجك من مود المذاكره قضي يوم حلو يخليكي تفكي عشان تقدري ترجعي من جديد و حاولي تفكري نفسك بمستقبلك و ان فاضلك كلها سنه و تخلصي من كل دا و تخشي كليه ف شدي حيلك الترم دا و السنه الجايه بس و هترتاحي بعد كدا ع الأقل هيكون اتحدد انتي هتطلعي ايه مستقبلاً و بردو حاولي متحكيش لناس كتير ع انك ذاكرتي كذا و كذا في ناس عينها وحشه جداً ربنا يحفظك منهم
تم النشر الجمعة، ١٦ فبراير ٢٠٢٤
أفهم شعورك تمامًا، فأنتِ طالبة متميزة ومررتِ بتغيرات في طريقة دراستك أدت إلى شعورك بالقلق من مستواكِ، خاصة مع اقتراب الثانوية العامة. سأقدم لكِ بعض النصائح التي قد تساعدكِ على استعادة تركيزكِ وتحقيق أهدافكِ: أولاً: فهم سبب التغيير: من المهم تحليل سبب تغير طريقة دراستكِ. هل هو شعور بالضغط أو الملل أو عدم وجود دافع؟ معرفة السبب ستساعدكِ على إيجاد حلول مناسبة. ثانياً: وضع خطة دراسية: حددي أهدافكِ الدراسية بوضوح وقسّميها إلى خطوات قابلة للتحقيق. ضعي جدولًا زمنيًا محددًا للدراسة مع مراعاة فترات الراحة. ثالثًا: تنظيم بيئة الدراسة: اختر مكانًا هادئًا ومريحًا للدراسة بعيدًا عن المشتتات. تأكدي من وجود إضاءة جيدة وتهوية مناسبة. رابعًا: تنويع أساليب التعلم: لا تعتمدي على طريقة واحدة للدراسة. جرّبي أساليب مختلفة مثل كتابة الملاحظات، حل المسائل، استخدام بطاقات المراجعة، أو المشاركة في مجموعات دراسية. خامسًا: الاهتمام بالصحة: احرصي على النوم الكافي واتباع نظام غذائي صحي وممارسة الرياضة بانتظام. كل ذلك سيؤثر إيجابًا على قدرتكِ على التركيز والتعلم. سادسًا: التحفيز الذاتي: كافئي نفسكِ على إنجازاتكِ الدراسية. حددي أهدافًا قصيرة المدى واحتفلي بتحقيقها. تذكري أن النجاح رحلة وليست وجهة. سابعًا: طلب المساعدة: لا تترددي في طلب المساعدة من معلميكِ أو زملائكِ أو أفراد عائلتكِ. تبادلي الخبرات مع زملائكِ وتعلمي من تجاربهم. ثامنًا: التغلب على الكسل: الكسل شعور طبيعي، لكن يمكن التغلب عليه. حددي موعدًا محددًا للبدء في المذاكرة وخصصي مكافأة لنفسكِ بعد إنجاز مهمة معينة. تاسعًا: التفاؤل والثقة بالنفس: آمني بقدراتكِ وكوني إيجابية. تذكري أن لديكِ إمكانيات كبيرة للنجاح. عاشرًا: الصبر والمثابرة: لا تتوقعي نتائج فورية. التغيير يتطلب وقتًا وصبرًا. واصلِ العمل بجدّ ومثابرة وستحققين أهدافكِ. نصائح إضافية: استخدمي تقنيات الاستذكار مثل الخرائط الذهنية والملخصات. قسّمي المواد الدراسية إلى أجزاء صغيرة. خصصي وقتًا لمراجعة المواد التي درستِها. اطرحي الأسئلة على معلميكِ إذا لم تفهمي شيئًا. ناقشي المواد الدراسية مع زملائكِ. تذكري: أنتِ طالبة متميزة ولديها إمكانيات كبيرة للنجاح. اتبعي هذه النصائح وكوني مُثابرة وستحققين أهدافكِ. ملاحظة: لا تقارني نفسكِ بالآخرين. ركزِ على تطوير نفسكِ وتحقيق أهدافكِ الشخصية. أرجو أن تساعدكِ هذه النصائح. مع تمنياتي لكِ بالتوفيق والنجاح!
تم النشر السبت، ١٧ فبراير ٢٠٢٤
لا ان شاء الله لا اكتئاب ولا حاجه الكلمه دي تقيله انتي بس في هدنه وهترجعي احسن من الاول ، وجزاك الله خير
تم النشر الجمعة، ١٦ فبراير ٢٠٢٤
ربنا يهديني وارجع احسن من الاول لان الموضوع مسببلي اكتئاب والله،شكرا على كلامك الجميل ودعواتك ليا ولك بالمثل واكثر ان شاء الله
تم النشر الجمعة، ١٦ فبراير ٢٠٢٤
اتحسدتي ها ؟ لا فوقي من الي فات كدا ركزي بقا في الي جي ، يلا استعيني بربنا ونفضي للحجات الوحشه الي فدماغك ، انتي كنتي الاولي علي دفعتك مش هتعرفي ترجعي تاني !! ، لا طبعا هترجعي احسن من الاول ، سنة الحياه ان الي ناجح بيجيلو وقت ويرجع شويه بس مننساش انو ناجح يعني يرجع يفوق لنفسو من تاني ، جددي طاقتك ، ابعدي عن اي حاجه سلبيه ، نظمي يومك ، ركزي في مستقبلك انتي دخله علي مرحله مهمه " تالته ثانوي" مفيش وقت خلاص للراحه لازم ترجعي احسن من الاول . 'ربنا يوفقك'
تم النشر الجمعة، ١٦ فبراير ٢٠٢٤
لعرض السؤال في فدني اضغط هنا